Catatan Khotbah Minggu 10 September 2023

Minggu XIII Kenca Trinitatis/Minggu Peningkatan Ekonomi Jemaat 

 

Warna Stola Meratah 

Invocatio “Sabap  merangap nandangi duit eme sumbul kerina kejahaten.  Enggo lit piga piga kalak si merangap nandangi duit lanai tetap ibas kiniteken, janah gulut ukurna ibahan erbage bage kecedaan ate. (1 Timotius 6 : 10) 

Ogen Lukas 5 : 1 – 8 (Tunggal)    

Khotbah Pengerana 11 : 1 – 8   (Responsoria )    

Thema Perbahanen Kalak Pentar                                                                                                                                                                                Pengerana 11 : 1 - 8 

Berekenlah ertandu man kalak si ndauh i kepar lawit i bas sada paksa denggo ibereken Dibata man bandu untungna.

Tamakenlah duitndu i bas piga-piga usaha--tuhu, i bas mbue usaha--sabap la itehndu cilaka si banci reh bandu i babo doni enda.

Kempak apai pe perbulak batang kayu, tetap nge ampar i bas inganna mbulak. Adi embun nggo dem lau, ndabuh me udan meder.

Kalak si nimai mehuli lebe wari, lalap ia la merdang, lalap la rani.

Kai pe Dibata si njadikenca janah la terantusi pe. La iangkandu PerbahanenNa. Bagi la iangkandu pemenan kegeluhen i bas bertin.

Tupung erpagi-pagi arus kam merdang bage ka lah perbahanenndu tupung berngi. Sabap la sieteh apai si mehulina perturahna, banci jadi duana mehuli perturahna.

Sinalsal matawari erbahan meriah ate, seh kal senangna kune ngasup kita ngenanamisa.

Katakenlah bujur, adi tambah umurndu. Tapi inget, aminna ndekah gia kam nggeluh i bas pertibi enda, dekahen denga ka nge kam ringan i bas doni kematen. Dage, kai si banci iarapken? Kerina percuma dingen sia-sia.

https://alkitab.app/v/6564692b4d29

Nimai Matawari Mulgap i Pantai Sanur Bali. 

Fakta Dan Makna 

1. Berekenlah ertandu man kalak si ndauh i kepar lawit i bas sada paksa denggo ibereken Dibata man bandu untungna.  Kitap Pengerana enda situhuna kal isina rahasia kegeluhen si tempa la ia logis, la ia sesuai ras alam berfikir manusia.   Tempa labo tuhu, berbeda ras kenyataan ibas kesimpulen manusia.  Tapi ternyata enda me rahasia ibas erdahin, memiliki etos kerja ras sukses ibas pendahin ras kegeluhen,  (Adi la tuhu uga maka banci masuk kubas Alkitab) emaka kita selaku Kalak Kristen tek lah tuhu tuhu man rahasia sini suratken ibas kita Pengerana/Pengkhotbah enda.  Erta si lit ibas kita harus ibereken man kalak si ndauh i kepar lawit si mbelang, sada paksa denggo ibereken Dibata man bandu untungna.  

a. Erta harus ibereken ula ibuniken saja.  Kalak si pentar la lit buni buni na, sebab enggo iberekenna kerina man kalak sideban, (ibas produk /barang/jasa siibahanna alu modal ertana)  terutama kalak si ndauh.

b. Ula mbiar aminna pe erta e ibereken man kalak si ndauh, si labo itandaindu. Sebab Dibata kap njagaisa. 

c. Sada paksa denggo ibereken Dibata untungna .  Labo banci lit  keruginna/kebenen tapi lit untungna.  Enda tuhu kal, sebaba Dibata nge si erdolat bas doni enda, janah sada pe jelma labo ngasup bagi Dbata. 

Jadi adi bage, kalak si erdahin harus sanggup berkolaborasi ras kerina jelma sideban, aminna pe i kepar lawit si mbelang.  Enda tuhu tuhu prinsip kegeluhen si terjadi ibas paksa gundari,  Sieteh nge maka produk ta harus si ekspor ku luar negeri man perusahaan / kalak si la sitandai, janah keuntungan ekspor nge si lebih mbue.  Intina, percaya lah man jelma adi percaya kam ku Dibata.  Amin?   Ibas dunia usaha enda me sinikataken “Believe”

2. Kalak si nimai mehuli lebe wari, lalap ia la merdang, lalap la rani.  Kai pe Dibata si njadikensa janah la terantusi pe. La iangkandu perbahanenNa. Bagi la iangkandu pemenan kegeluhen ibas bertin.  Kalak sinimai wari mehli, lalap la merdang, lalap la rani.  Ula pasif, ula nimai, ula mbiar, ula akapndu lit wari mehuli ras lit ka wari la mehuli.   Wari e mehuli kerina, sebab Dibata sejak awal penciptaan enggo kin erbahan wari wari enda mehuli.  Emaka segera lah bertindak, segeralah melakukan sesautu, segerah berserah kepada Tuhan.   Adi timai lebe maka ieteh kerina, adi timai rehna wari mehuli, asa ndigan pe labo jumpa, janah labo kam aktif, labo kam merdang, janah enggo pasti kam la rani.   Kalak si merdang nge si rani, kalak si negranai /berwacana lalap, labo bertindak, labo banci rani.  Jadi perlu ukurindu, kam kalak perpang (mengekskusi) tah kalak si ngeranai?  Atau kalak si nima nimai saja.  Hahahaha. Tabik tabik.  La bo banci iangkaindu kerina, sebab uga proses pembuahan ibas bertin pe labo banci siangka.  Emaka ula timai ndu lebe gelah iangkaindu kerina maka kam bertindak.  Sebab enggo nda jelas katawari pe ibenaindu merdang, katawari pe ibukandu usahandu, Dibata nge sinentukensa.  Emaka merdanglah jenari erpengendeslah ku Tuhan. Amin ??

3. Tupung erpagi pagi harus lah kam merdang, bagekalah perbahanenndu tupung berngi. Kata enda seh kal payona, tupung erpagi pagi haruslah kam merdang.   Mengandung makna, suanlah, berbuat lah, berusahalah... Ula pekeri keri waktu sia sia,  harus ada yang ditanam.. harus ada investasi, harus ada yang dilakukan, harus ada yang dikerjakan.  Erdahin lah... Pagi pagi merdang, berngi pe merdang... Artinya sejalan apa yang sudah dilakukan, dan konsiten terus, sambil belajar dan bekerja.  Erdahin ras erlajar la lit bedana, erdahin alu tutus sambil erlajar alu tutus, gelah sanggup menghadapi situasi si kugapana pe. 

4. Sinalsal matawari erbahan meriah ate, seh kal senangna kune ngasup kita ngenanamisa. Sinalsal matawari erbahan meriah ate, payo kal. Sumber sukacita, sumber optimisme, sumber keyakinan, dan sumber semangat adalah sinar matawari.  Emaka nikmati sinar matawari e, darami sinasal matawari e.  Ija inganna sinalsal matawari e ?  I juma, sanga kita erdahin nagkul, naka naka, nuan, mburo perik, mompa tah pe rani.   Sumber sukacita emkap ibas kita erdahin,  janah kalak sierdahin alu tutus ras benar, puas kal ia ngenen ulih pendahinna.  Emaka erdahinlah alu tutus,  ula pernah mengeluh, sebab melala denga sinalsal matawari.  Erdahin lah alu ceria, alu optmis ras alu keyakinan bahwa pasti lit jalan keluar na, arah sinalsal matawari.  Setiap wari, setiap pagi 6 wari dekahna ibas sada minggu erdahin lah kita alu tutus.  Alu bage dage, meriah lah ukurndu adi erdahin kam iteruh sinalsal matawari e.  Adi erdahin kita milikilah etos kerja professional, untuk menuju level professional. Ula nggit nebu nebu kalak sideban, tapi na semangatlah, move on lah bersama sinalsal matwari si reh ibas Tuhan ta Yesus Kristus nari.

Pengkenaina

1. Erdahinlah alu tutus, erdangken jumandu alu dem pengataken bujur man Tuhan Yesus.  Ula pekeri keri waktu si kentisik e, sebab banci kari keri waktundu itangko sideban.  Mis lah merdang, ula timai wari mehuli. Tiap pagi harus merdang, janah berngi pe merdang. 

2. Kalak pentar emekap kalak si nandai ras erkemalangan man Tuhan.  Kalak Pentar enda tetap ukurndu ia mbereken harta na man kalak si ndauh, si inganna tading i kepar lawit si mbelang.   Sebab yakin kal ia, Dibata njagai ertana si enggo ikirimkenna ku ingan si ndauh.  Janah adi Dibata erjanji la pernah la tepaniNa janji e.  Emaka sangapkal kalak si tetap ernalem man Dibata.

3. Jadilah kalak pentar si ernalem man Tuhan Dibata ibas kerina situasi sikugapana pe,  Ula mbiar, ula merso, ula kataken si la tuhu. Amin. 

Bujur ras mejuah juah  kita kerina.

Pt. Analgin Ginting