Bahan Penelaahan
: Kuankuanen 22 : 1 - 6
Thema : Ngajarken
Anak .
Kuankuanen 22 : 1 – 6
22:1 Gelar mehuli ergan
kap, asangken erta-erta, kekelengen kalak ergan asangken pirak ras emas.
22:2 Kalak bayak ras kalak
mesera lit perserina, TUHAN kap si nepasa kerina.
22:3 Kalak pantas idahna
kiniseran, nilah ia, tapi kalak si la rukur iteruskenna e maka mesui atena.
22:4 Kalak si erkemalangen
man TUHAN , meteruk rukur, e maka datca kebayaken, kemulian dingen kegeluhen.
22:5 Siding ras ragum, lit
i bas dalan kalak jahat, sirangilah e kerina adi atendu selamat.
22:6 Ajarkenlah man anak
uga kearusen nggeluh, maka ikutkenna asa umurna nggeluh.
Sumber photo : https://www.geneva.edu/blog/biblical-wisdom/proverbs-22-1
Fakta,
Arti Dan Makna.
1. Piga piga ajar si sehkal payona bas kegeluhen
itulisken ibas ayat sipemena bas pasal enda. Gelar mehuli (nama baik) ergan asangken erta erta, kekelengen kalak ergan asangken pirak rase mas
Contoh contoh kongkrit baci siidah bas jaman sigundari enda. Kalak bayak ras kalak mesera lit perserina,
Tuhan kap sinepasa kerina. Contohna kalak bayak ras kalak mesera labo lit bedana,
bedana e sada ngenca… Kalak
mesera la ilakokenna kai siilakoken kalak bayak/sukses. Hahahaha.Em ngenca bedana teman. Jadi pointna sipentingna kal ibas ajar enda emekap, pasu pasu Tuhan ras
ajar si lit bas kam janah pendalankendu em bedana ras kalak sideban. Erpengendes ku Tuhan, taat ras patuh man
pedahNa, em ia si super penting bas geluh enda.
Amin ?
2. Kalak si sierkemalangan man Tuhan, meteruk ukur , e
maka datca kebayaken. Buah entahpe
hasil erkemalangan man Tuhan emekap meteruk ukur. Kalak si menganjang rukur, amin na pe rajin ia ku
gereja, jadi serayan ka pe ia, langa tentu ia erkemalangan man Tuhan. Sebab la arusna nari ia meganjang rukur adi
kin enggo tuhu tuhu erkemalangan man Tuhan.
Contoh Abraham, uga nina man man Lut ?
Adi kam ku kawes aku ku kemuhen, tapi adi kam ku kemuhen aku ku kawes
(sungguh sada ekpresi ukur meteruk si she kal tulusna, teologis ras maba
kemalemen ate). Ipilih Lut daerah
alirah sungai Jordan si she kal suburna.
Tapi dosa kerina je, kernep kerina penduduk Sodom ras Gomorah
siipilihna. Ndeharana pe jadi tunggul
sira. Uga Abraham ? Erbayakna,
ermakmurna, jadi bapa kerina kalak si tek man Tuhan she asa gundari. Bagendam contoh kalak sierkemalangan man
Tuhan.
3. Ajarkenlah man anak uga kearusen nggeluh, emaka
ikutkenna asa umurna nggeluh Bapa tah mamre harus ngajarken anak anakna. Artina harus lit ajar si lekket bas memori, tah
pe ingeten anakta e. Emaka lit paksa tah
pe momentum ngerana ngerana bapa ku anak
anakna lako mpeseh ajar. Ajar bersisat
logos (logika) menginspirasi (pathos)
bagepe lit contoh tah pe teladan bas bapa / mamre nari (Ethos). Ajar e bersifat kata kata tah pe kalimat
(Firman) sinipeseh ku anak anak, bagi
conoth na ajar sinibuat ibas kitab Kuankuanen nari. Susun lah kalimatndu, susunlah narasindu,
peseh ibas omon si tepat, janah dirindu diringku pe harus jadi teladan/contoh
nandangi ajar e. Ajar si paling mehuli
bersumber ibas Firman Tuhan nari, janah ipegegehi ka alu penampat Kesah
Sibadia. Ibegi anak mehuli perbahanen
mamre man ndeharana (nande anak anak), jenari bas pusuhna terbit rasa banggana
nandangi bapana. Sudah hampir 100% kemungkinenna
icontoh sianak me perbahanen bapana e nandangi ndehara na ka denggo. Nina bas pusuhna….. bapaku pe mbarenda mehuli
perbahanen man nandeku, janah kuidah nandeku puas kal akapnd perbahanen bapa,
maka aku pe bage ka nge kubahan nandangi permain bapa ras nande. Ertoto ras anak anak, ngoge Pustaka ras anak
anak pe sada contoh praktis ibas
ngajarken anak anakta. Ma payo akapndu
senina mamre ?
Pengkenaina.
· Ngajarken anak
emekap salah sada tanggung jawab paling mulia siperlu kal isadari ras idalenken
kerina Mamre. Sebab ngajarken anak
emekap caranta membekali anak anakta memasuki kegeluhenna. Lanai pe pagi kita ras anakta e, enggo beluh
ia nggeluh ras erkiniteken dingen erkemalangan man TUhan.
· Kiniseraan kiniseraan
siinanami bapa, banci jadi bekal ras mata ajar si sehk kal bernilaina man anak
anakta. Emaka bicara mssera pe
pengalamanta, sabar kita ibas kita tebu tebu teman e, yakinlah pengalamanndu e jadi ajar si she kal
bernilaina man anak anakta. Kesaksian
kesaksian nggeluh selaku warga jemaat gereja, adi sidalanken alu erkemalangan man
Tuhan, tentu ibas paksana jadi pengajarennta man anak anakta. Ula tolak ndu pengalaman kai pe bas geluh
enda, sipenting tetap kita erkemalangan man Tuhan ta si melias e. Amin.
Bujur ras
mejuah juah
Pt Analgin Ginting
Komentar