Kuankuanen 12 : 18 - 25
Thema
: Kepentaren Desken Tambar
Kuan k uanen 12 : 18
- 25
Bahasa Karo
12:18 Ranan
si la erpepah banci ngelukai ukur kalak desken pedang, tapi kepentaren desken
tambar si pepalemken.
12:19 Ranan
la tuhu kentisik ngenca umurna, tapi kata tuhu tahan asa lalap.
12:20 Kalak
si ersura-sura jahat, itipuna kap dirina jine, tapi kalak si mehuli sura-surana
jumpa keriahen.
12:21 Kalak
bujur la jumpa cilaka, tapi kalak jahat lalap lit i bas kesusahen.
12:22 La
ngena ate TUHAN man kalak perguak, tapi ngena ateNa man kalak si engkunduli
cakapna.
12:23 Kalak
si beluh rukur la encidah-cidahken kebeluhenna, tapi si lenge ermomo ia kerna
kemotunna.
12:24 Kejingkaten
erbahanca kalak ndatken kuasa, tapi kemalasen erbahanca kalak jadi
suruh-suruhen.
12:25 Aru
ate erbahanca keriahen lesap, tapi ranan mehuli erbahanca ate malem
Fakta Dan Makna
1. Adi
sibaca kuankuanen enda icidahkenna man banta bahwa geluh enda situhuna simple,
sederhana. Tiap ayat tulisan enda
terdiri dari hal si negative ras lawanna hal sipositif. Memang kegeluhen enda situhuna kin simple. Mulai arah pengerana (ranan) ppe simple situhuna. Ranan si la mehuli si pepah pasti maba
kerugian man simpedarat ranan e, bagepe man kalak si tertuju ranan si la
erpepah e. Mulutmu adalah harimaumu, menggambarkan
bahwa ranan si ndarat bas babah nari kejam ras buas bagi harimau. Emaka hati hati lah. Tapi kepentaren desken tambar. Emaka
ranan si mehuli si ndarat bas babah kalak pentar nari seri kin ras tambar si mpepalem tensi / jiwa. “Emaka melala kal Motivator Hebat, kutipna
kata kata Kuankuanen (Amsal) enda, sebab memang mengandung rahasia
kegeluhen. Simpel ibahan Kuankuanen
ajaren kegeluhen enda.
Sumber photo : https://paperbackdesign.com/
2. Ituriken
kitab Kuankuanen enda kerna ranan (cakap), perukuren ras sura sura,
perbahanen ras kebiasan si bodoh ras si pentar.
Ranan ndarat pusuh nari sebagai buah perukuren, janah buah perukuren jadi perbahanen, perbahanen jadi kebiasaan,
janah kebiasaan jadi karakter. Karakter
me simenentuken destiny, keberhasilan ras kegagalan sekalak jelma. Ranan si la mehuli, sura sura si jahat, kemalasan dung
na erbahanca jumpa lalap kesusahen (Kuankuanen 12 : 21) Kalak bujur (karakter) la jumpa cilaka
(keberhasilan nggeluh (Kuankuanen 12 : 21b).
Siapai dage ikutkenndu ibas hal si simple enda ? Menang arah lebe, tapi talu arah pudi ras
seterusna? Atau talu arah lebe (menderita) tapi menang arah pudi ras seterusna? Kalak si beluh rukur la encidah-cidahken kebeluhenna,
tapi kalak si lenge ermomo ia kerna kemotunna.
Pengkenaina
·
Kepentaren desken tambar, engkai ?
sebab kepentaren e emekap Sora Tuhan (Kesah SI Badia) si isimpan bas pusuh. Katawari lit masalah mis Ia merespon ras
mbere jawaban. Tuhan akapndu njawab ras
menyelesaikan kerina masalah ta. Ma malem ateta. Jadi payokal kepentaren desken tambar.
·
Gelah kepentaren e engkuasai rananta,
perukurenta, perbahanenta bagepe jadi karakterta maka perlu kal kita ngadap man
simada kepentaren e, emekap Tuhan Yesus.
Usurlah rende, ertoto, ngoge Pustaka, bersekutu ras bersaksi bagepe
ngkelengi arah erdiakonia, maka itambah tambahi Tuhan lalap kepentarenta. Ma
payo akapndu senina ras turang ? Amin.
Bujur ras mejuah juah kita kerina.
Pt. Analgin
Ginting.
Komentar