Bilangan 2 : 1 – 34
Thema : Perpulungen Si Ratur
Bilangan 2 : 1-34
Bahasa Karo
TUHAN mereken pedah-pedah man Musa ras Harun bagi si tersurat i jenda.
Adi bangsa Israel majekken kemahna i bas sada ingan, sekalak-sekalak arus majekken kemahna i teruh panji perpulungen ras bendera si sada nini. Ingan erkemah e arus ibahan i sekelewet Kemah Perjumpan e.
Arah Timur, kalak si i teruh panji perpulungen Juda erkemah i bas terpukna. Gelar-gelar peminpinna eme kap: [Suku:-Gelar peminpin:-Teremna:] Juda-Nahason anak Aminadap-74. 600; Isakar-Netanel anak Suar-54. 400; Sebulon-Eliap anak Helon-57. 400;---Jumlah-186. 400; Perpulungen Juda arus erdalan arah lebe.
(2:3)
(2:3)
(2:3)
(2:3)
(2:3)
(2:3)
Arah Selatan, kalak si i teruh bendera perpulungen Ruben erkemah i bas terpuk-terpukna. Gelar-gelar peminpinna eme kap: [Suku:-Gelar peminpin:-Teremna:] Ruben-Elisur anak Sedeur-46. 500; Simeon-Selumiel anak Surisaddai-59. 300; Gat-Eliasap anak Rehuel-46. 650;---Jumlah-151. 450; Perpulungen Ruben arus erdalan i bas uruten si peduaken.
(2:10)
(2:10)
(2:10)
(2:10)
(2:10)
(2:10)
Kenca bage, kelang-kelang perpulungen si dua si arah lebe e ras si dua si arah pudi, kalak Lewi arus erdalan maba Kemah e. Tep-tep perpulungen arus erdalan rikutken uruten inganna erkemah janah sada-sada perpulungen erdalan i teruh benderana.
Arah Barat, kalak si i teruh bendera perpulungen Eperaim erkemah i bas terpukna. Gelar-gelar peminpinna, eme kap: [Suku:-Gelar peminpin:-Teremna:] Eperaim-Elisama anak Ammihut-40. 500; Manase-Gamaliel anak Pedasur-32. 200; Benyamin-Abidan anak Gideoni-35. 400;---Jumlah-108. 100; Perpulungen Eperaim arus erdalan i bas uruten si peteluken.
(2:18)
(2:18)
(2:18)
(2:18)
(2:18)
(2:18)
Arah Utara, kalak si i teruh bendera perpulungen Dan erkemah i bas terpukna. Gelar-gelar peminpinna eme kap: [Suku:-Gelar peminpin:-Teremna:] Dan-Ahieser anak Ammisaddai-62. 700; Aser-Pagiel anak Ohran-41. 500; Naptali-Ahira anak Enan-53. 400;---Jumlah-157. 600; Perpulungen Dan arus erdalan arah pudi.
(2:25)
(2:25)
(2:25)
(2:25)
(2:25)
(2:25)
Teremna kalak Israel si isuratken i bas perpulungen-perpulungen e, rikutken terpuk-terpukna eme kap 603. 550 kalak.
Bagi ipedahken TUHAN man Musa, suku Lewi la ikut isuratken ras suku Israel si debanna.
Ilakoken kalak Israel me asa kai si nggo ipedahken TUHAN man Musa. Erkemah ia kerina, sekalak-sekalak i teruh benderana, janah erdalan sekalak-sekalak ras senina-seninana si sada nini.
https://alkitab.app/v/81bc9a0787e5
Sumber photo : https://www.angelfire.com/sc3/wedigmontana/Numbersp2.html
Fakta Dan Makna
TUHAN mereken pedah-pedah man Musa ras Harun bagi si tersurat i jenda.Adi bangsa Israel majekken kemahna i bas sada ingan, sekalak-sekalak arus majekken kemahna i teruh panji perpulungen ras bendera si sada nini. Ingan erkemah e arus ibahan i sekelewet Kemah Perjumpan e. Ogen PJJ nta ibas minggu enda nuduhken sada kisah uga Tuhan campur tangan ibas kegeluhen rohani Bangsa Israel secara sangat detail ras spesifik. Menarik kal guna siukuri mbages mbages, uga Tuhan ngajari bangsaNA ibas majekken kemahna ibas sada ingan, janah ija ras uga cara majekkensa. Harus is sekelewet Keman Perjumpaan e. Ise arah Timur, arah Barat, arah Utara, arah Selatan iatur secara sangat detail, gelah ratur kerina, sebab ibas keraturen iidah kehamaten ras kinihagaan. Janah pe, gelah kerina bangsa e ngeteh ija ia erkemah sue ras garis keturunenna. Siidah makna si seh ku kita pe gundari, bahwa
• Kiniraturen perpulungen reh ibas Tuhan nari. Jadi adi lit ide ras gagasen si erbahanca la ratur, berarti gagasan e labo reh bas Tuhan nari.
• Perpulungen perlu ngikuti saran pemimpin, gelah lit keraturen. Ngikuti pemimpin sada kelemahen bas kita kalak Karo, sebab siakap beluhen kita jadi pemimpin e asangken kalak ah, asangken serayan. Emaka perlu kal lit ukur meteruk bas kita lako ngikuti saran pemimpin ibas kita membangun perpulungenta tah sektor jabu jabu ta, runggun ta, klasis ta, moderamen ta.
Kenca bage, kelang-kelang perpulungen si dua si arah lebe e ras si dua si arah pudi, kalak Lewi arus erdalan maba Kemah e. Tep-tep perpulungen arus erdalan rikutken uruten inganna erkemah janah sada-sada perpulungen erdalan i teruh benderana. Lit tugas ras tanggung jawab khusus man kalak Lewi ibas erbahan perkemahen, kalak Lewi me maba Kemah Si Badia, ingan Tuhan ringan. Janah tep tep perpulungen arus (HARUS) erdalan rikutken uruten inganna erkemah, janah sada sada perpulungen erdalan i teruh benderana. Luar biasa ya, seh sikitik kitikna iatur kena kemah e, ras kai tugas tugas khusus kalak Lewi. Tugas kalak Lewi la tergantiken suku suku si deban, harus kin kalak Lewi si enggo iserapken Tuhan e ndalankensa. Kininggiten kalak Lewi banci siidah sebagai simbol bahwa, sada kemegahen ras kehamaten kal man kalak Lewi ibere tugas ras tanggung jawab si unik. Sada kemegahen ras sada kehamaten min siakap pe kerina, adi ibereken gereja kita sada tugas ras tanggung jawab ibas dahin pelayanennta. Amin senina ras turang ?
Teremna kalak Israel si isuratken i bas perpulungen-perpulungen e, rikutken terpuk-terpukna eme kap 603. 550 kalak. Bagi ipedahken TUHAN man Musa, suku Lewi la ikut isuratken ras suku Israel si debanna. Ilakoken kalak Israel me asa kai si nggo ipedahken TUHAN man Musa. Erkemah ia kerina, sekalak-sekalak i teruh benderana, janah erdalan sekalak-sekalak ras senina-seninana si sada nini. Icatat kerina kai si enggo ijelasken ibas Kitab Bilangen enda janah catattenna seh asa gundari. Jumlah na pe teridah detil kal, 603.500 kalak. Woow. Janah sue ras pedah Tuhan man Musa maka suku Lewi la ikut isuratken ras suku Israel sideban. Kuidah enda sangat luar biasa maknana teman, sebab Tuhan sendiri nge si nuratken suku Lewi e, tempa tempa kalak Lewi aminna pe nggeluh i doni, tapi tersurat i Surga, sebab memang kalak Lewi kalak siikhususken i surga nari (tafsirenku). Emaka
• Kerina sektor PJJ pe harus ncatatken kerina perdalalen perpulungenna alu detil. Sebab catatan e tanda keteraturen sektor PJJ e, janah ibas keteraturen e me, ermulia ras mehamat gelar Tuhan.
• Kerina kalak si nggit jadi teman Tuhan ibas IA ngkelengi doni enda icatat Tuhan sendiri gelarna ras terpukna i Surga. Bagi Tuhan ncatat Kalak Lewi. Amin ?
Pengkenaina
• Tuhanta Tuhan si teratur. Janah knihamaten Tuhan teridah arah keteraturen Bangsa Pilihenna, teridah arah keteraturen gerejanta, runggun ta bagepe sektorta. Emaka lit dua hal si perlu si terapken ibas geluhta.
1. Adi kita ertoto mindo petunjuk man Tuhan, pindolah petunjuk secara teratur ras detail seh ku sikitik kitikna. Iajari Tuhan kita. Sebab nina ahli manajemen, adi lit pemetehndu berarti iangkandu secara detail. Adi la si angka secara detail, berati labo dengan sieteh e. “beluh kam erban cipera ?. beluh ninta. Kai bahan bahanna nina, pokokna enggo kueteh ninta. Berarti ma langa bo sieteh. Hahahha.
2. Adi erbahan program kita bas sektor bage pe bas runggun, harus program si detail ras teratur ia. Ertina ise pe si mbaca program e ietehna kai program na, uga ngukursa hasil na, ras kai saja titik titik kritisna. Melala bas GBKP enda langa detail programta.
• Taat lah kita man pimpinan Tuhan, janah Tuhan ta e situhuna enggo detail kal ipimpinNa perpulungen e. Lit ilmu Managemen Strategik, Tuhan ta lah ahli managemen ras kepemimpinan paling strategik bas kegeluhen enda. Emaka tantangan man pemimpin perpulungen, man pengurus PJJ bagepe serayan Tuhan emekap, “uga ia memahami pimpinan Tuhan secara detail ras menerjemahkensa kubas program kerja tahuna”. Adi ebanci itangkap pengurus PJJ e bas Tuhan nari, pasti mehuli kal kerina perdalan perplungen e. Bage ka nge ulina perdalanan Bangsa Israel ibas doni enda, nai nari seh asa gundari. Amin.
Bujur ras mejuah juah kita kerina.
Pt. Analgin Ginting.
.jpg)
Komentar