Bahan Penelaahan : Lukas 3 : 1 –
14
Thema : Pebias-bias si lit ibas kam
Lukas 3 : 1 – 14
3:1 Tiberius enggo sepuluh lima tahun jadi
Kepala Pemerentah Roma. Tupung si e Pontius Pilatus jadi gubernur i Judea,
Herodes raja i Galilea. Janah sangana Pilipus jadi raja i daerah Iturea ras
Trakhonitis; Lisanius jadi raja i Abilene,
3:2 janah Annas ras Kayapas jadi Imam si
Mbelin. Tupung e reh Kata Dibata man Johanes anak Sakaria, i taneh si mesawang.
3:3
E maka isiari Johanes kerina daerah
aluren Lau Jordan. Iberitakenna Berita i bas Dibata nari nina, "Jeralah i
bas dosa-dosandu nari! Tandana kam enggo jera, kam arus iperidiken, gelah
dosa-dosandu ialemi Dibata."
3:4 Bagi enggo isuratken Nabi Jesaya i bas
kitapna, "Lit sekalak si erlebuh i taneh si
mesawang nari, 'Pesikap dalan Tuhan -- Pepinter dalanNa!
3:5 Kelbung-kelbung arus itambusi, uruk-uruk
ras deleng arus ipekendit dalan si meluk-eluk arus ipepinter janah si
erlubang-lubang iperata.
3:6
Kerina pagi manusia ngidah
keselamaten si reh i bas Dibata nari!' "
3:7
Nterem jelma reh ndahi Johanes
gelah iperidikenna. E maka nina man kalak ndai, "O, kalak jahat, ise
ngatakenca man bandu, maka banci kam pulah i bas ukumen Dibata si reh pagi?
3:8 Cidahkenlah arah perbahanenndu tandana
kam enggo jera i bas dosa nari. Ola nindu i bas ukurndu, 'Abraham kap nini
kami.' Kukataken man bandu maka Dibata ngasup nge njadiken batu-batu enda jadi
kesusuren Abraham.
3:9 Kapak enggo sikap guna nabah batang
kayu; kerina batang kayu si la mehuli buahna itabah janah iambekken ku bas
api."
3:10
Nungkun kalak e man bana nina,
"Kai dage si arus ibahan kami?"
3:11
Erjabap si Johanes, "Ise lit dua
bajuna, arus iberekenna sada man kalak si la lit bajuna, bage pe ise si lit
nakanna, arus ibagikenna."
3:12
Reh pe ku je kalak pengalo cuke, atena
gelah iperidiken, jenari nungkun ia man Johanes nina, "O guru, kai arus ibahan
kami?"
3:13 Erjabap si Johanes, "Ola pindo buen
asa si enggo itentuken."
3:14 Nungkun ka piga-piga tentera nina,
"Kuga kami enda? Kai nge arus ibahan kami?" Ngaloi Johanes, "Ola ngerampas ntah ngataken salah man si la ersalah.
Janah pebias-biaslah gaji si ibereken man bandu."
Fakta dan Makna
1.
Kerna
Johanes Peridiken. Waktu pelayananna,
ija ia ngelayani, lit nubutan kerna ia ras pe ajaren ajaren na. Ibas ayat sada she ku ayat enem perikop enda
ijelasken me kerna ise Johanes, katawari ia tubuh ras erdahin, janah kai siilakokenna. Maka teridah bahwa Johanes Peridiken erdahin
lako mpesikap dalan Kerehen Tuhan. Janah
pe ijelaskenna engkai maka Tuhan reh ras kai tujuanna. Nina Johanes “Jeralah ibas dosa dosa ndu nari”, janah “tandana kam jera kam harus
iperidiken gelah dosa dosa ndu ialemi Dibata”. Luar biasa, janah kai si ikataken
Johanes, terutam sanga katakenna tanda enggo jera e emekep peridiken, dungna
enda me salah sada teologi si pentingna kali bas gerejenta khususna GBKP si
beraliran Protestan Calvinis. Bas GBKP
dua ngenca Sakramen, emekap peridiken ras lakon persadaan sibadia. Peridiken tanda enggo jera, LPS tanda enggo
ersada ras Tuhan (iselamatken Tuhan)
Sumber photo : https://id.pinterest.com/
2.
Piga
piga perkataan tahpe ajarena Johanes P. Enterem kalak reh ndahi Johanes janah kerina nungkun bana kai si harus
idalanken gelah ia selamat.
·
"Lit
sekalak si erlebuh i taneh si mesawang nari, 'Pesikap dalan Tuhan -- Pepinter
dalanNa! (NUbuat Nabi Jesaya, ayat 3 :
4)
·
"O,
kalak jahat, ise ngatakenca man bandu, maka banci kam pulah i bas ukumen Dibata
si reh pagi? (3:7)
·
Ise si dua
bajuna harus iberekenna sada man kalak si la erbaju. Bagepe ise si lit nakanna, harus ibagikenna (
3 : 11)
·
Ola pindo
buen asa si enggo itentuken ( 3 : 15)
·
"Ola
ngerampas ntah ngataken salah man si la ersalah. Janah pebias-biaslah gaji si
ibereken man bandu." (3 : 14)
3.
Perkataan
Johanes man tentera si jadi thema minggu enda. Pebias biaslah si lit ibas kam.
Enda perlu kal itinggelken ras idalanken kerina jelma khususna
Moria. Sebab banci ikataken system ekonomi
(produksi) doni enda lebih ikhususken man diberu selaku konsumen. Cubaken dalan-dalan kam ku Mall, misalna
Ramayana tah Matahari. Perdiateken lah ije bahwa produk fashion untuk diberu hampir
60%, sisana 40% untuk anak anak ras dilaki.
Ertina barang barang ras jasa siman tukuren lalan memang untuk diberu,
emaka iklan iklan bas TV, youtube tiktok, Instagram pe lalan tujunna ku
diberu. Emaka perlu kal kam kam kerina
moria kami mbatasi diri, mbatasi penampilan ras mbatasi siman tukuren. Pebias lah kai si enggo lit. Enda
me saran teologis, saran Tuhan Dibata man bandu kerina.
Pengkenaina.
·
Perlu kang siukuri mbages mbages “apai
pangen kekurangen atau kelebihen”. Sebab adi kekurangen jalan keluarna usur kita
ertoto mindo penampat man Tuhan. Tapi kelebihen,
kelis ate lalap ku ingan ingan kuliner, fashion terlebih adi lit ka photo boot
na entahpe Instagram shot photona. Tempa
enggo bage gaya hidup si harus idalani.
Labo, kam nge si menentuken gaya hidupndu. Sungkun Tuhan, dahndu mis kari katakenna man
bandu kai si harus ilakoken. Nina Tuhan
pebias bias lah si enggo lit.
·
Janah adi kelebihen kam, darami kuja
banci sumbangkenndu deba. Adi
keyakinenku, rasa bangga ras rasa syukur akan lebih nyata igejapkenndu saat kam
memberi kepada orang yang butuh, daripada bereken ndu band u tas Hermes si erga
Rp 300 juta , tahpe sanga itukurndu bandu berlian 30 karat buaten Israel. Emaka, pebias bias lah bandu alu mbere penampat
man kalak sideban. Kam pe ersehatna. Amin?
Bujur ras mejuah juah kita kerina
Pt. Analgin
Ginting.
.jpg)
Komentar