METEH SI
PENTINGNA I BAS KEGELUHEN
1 Korinti
13:1-13
(Sehna
Berita Si Meriah Man Kalak Karo
Teks
: 1
Korinti 13 : 1-13
13:1 Bicara
beluh kal pe aku ngerana i bas kerina cakap manusia janah i bas cakap malekat
pe, tapi adi la aku erkeleng ate man kalak si deban, maka kai si kubelasken e
la lebih asangken gung si erbulnang ntah pe penganak si erdeping.
13:2
Aminna gia lit i bas aku pemere ernubuat, aminna gia kueteh kerina rahasia,
janah lit i bas aku kerina pemeteh, aminna gia cukup kinitekenku seh maka
ngasup aku mindahken deleng pe, tapi adi la aku erkeleng ate nandangi kalak si
deban, sia-sia me aku.
13:3
Bicara kusumbangken pe kerina erta-ertangku, janah bicara kukorbanken pe
diringku seh mate guna ndatken kemegahen, tapi adi la aku erkeleng ate nandangi
kalak si deban labo lit untungna man bangku.
13:4
Kalak si erkeleng ate, ia arus megenggeng, mehuli, la percian, la meganjang
ukur, la sombong.
13:5 Ia
labo mekarus, la ncariken untung man bana saja, la pergelut, la ngkira
kesalahen kalak.
13:6
La meriah ukurna adi kalak erbahan si jahat, tapi ikut ermeriah ukur i bas si
benar.
13:7
Kalak si erkeleng ate ngasup nggengken kai-kai pe, tek maka lit si mehuli i bas
kerinana, tetap erpengarapen dingen saber i bas kai-kai pe.
13:8 Kekelengen
la erkeri-kerin. Adi ernubuat masap kap; ngerana i bas erbage-bage cakap Kesah
ngadi me, janah pemeteh pe masap nge.
13:9 Sabap
pemeteh ras nubuatta labo dem.
13:10
Tapi kenca reh pagi si kuh dingen serta e, bene me si la kuh dingen la serta e.
13:11
Asum anak-anak denga aku, pengeranangku, perukurku, ras pengertinku bali ras
anak-anak. Tapi kenca aku dewasa, kutadingken kerina biak anak-anak e.
13:12 Kai
siidah kita genduari enda bali ras awih si meremang-remang i bas cermin
tembaga; tapi pagin kerina siidah alu petala-tala. Pemeteh si lit i bas aku
genduari langa dem; tapi pagin pemetehku e jadi kuh dingen serta me, bali ras
pemeteh Dibata kerna aku kuh dingen serta kap.
13:13 Dage
lit telu si tetap arus idalanken, e me: erkiniteken man Tuhan, erpengarapen man
Dibata, erkeleng ate man kalak si deban, janah si pentingna i bas si telu e, e
me engkelengi kalak si deban.
Fakta
1. Paulus nulisken sada deskripsi mengenai sada hal si
pentingna kal i bas kegeluhen bas doni enda.
Ikatakenna ras ijelaskenna alu erbage macam sudut pandang
a. Kinibeluhen ercakap
ibas kerina cakap manusia tapi adi la ngasup ngkelengi kalak sideban banci ras gung
erbulnang tah penganak erdeping.
b. Karunia/pemere
ernubuat ras mengetahui kerina rahasia pe, termasuk iman singasup mindahken
deleng adi la lit keleng ate sia sia me.
c. Melala erta erta ras bayakkal janah adi
isumbangken pe, termasuk pengorbanan diri seh mate, tanpa keleng ate la lit
gunana.
2. Fakta sipeduaken ijelasken Paulus kai ciri ciri kalak si
erkeleng ate bagi tertulis ibas ayat 4 – 7 idatas.
Antara lain ikatakenna, megenggeng, la percian, la ia senang perbahanen
sijahat, la mekarus, la ncari untung guna dirina saja.
3. Kekelengen e la erkerin kerin, la masap asa ndigan
pe. Adi pemeteh, bahasa roh, ras nubuat
ngadi ras masap me tapi adi kekelengen
labo keri asa ndigan pe.
4. Kekelengen manusia labo dem, emaka masap nge pagi adi
kekelengen si dem enggo reh, emekap kekelengen Tuhan ta. Paulus menekanken bahwa lit 3 sipentingna
emekap. Iman, pengharapan ras
kekelengen. Si pentingna kal kekelengen.
Sumber photo : https://theconsecratedwoman.com/
Makna
1. Arah perikop enda jelas kal dingen tangkas kal bahwa
kekelengen e lebihen asangken kai pe ibas diri sekalak manusia. La lit ertina harta, pemeteh, karunia, iman sipaguh, ras kai pe adi la kin lit kekelengen
e bas ia. Kekelengen e lanai ia ibas
benda benda tapi ibas pusuh manusia simbagesna kal.
2. Tergejap maka, perjuangan paling berat sekaligus
paling benar, ras paling mulia ibas
kegeluhen manusia emekap ibas ia mpraktekken kekelengen e. Praktek kekelengen
melebihi kerina pemikiren tah logika, melebihi kerina sura sura ras pemeteh,
melebihi kerina kai pe sibanci ilakoken manusia. Sulit sijelasken engkai, tapi
banci igejapkan apa yang terjadi. Uga
njelasken sa nggit kalak Belanda, ras kalak Minahasa reh ku ku Tanah Karo lako
mberitaken berita si meriah. Padalah
labo kadeina kal pe kita ???? Luar
logika, luar kerina akal ras pemikiren.
Tapi e jadi. Sulit ras la
terjelasken (mengapa na) tapi banci igejapken ( apa na) bas kerina kalak karo,
khususna warga GBKP. Jawabna sada ngenca
Mekuah kal ate (keleng kal ate ) Tuhan ta kita kerina kalak Karo e
3. Emaka lit telu hal nina Paulus si paling utama,
paling besar, paling substansial ibas kegeluhen kerina jelma emekap:
kinitekenna, pengharapanna (manusia lit pengharapanna, adi rubia rubia la lit)
ras kekelengen.. sipentingna kal kekelengen e. Ertina kekelengen e nge situhuna
erbahansa manusia e jadi manusia seutuhna. Labo kinitekenna saja, ras
pengharapanna saja. Tapi kekelengen e. Kade na pe labo lit tapi ia dem kekelengen em manusia
sempurna. Kadena pe lit, pemeteh sikugapa pe lit bas ia, tapi la lit kekelengen e,
em manusia si la jelas. Hahahha
Pengkenaina
· Situhuna adi jujur kal kita ras sadar kita,
sierbahanca kita bagi sigundari em erkiteken keleng ate kalak sideban. Kai si lit bas kam ras bas aku pe erkiteken
keleng ate TUHAN nge siilakoken manusia manusia sideban. Banci aku tek, kam tek, kita tek dingen
ersada bas GBKP enda pe perban keleng
ate Tuhan nge ibas gelar Tuhanta Yesus Kristus.
· Jadi adi kita pe banci nggeluh ras erkinitiken
erkiteken keleng ate kalak sideban ras Tuhan Yesus, emaka labo lit ertina kai
pe sibahan ras si dat bas geluhta adi labo lit keleng ate bas kita. Emaka, kai pe aktivitas, profesi, ras dampar
kegeluhenta marilah si praktekken ka keleng ate e. Si kelengi ka temanta manusia ras Tuhanta
ibas Yesus Kristus. Siberitaken
ka dage keleng ate TUHAN e arah kegeluhenta, sue ras talenta ta masing masing
si enggo ibereken TUHANTA. Amin. .
Bujur ras
mejuah juah kita kerina
Pt. Analgin Ginting
.jpg)
Komentar