Catatan Tambahan PJJ 3 – 9 September 2023

Kejadin 2 : 18 – 24

Thema : Dua Jadi Sada

Kejadin 2 : 18 – 24 

Bahasa Karo

Kenca bage nina ka TUHAN Dibata, "La mehuli adi manusia nggeluh sisada-sisada. Kubahanlah teman si cocok man bana, guna nampati ia."

Emaka IbuatNa sitik abu i bas taneh nari, jenari IjadikenNa kerina rubia-rubia ras perik-perik. Kenca bage IbabaNa man manusia ndai gelah IdahNa kai ibahan manusia gelar kerina rubia-rubia ras perik-perik e. Bagenda me dalanna kerina rubia-rubia e ndatken gelarna.

Ibahan manusia e gelar kerina perik-perik ras rubia-rubia ndai, tapi sada pe la lit jadi teman si cocok nampati ia.

Kenca bage ibahan TUHAN Dibata maka ntabeh pertunduh manusia ndai, janah sanga bage, IbuatNa sada tulan rang-rangna, jenari ItutupNa ka alu jukut.

IjadikenNa sekalak diberu i bas tulan rang-rang e nari kenca bage ItaruhkenNa man manusia ndai.

Nina manusia e, "Enda nge maka nggo cocok ras aku. Tulanna ibuat i bas tulanku nari, janah jukutna i bas jukutku nari. 'Diberu' gelarna perbahan ia ibuat i bas dilaki nari."

Em sabapna dilaki nadingken nande bapana, gelah ersada ia ras ndeharana, maka duana nggo jadi sada.

https://alkitab.app/v/ef6cdb376c18

Sumber photo : https://scpeanutgallery.com/2015/10/04/sunday

Fakta Dan Makna 

1. Kejadian 2:18-24 (KARO)  Kenca bage nina ka TUHAN Dibata, "La mehuli adi manusia nggeluh sisada-sisada. Kubahanlah teman si cocok man bana, guna nampati ia." Rancangan Dibata nandangi kegeluhen manusia tuhu tuhu rancangan yang sangat berkelas dan sempurna.  Ia sendiri pe mengakui bahwa la mejile adi manusia si enggo itepaNa  nggeluh sisada bas doni enda. Tentu perkataan Tuhan enda muncul ibas IA ngerenungken mulihi (mungkin bage) uga kegeluhen manusia enda selanjutna bas doni sedekah dekahna.  Jenari maka muncul ide Tuhan erbahan teman sicocok man banusia guna nampati ia.  Pasangan manusia e ibahan Tuhan guna nampati manusia si enggo iciptakenNA.  Banci pe sirenungken, bahwa teman ta lit guna nampati kita.  Kita ijadiken kalak teman guna nampati ia.  Jadi adi bage eksistensi tertinggi sekalak manusia adi ia nampati teman na.  Hawa iciptaken Tuhan nampati Adam, Adam jadi teman Hawa lako nampati Hawa.  Teman mengandung makna  timbal balik, temanku kam adi akapndu aku temanndu. Temanndu aku sebab kujadiken kam temanku.  Kade kade ku kam, sebab aku pe kade kade ndu.  Jadi timbal balik ia, sue ras peradatan Karo, kalimbubuku kam sebab aku anakberundu.  Seninaku kam, sebab aku pe seninandu.  Timbal balik emaka serasi.  Guruku kam ibas pusuhku sebab aku pe muridndu ibas pusuhndu.  Ndehara ku ia, sebab aku perbulangenna.  Wooow, luar biasa kal inspirasi Tuhanta. Puji Tuhan. 

2. Emaka IbuatNa sitik abu i bas taneh nari, jenari IjadikenNa kerina rubia-rubia ras perik-perik. Kenca bage IbabaNa man manusia ndai gelah IdahNa kai ibahan manusia gelar kerina rubia-rubia ras perik-perik e. Bagenda me dalanna kerina rubia-rubia e ndatken gelarna.  Bagian perikop enda menjadi sangat substansif (penting kal) sebab manusia iciptaken Tuhan gelah ertanggung jawab.  Ijenda siidah bahwa manusia e bertanggung jawab erbahan gelar rubia rubia ras perik perik siijadiken Tuhan.  Emaka ibahan manusia ndai me gelar kerina rubia rubia e ras perik perik e.  Apakah gelar e asal iban saja, apakah gelar la lit makna na?  Janah adi lit makna gelar e, ija nari rehna makna e? Apakah pemaknaan ibas (kalimat)  gelar e, atau muncul ibas sikap ras tabiat objek si puna gelar e? Misal na, kai ertina singa? Kai singa? Kata “singa” tempa la lit ertina, tapi ibas benakta segera muncul sosok binatang si kuat, raja atau ratu hutan.  Emaka singa adalah binatang yang menjadi raja rimba ?  Kai ertina Abraham ? Abraham ertina (nini melala bangsa ) akhirna jadi bage.  Sebab sanga ibahan Tuhan gelar Abraham langa bo tubuh anakna sada pe, tapi akhirna jadi bage (bagi erti kata abraham e).  Kesimpulan nama mbelin kal maknana ibas doni enda.  Emaka bas kita selaku kalak Kristen si enggo ipilih Tuhan gelarta e (gelarndu, gelarna, gelarta kerina) mengandung makna teologis yang sangat sangat dalam dan penting.  Amin senina ras turang ? 

3. Kenca bage ibahan TUHAN Dibata maka ntabeh pertunduh manusia ndai, janah sanga bage, IbuatNa sada tulan rang-rangna, jenari ItutupNa ka alu jukut. IjadikenNa sekalak diberu i bas tulan rang-rang e nari kenca bage ItaruhkenNa man manusia ndai. Pemikiren Tuhan bahwa la mehuli manusia e nggeluh si sada la hanya sekedar wacana tapi bage me turi turinna ijadikenNa teman manusia ndai.  Bagenda prosesna, ibahan Tuhan manusia ndai ntabeh tunduh, sanga tunduh manusia alu badeh ibuatNa sada tulang rangrangna, jenari itutuNa ka alu jukut.  Adi ibuat Tuhan sada hal ibas manusia nari, la ipediatNa jadi masalah man manusia e.  Enda berlaku secara teologis ibas kerina kai pe,  emaka kai si iberekendu man Tuhan pe PASTI ibereken Tuhan ka “jukut” man bandu.  La ngambe ngambe manusia e.  Kai sibuat Tuhan bas kam nari (padahal sibuatNa e pe guna kiniulinndu ka nge) mis nge ibereken Tuhan gancih na si lebih luar biasa.  Ibuat Tuhan sada, iberekenNa (dua) ibas proses ia njadiken teman manusia ndai.  Ibuat Tuhan sada (1) tulang rangrang itutupiNa alu jukut (1) janah jadi sekalak teman (1).  Buat Na 1 (tulang rangrang) berekenNa  1 jukut ras sada nari jelma, emaka jumlahna dua (2).  Ioooh sempurna kal pemerendu O Tuhanku, O Dibataku.  Ijadiken Tuhan sekalak Diberu ibas tulang rangrang e nari kenca bage itaruhkenNa man manusia ndai.  Jadi adi sekalak mamre ersaksi nina “diberuku reh bas aku nari, anak anakku reh ibas aku ras diberuku nari”... Wooow Life is so beautiful

4. Nina manusia e, "Enda nge maka nggo cocok ras aku. Tulanna ibuat i bas tulanku nari, janah jukutna i bas jukutku nari. 'Diberu' gelarna perbahan ia ibuat i bas dilaki. Kenca itaruhken Dibata man manusia e temanna diberu ndai, terpesona kal ia ngidahsa, maka reh me sada statement pengakuan nina, “Enda nge maka cocok ras aku. Tulanna ibuat ibas tulanku nari nari, janah jukutna ibas jukutku nari”  Pengakuan enda payo kal bage secara fisik memang bage nge, emaka ku kita pe seh pengakuan enda, lanai secara fisik tapi secara teologis “diberu si jadi pasangan hidupku tulan na ibas tulanku nari, jukutna ibas jukut ku nari”.  Adi kam sekalak perbapan maka pasanganndu e secara teologis tulanna ibas tulanndu nari, jukut na ibas jukut ndu nari.  Adi kam sekalak pernanden, maka perubulangenndu e simbere tulan jadi tulanndu, simbere jukut jadi jukutndu.  Jadi aku ras ndeharaku, tah kam ras ndeharandu atau kam ras perbulangenndu lanai terpisah, lanai bo dua melainken enggo jadi sada.   Emaka labo banci sirang nari, tapi enggo ersada.  Tugas ras tanggung jawabta gundari emekap memperkuat kiniersadannta ras pasangannta lako ndalanken kerina tanggung jawab kegeluhennta sekaligus mpermuliaken Dibata. Amin ? 

Pengkenaina

• Sura sura Tuhan nge situhuna kal gelah manusia e la sisada tapi lit temanna lako nampati ia.  Teman dilaki e diberu, teman diberu e dilaki.  Teman dilaki ras diberu iteguhken Tuhan ibas sada ikatan perkawinan suci si sangat teologis kal.  Kelengi pasangannta sebab ia reh ibas dirinta nari. 

• Lit tugas ras tanggung jawab ta ibas Tuhan nari ibas kita nggeluh i doni enda.  Kita ipegeluh Tuhan labo la lit tujunna, labo la lit sura sura Tuhan, tapi kerina kita lit tanggung jawab Misi) kegeluhen Tuhan siniberekenNa man kita.  Janah tanggung jawab e, (misi) e sidalankenlah kai pe taruhenna, kai pe risiko na.   Janah Tuhan pasti nemani kita ibas kita ndalanken tanggung jawab (misi) e.  IberekenNa kerina kebutuhennta keperlunnta ibas kita ndalani tanggung jawab kegeluhen enda.  Amin? 

Bujur ras mejuah juah kita kerina.  

Pt. Analgin Ginting.