Bahan Penelaahan
: Kuankuanen 9 : 9 – 12
Thema : Tandailah
Dibata Maka Idatkenndu Kepentaren ras Pengertin .
Kuankuanen 9 : 9 – 12
9:9 Adi iajarkenndu kalak
pentar, reh pentarna ia. Adi kalak benar iajarkenndu, ertambah-tambah
pemetehna.
9:10 Maka banci kalak jadi
pentar la banci lang erkemalangen ia lebe man TUHAN . Adi itandaindu Dibata si
Badia e, lit kap pengertinndu.
9:11 Kepentaren erbahanca
umurndu reh gedangna.
9:12 Adi lit i bas kam
kepentaren, bandu jine nge untungna; tapi adi itulakndu, kam jine nge si rugi.
Fakta,
Arti Dan Makna.
1. Kalak pentar adi iajari erpentarna ia. Bagepe kalak benar adi aiajarken ertambah tambahna
pemetehna. Menarik kal pembahasan
mengenai kepentaren ras pengertin ibas jaman sugundari enda. Emaka Ibas bahasan PA Mamreta minggu enda,
lit ia piga piga hal si arus sitinggelken ras siukuri lebih mendalam ras lebih
usur. Kepentaren e la ngadi. Tapi terus berkembang. Kebijaksanaan e berkembang, emaka teologia
ikut berkembang. Serayan si nggit usur
erlajar ras meteruk ukurna pasti daramina lalap kepentaren si lebih melala. Kalak benar, si perbahanenna mehuli maka
ertambah tambahna kal pengertian na ras pemetehna adi iajari ia. Emaka man kerina kita si senior (emeritus)
tetaplah siajari penerusta e. Man mamre
si nguda denga, tetaplah kam rendah hati adi iajari kam soal kepentaren ras
kebenaren.
Sumber photo : https://www.ellenwhite.info/
2. Syarat utama ras paling mendasar maka banci kalak jadi
pentar emekap erkemalangan ia man Tuhan. Lit pepatah nina “belajarlah sampai ke negeri
China”. Pepatah enda enggo ndekah si
begi. Tapia di sinen uga perkembangen
negara China ibas ekonomi, teknologi, senia, olah raga, ras infrastruktur,
bagepe ibas pengobatan maka payo kal pepatah enda. Man kita Mamre sada nari si lebih penting
lako ndatken kepentaren emekap erkemalangan man Tuhan. Uga mpraktekkensa “Erkemalangan man Tuhan ?” Dilo kuba pusuhndu Tuhan e. Adi Tuhan ringan ibas pusuhta, janah erlajar
ka kita mbegi soraNA, maka IA me gurunta situhu tuhu ibas kerina dampar. Emaka perlu kal si tandai ayo payo ise kin
Tuhan ta sini sembah kita e. Tuhan e
nggeluh, “KESAH SIBADIA NGGELUH”. Bas Ia nari kin rehna kegeluhen e.
3. Kepentaren erbahanca umur gedang. Kepentaren = Sora
Tuhan. Jadi adi ibas kita ndalanken
kegeluhen enda tep tep wari, Sora Tuhan siban panduan geluhta emaka sehat nge
kita lalap, la kita lawes ku ingan si la benar, la siikuti si la payo. Labo masalah man B1 panggang, saja ula
mbuesa. Labo salah minum wine, tapi nen
takaranna. Enda tuak kari lalap siinem berbotol botol, kenca kita man B1
Panggang e 3 piring. Uga pe mesera nge
dungna, hahahahahahha. Sekali sekali erpuasa ka kita, nina
Tuhan. Dahndu ugapa pe gedang umurta.
4. Kalak si lit bas ia kepentaren bas ia nge untungna,
janah kalak si nulak kepentaren ia sendiri nge si rugi. Raja Daud pernah iajarken Nabi Natan alu dem
keleng ate, emaka datsa untungna. Melala
kal Masmur siitulis Daud, erkiteken melala bas ia kepentaren e. Janah sanga ia ndatken ajaren Nabi Natan, sitik
pe la simbakna, ialokenna kerina. Emaka
berhasil ia. Mahatma Gandhi pe nggit ia
mbegiken ajaran “Khotbah di Bukit” Pengajaran Tuhan Yesus ibas Matius 5. Emaka she asa gundari Mahatma Gandhi sada
tokoh kemanusiaan si paling besar. Kam
gia, ma nggit iajarken gelah datndu kepentaren ? Adi la kam nggit iajarken, kam sendiri nge si rugina. Man kai ka nggeluh doni enda, adi rugi si
lalap ? hahahahaha. Amin Senina Mamre
Pengkenaina.
· Doni enda
itepa Dibata si Mada Kuasa, emaka IA ngenca ngetehsa kuga kecibal doni enda ,
mala lalu, masa sekarang ras Masa Depan.
Ninta gundari enggo jaman 4.0 tah pe 5.0. Piga piga enggo ka masuk ku
era 6.0. Uga ka perkembangenna ku lebe,
ras ndigan pagi kedungennna kerina, Tuhan ngenca ngetehsa. Emaka erkemalngan lah mas Tuhan. Dahi Tuhan alu pertotondu ras kerajinenndu
ngikuti PA Mamre. Motong tah lah PA
Mamre e, dahilah.
· Sikapken bas
pusuhndu ingan si mejilena kal, janah undang reh kubas ingan si mejile e Kesah
SI Badia. Kesah SI Badia e pasti ngajari
kam kai permasalahhandu . Adi sanga kam
perlu sen e, janah erdua ukurndu minjam ku rentenir tah ku Bank, sungkunndu
Kesah SI Badia, mis kal katakenna siapai pilih.
Janah lit ka pe kemungkinen sanga kam perlu sen e suruhna kam engkawil,
janah bas babah nurung si datndu e lit emas.
Bagi pernah dat murid muridNA dua ribu tahun si lewat. Amin.
Bujur ras
mejuah juah
Pt Analgin Ginting
Komentar