2 Kronika 34 : 1 – 7
Thema : Ndalanken
Si Ngena Ate Tuhan
2 Kronika 34 : 1 – 7
Bahasa Karo
34:1 Josia
umur waluh tahun tupung ia jadi raja Juda. Jenari merentah ia i Jerusalem telu
puluh sada tahun dekahna.
34:2 Ilakokenna kai si ngena ate TUHAN . Iusihna perbahanen
nini-ninina Raja Daud, janah alu tutus iikutkenna kerina Undang-undang Dibata.
34:3 I
bas tahun pewaluhken kenca Josia jadi raja, tupung ia nguda denga kal, ia mulai
nembah man Dibata nini-ninina Raja Daud. Empat tahun kenca si e ia mulai ngeruntuhken ingan-ingan ersembah man berhala-berhala,
gana-gana Dewi Asera bage pe kerina gana-gana si deban.
34:4 Arah
perentahna iruntuhken anak buahna batar-batar ingan ersembah man Baal, janah
batar-batar ingan nutung si merim-merim si ndeher i je pe irontaskenna.
Iripukkenna jadi abu gana-gana Dewi Asera bage pe gana-gana si deban jenari
icaburkenna abu e ku babo kuburen kalak si enggo mereken persembahen man
gana-gana e.
34:5 Itutungna
tulan-tulan imam-imam perbegu i babo batar-batar inganna ersembah. Alu
ngelakoken kerina si e, ibahanna Juda ras Jerusalem mulihken bersih rikutken
aturen agama.
34:6 Bage
ka nge perbahanenna i bas kuta-kuta si enggo radas i daerah-daerah Manase,
Eperaim bage pe Simeon seh ku Naptali i Utara.
34:7 I
belang-belang daerah Kerajan Utara iruntuhkenna batar-batar ras gana-gana
Asera, iripukkenna gana-gana e jadi abu, janah iperperkenna kerina batar-batar
ingan mpersembahken si merim-merim. Kenca bage mulihken ia ku Jerusalem.
Fakta Dan Makna
1. Josia
diangkat jadi raja tupung umurna 8 tahun,
jenari ia memerintah selaku raja jehuda selama 31 tahun dekahna. Ilakokenna
kai si ngena ate TUHAN. Iusihna perbahanen ninina Raja Daud, janah alu tutus
iikutkenna kerina Undang-undang Dibata. Umur 8 tahun adi bas kita GBKP
termasuk kelas anak kecil. Anak anak
antara kelas 1 – 3 SD. Ibas usia bageme
Josia iangkat jadi raja seterusna selama lebih kurang 31 tahun. Menarik untuk mengevaluasi Josia. Uga maka banci ia memimpin selaku raja
padahal umurna pe nguda denga kal. Janah lit ukurna ngikutken Dibata, DIbata
ninina Raja Daud. Adi rukur ibas
kebiasaan manusia secara umum, mesera kal kita ndarami logika na. Jadi alu bage, kemampuan Raja Josia untuk
memimpin kerajaan Juhuda selama lebih kurang 31 tahun, erkiteken lit campur
tangan langsung Tuhan Dibata. Tuhan Dibata
me sinampati Raja Josia ibas umurna nguda denga nari kal. Adi bage banci ka nge lit skill kepemimpinan bas anak anakta KAKR
atau PERMATA atau MAMRE/MORIA Muda ? Mari si renunngkan dalam dalam senina ras
turang.
Sumber Photo : https://timeintheword.org/2017/03/31/josiah-a-king-like-no-other/
2. Ibas
umurna 16 tahun, 8 tahun kenca ia itangkuhken jadi raja, isembahna Tuhan
Dibata, ngikuti kai siibahan ninina Raja Daud
Empat tahun kenca si e, mulai lah iruntuhkenna/iradaskenna berhala
berhala ras batar batar ingan sersembah man Dewi Asera. mekuah.
La hanya kemapuanna jadi raja, tapi pe
turah ibas perenungan Raja Jehuda lako ngeradasken kerina sembah sembahen ku
dibata dibata si deban I seluruh kerajaan Jehuda. Jenari maka iradaskenna kerina, padahal
bapana ras nini bulangna sebelumna mempersilahkan penyembahan berhala-berhala
e. Ibas pemikiren penggejapen Josia,
bahwa la banci lit dibata dibata si deban selain TUHAN DIBATA sisembah ninina Raja Daud.
E ngenca Dibata situhu tuhuna, s idem alu keleng ate. Em sebabna lit komitmen Raja Josia lako
ngkernepken kerina dibata dibata sideban.
Bas kita pe kerina berlaku nge pemikiren si bage. Adi enggo kita tuhu tuhu memahami ras tek ku
TUHAN DIBATA, lanai lit sura suranta lako make jimat jimat ras pe nembah dibata
dibata sideban. Sebalikna pe bage, adi
lit denga sura sura nta ndarami pemeteh pemeteh sideban, berarti lang abo jelas
penandaita ras penalementa ku TUHAN DIBATA.
Kunci na bas kita nge, labo DIBATA e si kurang berkuasa. Emaka mari dage si sembah TUHAN DIBATA alu payor
as alu cara sin gena ate Tuhan ta e.
Amin ?
3. La
hanya bas sada ingan, tapi bas kerina seluruh Judea Jerusalem iradasken Josia
batar batar penyembahan Dewi Asrea, itutungna tulan tulan imam imam na, maka enggo bersih seluruh Judea rikutkan
aturen agama Jahudi. Total
dan menyeluruh serta serius dan sungguh sungguh, bageme raja Josia erkomitmen
ku Tuhan Dibata. Em sebabna lanai sada
ingan pe si lit denga ije batar batar penyembahan. Ngikut Tuhan ula tanggung. Ikut TUhan harus serius. Adi enggo komitmen ngikut Tuhan, lanai baban
baban ta , tah pusaka pusaka ninita sinai.
Ula min lit sada pe anggota kekuarga ta si la ngikut Tuhan Dibata arah
anakNa Yesus Kristus. Radasken kerina
kiniteken kiniteken si la payo ras pe dibata
dibata ras jimat jimat si lit dengan bas rumahta. Endesken 100 persen keluarga ta ras dirinta
sendiri ku TUHAN. SElanjutna sitimai
TUHAN erkarya ibas dirinta.
Pengkenaina
·
Hal sipentingna ibas geluhta bas doni
enda emekap ndalanken sin gena ate Tuhan bagi sinibahan Raja Josia. La lit umur ngudasa tah metuasa lako nembah
ras erpengendes ku TUHAN. Anak anak nari
she ku Zaitun kerina lah kita ndalanken si payo iadep adepen TUHAN Dibata.
·
Adi enggo tek ras erpengendes ku
TUHAN ula nai mbiar, ula nai khawatir, ulanai ragu tah pe Bimbang. Bereken TUHAN mengarahken kegeluhen ta. Tuhan ta TUHAN si melias si la nggit
menyengsarakan anak anakna. Pasti
kemalemen ate sikerajangen kerina kalak si secara Total erpengendes ku
TUHAN. Bagi Josia, umur 8 tahun nari she
31 tahun dekahna ia ndatken kemalemen ate ras TUHAN DIBATA, ras gelarna pe
mbaba kemalemen ate gedang gedang jaman. Amin.
Bujur melala
ras mejuah juah kita kerina.
Pt. Analgin
Ginting.
Komentar