Bahan Penelaahan
: Masmur 104 : 24 – 30
Thema : Doni Itepa Dibata Alu Kepentaren .
Masmur 104 : 24 – 30
104:24 O TUHAN , enggo
melala kal si ilakokenNdu, doni enda dem alu tinepaNdu. Kerinana e ijadikenNdu
alu dem kepentaren.
104:25 Nehenlah perkimbang
lawit si mbelang, isin mahluk si kitik dingen galang.
104:26 I je me erlajo
Lewiatan tinepaNdu kapal-kapal pe erlayar i je.
104:27 Kerina ia ngarapken
Kam gelah ndatken nakan i bas paksana.
104:28 Panganna
isikapkenNdu, maka man ia, seh besur.
104:29 Adi itulihkenNdu,
gentar me ia kerina, adi ibuatNdu kesahna, mate me ia, mulihken jadi abu.
104:30 Tapi adi iberekenNdu
kesahna, jadi me ia, iberekenNdu geluh si mbaru man doni enda
Fakta,
Arti Dan Makna.
1. Isi Masmur melalakal menggambarken kemuliaan Tuhan alu
dem ukur meteruk ras pujin si tulus. Bas
perikop ta enda pe igambarken Pemasmur bahwa doni dem alu tinepa Dibata, janah
kerina e ijadiken Dibata alu dem kepentaren.
Lawit si mbelang dem alu makhluk sikitik ras si galang, janah kerina nakan
bas Tuhan nari. Enda me situhuna senina senina mamre. Bahwa kerina
makhluk si lit bas doni enda itepa Dibata alu dem kepentaren. Termasuk makhluk
si mbiarna kam bana, si cigana atendu, si segatna atendu, si segatna atendu pe
Tuhan nge njadikensa janah ijadikenna e alu dem kepentaren. Emaka rukur kita, adi alu kepentaren nge kerina
ijadiken Dibata, uga maka segat, cian, mbiar kita ? Seharusna ras sipayona kal ngataken bujur
kita kerna kerina tinepa Dibata e, sebab alu kepentarenNA ras keleng ateNA nge
kerina e enggo ijadikenna. Perlu kal
kita erlajar. Gelah sidat kesimpulenna
bahwa kerina tinepa NA e ijadiken Tuhan laki ngkelengi manusia. Sada perenungen , piga juta kalak bas doni
enda si nggeluh perban rengit? Piga juta
kalak si erdahin ibas pabrik anti nyamuk ?
Hahaha.
2. Kerina makhluk si lit bas lawit, langit, daraten tahpe
kerina makhluk si lit ibas alam semesta enda, Tuhan nge si nikapken panganna,
maka banci ia man seh besur. Makhluk hidup perlu pangan, gelah ia banci
terus nggeluh. Janah tangkas ikataken
pemasmur bahwa Tuhan nge sinikapken panganna she ia besur. Adi perik, nurung,
kacibang, nurung kitik tah nurung galang, nip eras sidebanna kerina pe isikapken
Tuhan nakanna, apalagi ka manusia.
Kerina makhluk sijadiken Tuhan lih hubungannna sada ras sidebanna, si
isimpulkan ahli sebagai rantai makanan.
Rantai makanan erbahanca lit keseimbangan. Manusia pe isikapken Tuhan nakanna. I Gurun pasir si kai pe la turah banci kalak
Israel man, sebab ibereken Tuhan nakan tasak I surga nari. Adi merhat man leto, leto pe isediakan Tuhan.
Jadi la perlu mbiar soal kai sinipan kita ras anak jabunta. Nggeluh I doni enda perlu memang cari makan,
tapi lebih perlu lebih penting si darami sura sura Tuhan, engkai maka kita (kam
ras aku) ipegeluh Tuhan reh ku doni enda. Em penungkunen si pentingna. Labo ndarami nakan pangan. Sebab nakan pangan e enggo isikapken Tuhan.
Sumber Photo : https://blog.truthforlife.org/
3. Adi itulihken Tuhan gentar kerina makhluk makhluk e,
adi ibuat Tuhan kesahna mate ia janah mulihken jadi abu. Adi bereken Tuhan kesahna jadi me makhluk
mahkluk e. Janah Tuhan me simbereken
geluh si mbaru man doni enda.
La lit sada pe makhluk e si la gentar man Tuhan. Termasuk begu (jin) adi sipahami ibas Masmur
enda, e pe kerina mbiar man TUhan. Dalam
nama Yesus, kerina cinucuk, kerina biaren, kerina gentar. La lit lang. Janah kerina banci nggeluh erkiteken ibereken
Tuhan kesahna. Adi cabut Tuhan atena, la
lit sada pe makhluk e sibanci bertahan.
Tuhan ngkuasai kesah kerina manusia, bagepe kesah kerina tinepa. Tapi ka Tuhan ta e dem alu Keleng Ate. Janah Tuhan me mbereken geluh simbaru man
doni enda. Geluh simbaru bas doni enda ibereken
Tuhan ibas gelar anakNA Jesus Kristus.
Bas Jesus nge kerina manusia ipelimbarui. Labo lit sideban selain Jesus Kristus si ngasup
mpelimbarui doni enda. Amin Senina Mamre
Pengkenaina.
· Doni enda
entabeh (aman dan nyaman) guna ingan nggeluh. Sebab kerina si lit itepa Dibata
alu kepentaren NA. Kepentaren si la ersibar,
si la ngasup manusia mbayangkensa. Emaka ngataken bujur lah kita man Tuhan la
erngadi ngadi perban doni enda dem alu keleng ate Dibata. Ijadiken Dibata kai pe, tujuanna gelah
siidah, sigejap keleng ateNa. Ngataken bujur
lah la erngadi ngadi, janah yakinlah la lit si salah bas doni enda.
· Dibata
sinikapken kerina pangan makhluk hidup bas doni enda, panganndu ras panganku pe
Tuhan nge sinikapkensa. Bas padang pasir
kai pe la turah, tapi Tuhan nge si nyediaken pangan kalak Jahudi tupung ia
ipadang pasir Mesir nari. Jadi ibas
musim musim paceklik pe tetap ernalem ras ngataken bujur man Tuhan. Ia si
nikapken nakan panganta. Kesah ta e Ia nge si ngaturkensa. EMaka adi si gejap erkesah denga kita, janah
lit denga nakan panganta e erkiteken keleng ate Dibata. Bujur o Tuhan ku.
Amin ras mejuah juah
Pt Analgin Ginting
.jpg)
Komentar