Bilangan 3 : 27 – 31
Thema : Ertanggung Jawab Ngurus Peralatan Rumah Pertoton
Bilangan 3 : 27-31
Bahasa Karo
Si bengket ku bas terpuk Kohat eme kap keluarga-keluarga Amram, Isar, Hebron ras Usiel.
Teremna dilaki si umurna sada bulan ntah pe lebih si isuratken eme 8. 600 kalak.
Terpuk si enda erkemah arah bagin Selatan Kemah e,
janah si jadi kepala terpukna eme kap Elisapan anak Usiel.
Terpuk enda ertanggung jawab kerna Peti Perpadanen, meja, nahe lampu, batar-batar, perkakas si ipake imam-imam i bas Ingan si Badia, ras kire-kire si i bas dalan bengket ku bas Ingan si Badiana kal. Kalak enda ertanggung jawab ngurus kerina dahin si lit hubungenna ras barang-barang enda.
Fakta Dan Makna
1. Si bengket ku bas terpuk Kohat eme kap keluarga-keluarga Amram, Isar, Hebron ras Usiel.Teremna dilaki si umurna sada bulan ntah pe lebih si isuratken eme 8. 600 kalak. Kitab Pustaka Si Badia teridah tuhu tuhu nulisken secara sangat detail, kerina kalak (terpuk = Komunitas) siipilih Tuhan lako erdahin ras ertanggung jawab i rumah Pertoton. Kalak Lewi si enggo ikhususken Tuhan terdiri dari piga piga terpuk, janah setiap terpuk e ibereken tugas secara tanggung jawabna secara detail. Ibas ayat enda ijelasken kerna keikut sertaan terpuk Kohat, si si anggotana ibas keluarga keluarga ; Amram, Isar, Hebron dan Usiel, janah teremna si dilaki saja lit 8600 kalak, mulai anak dilaki umur 1 bulan nari. Luar biasa, kal sada kal pe la kura. Siidah artina, maka Tuhan memilih terpuk tah pe keluarga keluarga. La secara individu (personal = sisada) Tuhan memilih sierdahinNa tapi berdasarkan terpukna tah pe keluargana. Ertina adi sekalak perbapan ipilih jadi serayan pertua tah diaken, maka situhuna Tuhan milih ia ras kerina keluargana. Adi sekalak pernanden ipilih jadi pengurus moria, maka situhuna ia ipilih erkiteken mewakili keluargana, termasuk perbulangenna ras anak anakna kerina. Bageme kekelengen Tuhan ta e, ipilihna keluarga keluarga lako erdahin i rumah pertoton arah ipilihNa sekalak nande, tah bapa, tah anak ibas jabu e nari. Puji Tuhan.
2. Janah si jadi kepala terpukna emekap Elisapan anak Usiel. Ibas Tuhan milih terpuk puk, Tuhan la ngenca asal pilih tapi harus erdahin secara efektif ras terukur. Jadi gelah terpuk, kelompok/komunitas banci erdahin emaka harus ia terorganisir. Salah sada ciri tah pe kriteria harus lit pemimpin terpuk e. Emaka ijenda ijelasken ise kepala terpuk e, emekap Elisapan anak Usiel. Sijadi pelajaren man kita kerina emekap, harus lit pemimpin tah pe kepala, janah harus lit ketunduken kerina anggota man kepala e. Kepala labo menunjukkan ia si hebatna, tapi kepala ipilih gelah terorganisir pendahin sibereken man kelompok e. Kepala tah ketua eme tujunna. Gelah ia bertanggung jawab mengorganisir kelompokna tah pe tim kerjanana. Kam gia ma setuju ?
3. Terpuk enda ertanggung jawab kerna Peti Perpadanen, meja, nahe lampu, batar-batar, perkakas si ipake imam-imam i bas Ingan si Badia, ras kire-kire si i bas dalan bengket ku bas Ingan si Badiana kal. Kalak enda ertanggung jawab ngurus kerina dahin si lit hubungenna ras barang-barang enda. Ibas ayat enda enggo ijelasken secara rinci kai tupoksi, kai Job Description kelompok Kohat enda sikepalana Elisapan. Anggota na lit 8600 dilaki, kali duakan tah kali teluken tentu lit sekitar 20.000 kalak. Tugasna emekap ngurusi kebersihan, ras keamanan Peti Perpadanen, meja, nahe lampu, batar batar, perkakas si ipake imam imam ibas ingan si Badina bagepe kire kire siibas dalam bengket ku Ingan si Badiana kal. Wah rinci ras ibereken otoritas penuh. Luar biasa ras terhormat kal keluarga enda ibereken tanggung jawab ngurusi perkakas rumah Pertoton. Kerina keluarga siipilih ikut ngelai ras bertanggung jawab i rumah pertoton, i gereja , ras i gedung gedung ibadah situhuna ieteh ras itandai Tuhan nge kerina. Janah Tuhan la melupaken ise pe si ikut erdahin ras ertanggung jawab i rumah Na Si Badia, nai nari seh gundari. Emaka adi kam pe ikut erdahin i peken Anggur Tuhan, pasti ieteh Tuhan ras itandain Tuhan kam. Janah sada point nari, latih lah anak anakta ertanggung jawab alu nuruh ia ikut ngelayani i rumah Tuhan. Janah karakter bertanggung jawab, sada hal kualitas si mbelin kal makna i tengah tengah kegeluhen ta paksa sigundari. Amin?
Pengkenaina
• Sada kesangapan man kerina kalak si nggit alu tulus ikhlas ertanggung jawab i rumah pertoton. Sebab rumah pertoton emekap rumah Tuhan, janah i rumah Tuhan e tergejap kal kehadiren Tuhan man kerina kalak siikut kubas bagepe si ngidahsa idarat nari. Tuhan hadir ibas sada ingan, ibas sada terpuk keluarga, ibas sada kuta, ibas sada kota, ibas sada daerah lako masu masu kerina manusia i sekitarna ibas ingan kehadirenNA nari emekap Rumah Pertoton Si Badia
• Gereja atau aktivitas aktivitas pelayanan adalah tempat atau momentum untuk belajar bertanggung jawab. Bertanggung jawab adalah pelajaran yang tidak ditemukan di sekolah sekolah atau di universitas formal, baik dalam negeri maupun luar negeri. Sekalak si bertanggung jawab, ija ipelajarina? Hanya melalui pengalaman, pengalaman pengalaman melakukan suatu pekerjaan yang bertanggung jawab, seperti pelayanan itulah momentum atau peluang untuk belajar bertanggung jawab. Bangsa Indonesia adalah satu bangsa yang tingkat tanggung jawabnya sangat kecil. Uga anak anakta kerina, adi anak anakta siidah langa bertanggung jawab, mungkin karena la idah na teladan bertanggung jawab ibas orang tuana. Jadi ibas kesimpulenku senina ras turang, nande ras bapa si nggit ndahiken pelayanen si iampeken man bana alu bertanggung jawab ras tutus situhuna ia enggo mbereken sada keteladanan si seh kal mehergana man anak anakna. Emaka gelah ermantapna ka, suruh ras ras fasilitasi lah gelah anak anak ta pe nggit ikut melayanai, tah jadi pemusik, tah jadi panitia ibas kategorial siniikutina. Amin ?
Bujur ras mejuah juah kita kerina.
Pt. Analgin Ginting.
.jpg)
Komentar