Bahan Penelaahan : Ester 2 : 15 –
18
Thema : Kerina Erngena Ate
Ester 2 : 15 – 18
2:15 Dage seh me paksana Ester ngadap raja.
Ester anak Abihail, turang Mordekai sembuyak bapa, si enggo ipebelin-belinna
bagi anakna jine. Kerina si enggo ngidah Ester, erngena ate man bana. Kenca
enggo seh gilirenna, ipakena me pakenna sue ras si nikataken Hagai, pengawas
rumah gundik raja.
2:16
Dage i bas tahun si pepituken kenca
Ahasweros jadi raja, i bas bulan pesepuluhken, e me bulan Tebet, ibaba me Ester
ngadap Raja Ahasweros ku istana kerajan.
2:17 Lebih asangken singuda-nguda si deban,
senang dingen malem kal ate raja ibahan Ester. Erkiteken si e ia ngenca ate
raja si kelengna dingen si ngenana. Itamaken raja mahkota ku takal Ester janah
iangkatna ia jadi kemberahen nggantiken Wasti.
2:18 Kenca bage ibahan raja pesta man-man si
meriah guna pehagaken Ester, janah iundangna kerina kalak si mehaga ras
pegawaina. Imomoken wari libur i belang-belang kerajan, janah ibagi-bagikenna
hadiah-hadiah alu melumbar
Sumber photo : https://metrovoicenews.com/
Fakta dan Makna
1. Sehh me paksana Ester ngadap raja,
Ester mbelin ibas asuhen Mordekai turang Abihail Nd Ester sembuyak bapa.
(ermama Ester man Mordekai rikut peradatan Karo) . Kerina si enggo ngidah Ester
erngena ate man bana . Lit sada paksa ibas kegeluhen manusia, ija ituduhken
Tuhan keleng ateNA si seh kal belinna.
Waktu tah Momentum si merubah kerina dalan kegeluhen. Bagepe Ester,
“She ma paksana Ester ngadap raja”, enda me momentum ibas kegeluhen
Ester, ija ia bakal iangkat jadi Permaisuri tah pe Ratu Kerajaan. Kenca Ia erpuasa, kenca ia menampakkan diri I
halaman siidah raja, emaka she me paksana ia ngadap ku raja. Indah Pada Waktunya emekap momentum e… jadi
banci siidah, momentum si mbelinna ibas kegeluhen manusia banci terjadi adi
ijinken Tuhan, janah ije me situhuna Tuhan memberikan ras menjelasken visi
kegeluhenta. Ester jadi ratu labo saja
guna si Ester e, tapi pe erguna kerina nandangi keselamatan kalak Jahudi . Emaka momentum terbesar ibas geluhndu pe
kerina moria kami, emekap guna jelma sienterem nge. Adi rempet kam iangkat jadi pejabat, labo
hanya gelah mehaga kam, tapia rah geluhndu e ipermuliaken Dibata, dat kekelengen
jelma sienterem. Amin?
2.
Lebihen
asangken singuda nguda sideban, senang dingen malem kal ate raja ibahan Ester.
Erkiteken si e ia ngenca si kelengna dingen si ngenana ate raja. Uga
maka baci Ester si ngenana kal ras si kelengna kal ate Raja ? Sebab ipasu pasu Tuhan Ester ndatken
sibage. Engkai ? , sebab Ester mbiar man Tuhan. Janah erpuasa kal
ia lebe kuadep adepen Tuhan. Kinijelen
sekalak diberu labo kepe perban perawatan kulit ras wajah siniibahanna. Labo kepeken erkitekan mahalna bajuna, tas
na, sepatuna, lipstick na tahpe parfum na.
Inner beauty, sumber kecantikan
alami, muncul adi tek ras erpengendes man Tuhan. Man kam kerina Moria kami, atena kami mejile
kam lalap, mejile ibas tatapen mata pusuh kami, labo ibas tatapan mata nakal
kami dilaki enda. Erngena ate kalak
kerina nandangi kam moria kami, adi
pusuhndu dem pengataken bujur man Tuhan, ras pe tek kam rasa lalap man Jesus
Kristus Tuhanta si melias kal e. Amin ?
3. Kenca bage ibahan raja pesta man man
si meriah guna pehagaken Ester. Iundang kerina kubas pesta man man e, bagepe
ibagiken hadiah hadiah alu melumbar. Keberhasilan kalak si ikelengi
Tuhan, harus maler man kalak sinterem.
Iangkat me Ester jadi Ratu, ibahan me pesta man man si meriah kal,
iundang kerina kalak I seluruh pelosok negeri nari. Jenari ibagi bagiken me hadiah gelah ermeriah
ukur kerina ibas pengangkatan ras pelantikan Ester jadi Ratu. Sangap jelma sienterem. Bahanlah sangap anak anakndu, sangap
perbulangenndu, sangap bibindu ras bengkilandu bagepe nande ras bapa ndu,
sangap pe kerina cimbang cimbangndu ras teman temanndu kerina arah geluhndu
Moria kami. Erpengendes ku Tuhan Dibata,
gelah arah geluhndu sangap kal kam lalap.
Sekalak teman ku, seorang psikolog dari Bandung pernah erbelas man aku,
sanga ku sungkun kai misi geluhna. Nina aku ingin selalu menjadi sumber
sukacita bagi sekelilingku. Ia me si
pertama na kal mbaba luah Roti Kartika Sari man aku. Janah entabeh kuakap she asa gundari . Sangap kal teman ku enda ibas geluhna pe,
sebab ija pe ia, ia selalu mbaba keriahen man kerina teman temanna. Bage ka lah min kam kerina moria kami. Amin
Sumber Photo : https://www.bridestory.com/
Pengkenaina.
·
Lit Momentum ibas geluhta sekalak
sekalak, termasuk kam pe moria kami.
Momentum e, seri rash al si mbelin bagi sura suranta, jadi ibas paksana. Indah pada waktunya. Pergermeti lah momentum ibas geluhndu, jenari
perjelas misi kegeluhenndu. Inget misi
bas TUhan nari erbahanca “kerina kalak erngena ate man bandu”.
·
Labo biaya perawatan kulit, biaya
facial, biaya baju, biaya tas si mahalna sierbahanca kam si mejile. Labo e. Tapi Tuhan nge erbahanca sekalak moria mejile
ras awet muda, bas Tuhan nari nge sumber kecantikan “The inner beauty” e. Emaka Moria si lalap ngataken bujur ras jadi
penampat man kalak sienterem erjilena kali a lalap. Amin.
Bujur ras mejuah juah kita kerina
Pt. Analgin
Ginting.
Komentar