Bahan Penelaahan : Kejadin 13 : 8
– 12
Thema : Setangke Denga Kap Kita
Kejadin 13 : 8 – 12
13:8 Nina
Abram man Lut, "Setangke denga kap kita, la mehuli adi rubati
suruh-suruhenku ras suruh-suruhenndu.
13:9 Si
mehulina siranglah kita. Pilih mbalmbal si arah apai kin atendu. Adi kam kempak
kawes aku kempak kemuhen. Adi kam kempak kemuhen aku kempak kawes "
13:10 Itatap
Lut kelewet, janah iidahna maka kerina Baluren Lau Jordan seh kempak kuta Soar
melala launa, bali ras peken TUHAN ntah pe taneh Mesir. Si enda ope denga TUHAN
ngkernepken kuta Sodom ras Gomora.
13:11 E
maka ipilih Lut kerina Baluren Lau Jordan jadi sikerajangenna jenari lawes ia
kempak Timur. Bagenda me persirang-sirangen kalak enda duana.
13:12 Abram
ringan i negeri Kanaan, Lut erkemah i kuta-kuta baluren deher Sodom."
Sumber Photo : https://nerdingtheword.wordpress.com/
Fakta dan Makna
1.
Enda
me percakapan si sangat luar biasa, si ilakoken Abraham ras keponakenna Lut. Percakapen
situjunna muat si mehuli ras pe dampak tah nilai percakapen e she asa gundari,
bagepe pe terus pagi ku kedungen jaman. Percakapan e ibenaken Abraham alu
menekankan ise ia duana ras uga hubungenna , “setangke denga kap kita, la
mehuli rubati suruh suruhenndu ras suruh suruhenku. Ijelasken Abraham bahwa ia ras Lut setangke
denga, sikade Kaden denga, bapa Lut
emekap senina Abraham. Janah ras berkat ia ia taneh Ur Kasdim nari. Erbayakna ia duana kenca she I Kanan, I Baluren
Sungai Jordan. Tapi suruh suruhen na
duana berkompetisi ras usur rubati ndatken mbal mbal (rumput) guna nakan asuh
asuhenna. Emaka berinisiatif Abraham
gundari menyelsaikan situasi enda alu erbahan perjanjian sirang ras Lut anak
senina na. Janau ibas persirangen pe
kari tetap dame ia duana, demi kebersamaan ras masa depan na. Emaka kita pe ula kita nggit rubat ras kerina
senina/turangta si setangke denga kita.
2.
Si
mehulina sirang lah kita. Pilih mbalmbal sia arah apai kin atendu. Adi kam
kempak kawes aku kempak kemuhen. Adi kam kempak kemuhen aku kempak kawes. Nina
Abraham kenca suruhna itatap Lut Baluren Sungai Jordan si sehh kal jilena ras
suburna e… adi kam kempak kawes, aku kempak kemuhen. Adi kam kempak kemuhen aku kempak kawes. Woow, sada pilihan yang sangat mengedepanken
kasih sayang ras iman man Tuhan Dibata.
Sebab teridah kal je, bahwa man Abraham la masalah ku ingan siapai pe,
ku kiri tah ku kanan, ku kawes tah kemuhen, ku Timur tah Ku Barat. Icidahken Abraham, ia ku ja pe la
masalah. Aminna pe ndatken tanah si
gersang pe la masalah, emaka nina man anakna Lut, kami milihsa kuja
atendu. Abraham sadar dan yakin
sekali, bahwa ku ingan si apai pe ia pasu pasu Tuhan e ngenca siutamana, si
pentingna kal. Janah Abraham tek kal
ras berkomitmen nimai janji Tuhan man ia.
Emaka si jadi pelajaren kal man banta, ula kita ibas kita salah milih,
sebab Tuhan tetap pasu pasuNA kita. Man
kam kerina Moria pe, ula akapndu salah adi anakndu milih permenndu la bagi
ukurndu. Si penting ngena ras keleng ate
anakndu e nandangi ia. Ibas paksana idahndu
ras igejapndu nge pasu pasu Tuhan maler arah permenndu e nari man bandu. Amin?
3.
Itatap
Lut Kelewet, janah idahna maka kerina Baluren Lau Jirdan she kempak ku Soar
melala launa, emaka ipilih Lut kerina Baluren Lau Jordan jadi sikerajengenna,
jenari laes ia kempak Timur. Tading me Lut bas Baluren Sungai Jordan si seh kal
ulina man tatapen e. Kepeken Lut tading
iingan si deher ras Sodom ras Gomora.
Awalna meriah dingen megah akapnda.
Dungna sieteh uga turi turin Sodom ras Gomora. Siinget ka pe ndehara Lut, nulihken ku pudi
rempet salih jadi tiang garam. Emaka
ibas milih, ula simejile bas tatapen saja, ula si mehuli bas pembegi saja, ula
si mantap siakap ibas egoism ta. Tapi
ibas milih ngendes lah man Tuhan. Janah
sekalipun salah pilih, adi tetap ernalem man Tuhan, maka IA nge singaturken sa
kerina. Mata, cuping, igung, ras bibir
bage kulit terbatas kal kemampuanna milih.
Tapia di Tuhan singajari labanci kam salah pilih. NInan anak sintua, kena lah lebe milih agi
agingku kerina. Aku kari sipudina. Emaka dat sa bagian tanah warisah si paling
gersang, janah akses pe tertutup. Tapi
tamaken Tuhan emas bas taneh bagianna e.
Wooow puji Tuhan.
Pengkenaina.
·
Jadikenlah kerina manusia sideban
setangke ras kita, gelah ula kita konflik tapi dame kita lalap. Termasuk ibas erban keputusen si sulit e, adi
setangke kin siakap kita ras kalak si deban e, labo metahat erbahanca. Trust me and I trust you ninta man ia,
tentu tetap kita banci erkolaborasi.
·
Harus siakui, kita sendiri pe labo
mampu erbahan pilihan tahpe keputusen si mehulina. Emaka pindo lah penampat man Tuhan ibas kam
erbahan pilihan tah pe keputusen. Pasti mehuli hasilna ras maba kedamen rasa
lalap. Amin.
Bujur ras mejuah juah kita kerina
Pt. Analgin
Ginting.
.jpg)
Komentar