Kejadin 26 : 12 - 14
Thema : Sangap Ibas Dahin
Kejadin 26 : 12 - 14
Bahasa Karo
26:12 Ierdangi
Isak taneh e, janah i bas tahun e iperanina seratus kali lipat, erkiteken
ipasu-pasu TUHAN ia.
26:13 Sangap
ia lalap i bas dahinna, dungna seh kal ia bayakna.
26:14 Erkiteken
lalana biri-birina ras lembuna, janah suruh-suruhenna pe nterem, e maka cian
ate kalak Pilisti man bana
Sumber Photo : https://www.facebook.com/ZambiaMessianicFellowship/photos/
Fakta Dan Makna
1. Ringkas
dingen tajam kalimat Firman Tuhan bas pasal 6 ayat 12. Ierdangi Ishak taneh e, janah iperanina 100
kali lipat ibas tahun e, erkiteken ipasu pasu Tuhan ia.
Janah ikataken bas ayat selanjutna “sangap ia lalap ibas dahinna, dungna
she kali a bayakna. Menarik kal si renungken tole kata
Tuhan ibas kitab Kejadin pasal 26 enda.
Lit taneh, ierdangi (ipesikap ras isuan) Ishak taneh si lit e, janah bas
ia rani maka iperanina 100 kali lipat.
Luar biasa kal, 100 kali lipat akapndu hasil merdang na. Engkai maka banci seh 100 kali erkiteken I pasu
pasu Tuhan. Kerja keras membuat hasil pereninnndu 2 tah 10 kali lipat. Mantap, tapia
di la lit pasu pasu Tuhan, bage bage ngenca lalap. Rugi ningen lang, tapi untung pe ningen, sitik
ka ngenca. Bagem kinatana adi pasu pasu
Tuhan e ndauh bas kita nari. Tapia di nuan
kentang kita misalna hasilnya 100 kali lipat, berarti ipasu pasu TUhan kita. Janaeh m rahasia kalak erdahin bas doni
enda. Hasil Kerja / Business hanya bisa
berlipat lipat adi Tuhan simasu masu sa.
La lit kai pe sin ni iperluken si
la isediaken Tuhan Dibata man banta. Mantap.
2. Erkiteken
lalana biri birina ras lembuna, janah suruh suruhenna pe enterem, emaka cian
ate kalak Pilisti man bana. Erkiteken Ishak kalak tutus ras , erkemalangen
man Tuhan maka ertambah tambahna kal
kebayakenna. Janah suruh suruhenna pe
enterem. Ishak banci menghidupi enterem
kalak sir as ia erdahin. Jadi adi bayak kam,
ula ka min kam sekalak si nanamisa. Rekrutlah
kalak sideban jadi sierdahinndu, gelah ikut ngenanami pasu pasu Tuhan si reh
man bandu e. Tapi lit ka sada kenyataan
ibas kegeluhen Ishak emekap, kalak Pilisti rate cian nandangi ia. Enterem kalak si rate cian man kalak si
ipasu pasu Tuhan, tapi tetap ia ikawali ras ipasu pasu Tuhan. Sada point si pentingna kal siidah emekap, Adi
Tuhan si mbere kebayaken e, adi Tuhan simbere peraninenta 100 kali lipat, maka ia ka nge sinjagaisa kerina. Enterem pe kalak man ras kita, melala pe
kalak si rate cian, Tuhan nge tetap si njagaisa. Mbue pe sibereken man kalak, mbue pe si
bereken ku Gereja, maka tetap nge Tuhan si ersimulih man banta janah IA nge si njagaisa.
Amin.
Pengkenaina
·
Kesangapen ibas dahin tentu turah
arah kebujuren ras ketutusen nari. Janah
kesangapen si beratus ratus kali lipat enda reh arah Pasu Pasu Tuhan nari.
·
Jadi adi gelah ersangapna, ersuksesna
kita kerina bas pendahinta, mari lah si deheri Tuhan ta. Ndeher ras Tuhan eme situhuna kal syarat
pertama ras si pentingna sukses ibas pendahin.
Usur si begi bahwa tempa modal atau sen syarat sipentingna ibas erwirausaha, Payo nge
? Lang, sebab syarat sipertama ras si pentingna kali bas erwirausaha emekap
ndatken pasu pasu Tuhan.? Amin.
·
Janah selaku kalak Kristen, adi enggo
igejapndu pasu pasu Tuhan e, inget tugas utamandu nggeluh bas doni enda, emekap
ndalanken pedah Tuhan si judulna Amanat Agung.
Bagi tertulis ibas Matius 28 : 19 – 20 nina :
28:19
Laweslah ku kerina bangsa manusia, bahanlah ia jadi ajar-ajarKu: Peridiken ia
ibas gelar Bapa, gelar Anak, ras gelar Kesah Si Badia,
28:20 janah
ajari ia ngikutken kerina si enggo Kupedahken man bandu. Janah ingetlah! Aku
tetap kap ras kam seh ku kedungen jaman.
Bujur ras mejuah juah kita kerina.
Pt. Analgin
Ginting.
.jpg)
Komentar