Bahan Penelaahan : Kejaidan 1 :
28 – 31
Thema : Jagai Doni Enda
Kejadian 1 : 28 – 31
1:28 Ipasu-pasu Dibata manusia ndai, nina,
"Ertuahlah kam jadi nterem, demi dingen taluken doni enda, kuasai kerina
nurung, perik-perik i awang-awang, bage pe kerina rubia-rubia i daraten.
1:29 Kubereken man panganndu kasa kai
sinuan-sinuan si erbuah i babo doni enda ras kerina batang kayu si erbuah si
lit sinuanna i bas buahna.
1:30 Tapi man kerina rubia-rubia i daraten ras
man perik-perik i awang-awang, Kubereken dukut-dukut si meratah ras
sinuan-sinuan si erbulung man panganna." E maka jadi me bage.
1:31 Kenca bage itatap Dibata, janah idahNa maka
kerina si enggo ijadikenNa tuhu-tuhu mehuli. E maka ben wari, jenari siang ka
-- e me kap wari si peenemken
Fakta dan Makna
1.
Ipasu
Pasu Dibata Manusia ndai, gelah erkuasa ibas kerina tinepa sideban. Dibata
mbere mandat man manusia arah pasu pasuNa gelah engkuasai isi doni enda. Jadi adi bage, cara manusia ngkuasai doni
enda alu kepentaren si rehna bas Tuhan nari. Tapi ula salah kaprah, labo ate Dibata gelah
doni enda iciptaken guna kinihagaan manusia e, tapi gelah doni enda tetap jadi
ingan kegeluhen si mehulina . Janah adi manusia kerina nggeluh alu mehuli
maka ipujina Tuhan Dibata, ermuliana pe Tuhan sang pencipta e. Tapi melala si salah kaprah, kinihagaan manusia
e ipeganjangna ibas ia ngkuasai doni enda. Nembeh Dibata adi bage. Gelah la salah kaprah harus ia ndatken pasu
pasu ras kepentaren bas Dibata nari gelah manusia e banci mengelola doni enda
alu payo.
Sumber Photo : https://gmassembly.com.ng/be-fruitful/
2.
Isediaken
Dibata panganna kasakai sinuan sinuan si
erbuah, ras kerina batang kayu sierbuah ras si lit sinuanna ibas buahna. Isediken
Dibata pangan manusia I doni enda secara berkesinambungan. Sebab ibas buah buahen si mburnis, simejile
e, lit ka benih sibanci suan sierbahanca buah buahen e la keri. Jadi manusia e Lanai perlu mbiar la lit man
pangan. Tuhan si menyediakensa. Ula biar
la man adi tetap rembah ras Dibata. Lau
pe lit bas Tuhan Yesus, Lau Kegeluhen si la erkeri kerin. Labo ban pendahinta ma maka lit pangan bas
kegeluhenta, tapi ban Pasu Pasu Tuhan Dibata nge arah pendahin perbulangen ndu
e nge. Uga erbintuasna pe Mamre erdahin,
adi la pasu pasu Tuhan labo banci rulih.
Tapia di pasu pasu Tuhan dahin si sederhana pe melala rulihna. Jadi man bandu Moria kami, tetap lah ngataken
bujur man Tuhan uga pe pendahin mamre ndu.
Ula sanga melala bonus na e saja ngenca kam ngataken bujur, tapi bas
sitik tah pe la dat bonus e pe ngataken bujur lah man Tuhan Dibata. Gelah alu
bage, tetap ipasu pasuNa. Bagem cara si
paling bijak lako njagai rumah ndu, janah njagai rumahndu alu mehuli, bageka me
kam njagai doni enda. Amin ?
3. Kenca bage itatap Dibata, janah
idahNa maka kerina si enggo ijadikenNa tuhu tuhu mehuli. Doni
si mehuli kal enda perlu ijagai, peru ilestariken. Tuhan Dibata sendiri natap
kerina tinepa Na e, tuhu tuhu mehuli. Emaka perlu kal ikut kita kerina njagai
sa. Terutama man kalak si pentar, si
erpengendes man Tuhan. Sebab labo lit
kengasupen manusia njagai doni enda adi lakin lit pemeteh ras semangat si reh
bas Tuhan nari. Langkah pertama njagai
doni enda, usur mbegiken ras ndalanken pedah Tuhan. Ula mbegiken ranan si iblis. Si Hawa begikenna
iblis, jenari panna buah kayu si ilarang Tuhan, dungna ceda doni enda. Kam moria kami pe, ula begikenndu ranan iblis
gelah ula ceda jabundu. Tapi Pedah
Dibata lah pebelin ibas dirindu, gelah sustain kinijelen rumah tanggandu. Adi rumah tanggandu pe mejile, doni enda pe
pasti mejile. Amin
Pengkenaina.
·
Moria ertugas gelah bas rumahna la
lit kebiaren. Tapi si perlu dem bas jabu
emekap kepentaren ras pasu pasu Tuhan.
Jadikenlah jabundu e jabu si tuhu tuhu nandai ras nggit megiken Pedah
Tuhan DIbata. Jenari tatap dahndu mejile
kerina lagu langkah anak anakndu ras perbulangenndu. Nande nge simaka nande.
·
Nande e seri tiang tah pilar, si
ertugas ertanggung jawab natang natang
keutuhen rumah e. Nande me pilar doa ibas jabu.
Jadi adi pilar e paguh ras nteguh
hasilna rumah pe paguh ras nteguh. Pilar
tah pe tiang bas jabu emekap pertoton.
Adi megegeh isi jabu ertoto ku Tuhan, sikap rumah e terjagai doni
enda, sebab la lit bas rumah sibage nari
turah sura sura lako encedai doni enda. Jadikenlah
ertoto jadi kegemaran tah hobby bas jabundu.
Es krim tah tasak telu banci jadi hobby bas jabu, tapi sipentingna
ertoto jadiken hobby bas jabundu. Hobby
si 7 kali tabehen asangken es krim tas tasak telu. Adi burger king ta pe mi goreng solaria,
ndauh nge. Ertoto lebih nikmat 700 kali
asangken burger king tah pe mie goreng solaria. Amin.
Bujur ras mejuah juah kita kerina
Pt. Analgin
Ginting.
Komentar