Jakup 4 : 1 – 16
Thema : Setia Man Dibata
Bahan Renungan : Jakup 4 : 1 - 6
Bahasa Karo
I ja nari kin rehna perjengilen ras perubaten si lit i tengah-tengahndu? Si e rehna i bas kerincuhenndu nandangi kesenangen, si la erngadi-ngadi erperang i bas dirindu.
Mengga atendu, tapi la idatndu, emaka munuh kam. Lit sura-surandu, tapi la seh, emaka erjengil ras rubat kam. La idatndu si isura-surakenndu perbahan la ipindondu man Dibata.
Janah adi ipindondu la idatndu, sabap erkiteken tujunndu la mehuli; kai si ipindondu guna pesenangken dirindu saja ngenca.
O kalak si erlua-lua i bas kiniteken! La kin ietehndu maka adi erteman kam ras doni enda, kam jadi imbang Dibata? Ise ersura-sura jadi teman doni enda, ibahanna kap dirina jadi musuh Dibata.
Ula iakapndu sia-sia si tersurat i bas Pustaka, "Kesah Si Badia si itamaken Dibata i bas kita ersura-sura gelah kita setia man BaNa."
Amin bage gia belinen nge lias ate si IberekenNa asangken CemburuNa. Bagi lit tersurat i bas Pustaka Si Badia, "Itulak Dibata nge kalak si meganjang ukurna, tapi man kalak si meteruk ukurna IberekenNa lias AteNa."
https://alkitab.app/v/6cb7d5686511
Get the Bible for Android app: Alkitab (Indonesian version) or Quick Bible (non-Indonesian version).
Fakta Dan Makna
1. I ja nari kin rehna perjengilen ras perubaten si lit i tengah-tengahndu? Si e rehna i bas kerincuhenndu nandangi kesenangen, si la erngadi-ngadi erperang i bas dirindu. Enda jadi sada pemeteh tah informasi si seh kal penting na man kita kerina manusia, bahwa asal tah sumber kerina perjingelen ras perubaten kepeken kerincuhen nandangi kesenangen. Keingenen untuk menyenangkan diri sendiri, Just Do It, kepeken awal kerina perubaten. Erjengil kita ras temanta, ras orang tuanta, ras seninata, bahkan sesama serayan Tuhan erkiteken ibas pusuhta kal lit kesenangen siniarapken kita. Ibas lit siganggu kita nandangi kesenangen e, ije me kita erjengil ras rubat. Adi sura sura nta ‘Jadi Temen Sekerja Tuhan” tentu la kita erjengil ras rubat ras kalak sideban. Amin senina ras turang ?
2. Janah adi ipindondu la idatndu, sabap erkiteken tujunndu la mehuli; kai si ipindondu guna pesenangken dirindu saja ngenca. Tanpa sisadari ka, ibas kita ertoto mindo ku Tuhan, kepeken pemindonta e pe la lepas ibas keinginen gun ndatken ras senang e. Si pindo ku Tuhan pemindon sesuatu si tujunna hanya untuk menyenangkan diri sendiri, sesuatu guna memuaskan ego, sesuatu gelah idah kalak “aku” sihebatna. Arah pengajaran Jakup enda siidah maka la bo ibereken Tuhan pemindon sibage. Jelas kan ikatakan Jakub nina ipindondu la idatndu, sebab tujunndu pe la mehuli, guna pesenangken diri ndu saja. Uga contohna, “Tuhan bereken min kami rejeki, gelah alu bage banci ibahan kami kerja mbelin guna perjabun anak kami. Gelah ngeteh kerina jelma bas kuta kami enda, kami ngenca si mampu erbahan kerja bagenda belinna. Janah iundang kami ate kami penyanyi dangdut si hebatna bas Indonesia Tuhan gelarna Dewi Persak, begiken lah toto kami enda Tuhan”. Lakin akapndu geleng geleng kepala nge Tuhan Jesus adi bage pemindon ta ? hahahahaha.
3. Ula iakapndu sia-sia si tersurat i bas Pustaka, "Kesah Si Badia si itamaken Dibata i bas kita ersura-sura gelah kita setia man BaNa." Uga carana gelah pemindonta pasti iebereken Dibata? Enda rahasiana, pindolah man Dibata sinuduhken kita setia man Tuhan Dibata. Gelah beluh kita menentuken pemindon ta man Dibata, situjunna gelah kita ersetiana man IA, si sungkun lah Kesah Si Badia, si enggo itamaken Dibata ibas kita ersura sura. Adi bage perlu berubah totota lanai bagi si nomor dua idatas. Toto ta jadina, “Tuhan , mindo aku man Bandu gelah iajari Kesah Si Badia aku mindo man Bandu, pemindon si erbahanca aku lebih setia nandangi kam Tuhanku. “
4. Amin bage gia belinen nge lias ate si IberekenNa asangken CemburuNa. Bagi lit tersurat i bas Pustaka Si Badia, "Itulak Dibata nge kalak si meganjang ukurna, tapi man kalak si meteruk ukurna IberekenNa lias AteNa." Mari dage gundari si nehen ras sipelajari uga kin situhuna isi pusuh simbages na kal Tuhanta e? Kepeken pusuh simbagesna kal Tuhanta e, belinen lias ate asangken cemburuNA. Emaka “itulakNa kalak si meganjang rukur, tapi man kalak si meteruk ukur iberekenNa lias ateNa. Kai erti ras makna, “Lit maaf ras pengampunen bas Tuhannta e nari”. Emaka kuga belinna pe salah ras dosanta, ialemi Tuhan adi nggit kita meteruk rukur ras ngakuken kerina dosa dosanta, ras mindo maaf ku Tuhan. Emaka ula putus asa, ula patah semangat, ula meganjang rukur. Mis lah ngadep ku Tuhan, mindo maaf sebab pernah kita erjengil, pernah kita rubat ras sekalak jelma siseharusna kal si hamati, si hormati ras si kelengi.
Pengkenaina
• Ula mindo man Tuhan kai pe guna pesenang senangken ukur. Ula pebelin sura sura ta nandangi kesenangen doni enda. Sebab pasti sada paksa pagi erjengil, ras rubat kita. Bukaken pusuhta lako iajari Kesah Si Badia, gelah kai pe sinipindo kita ku Tuhan tanda kesetianta man Tuhan SI melias ras perkuah e.
• Meteruk lah ukurta, ula sipebelin pebelin kinibeluhenta saja. Sebab labo lit makna kinibeluhen e, uga pe hebatna, adi la kita ngasup ersada ras Kesah Si Badia ras setia man Tuhan. Kerina kemegahen doni enda sampah kuakap kerina Nina Paulus kenca jumpa ia ras Tuhan, janah kenca itandaina kal Tuhan Jesus e. Kam gia ma enggo tandaindu kal Tuhan Jesus e ?
Bujur ras mejuah juah kita kerina.
Pt. Analgin Ginting.
Komentar