Masmur 8 : 1 – 10
Thema : Ipekena kena Tuhan
Masmur 8 : 1 – 10
Bahasa Karo
8:1 Masmur
Daud.
8:2 O
TUHAN , Tuhan kami, kemulianNdu teridah i belang-belang doni. Seh kudas Surga
Kam terpuji;
8:3 danak-danak
ras si gara-gara rende muji Kam. KinirajanNdu nteguh la terundu, imbang si
ngelawan Kam isompelNdu babahna.
8:4 Adi
kutare ku langit tinepaNdu, kuidah bulan ras bintang-bintang si itamakenNdu i
bas inganna.
8:5 Kai
kin manusia e, maka ingetNdu ia? Manusia kap ngenca, ngkai maka ipekena-kenaNdu
ka ia?
8:6 IbahanNdu
ia teruhen asangken Kam ngenca, itangkuhkenNdu ia alu kemulian ras kehamaten.
8:7 ItangkuhkenNdu
ia jadi raja, merentah kerina tinepaNdu kerina itamakenNdu ku tapak-tapak
naheNdu:
8:8 biri-biri,
lembu, rubia-rubia si meliar,
8:9 perik-perik
dingen nurung, bage pe kerina si nggeluh i lawit.
8:10 O
TUHAN , Tuhan kami, kemulianNdu teridah i belang-belang doni.
Fakta Dan Makna
1. Pemasmur
erbahan sada ende enden (Masmur) spontan sebab iidahna ras igejapkenna kiniulin
ras kemuliaan Tuhan. Menam menam lanai
terbelasken alu kata kata uga kin kinihagaan Tuhan siteridah arah kerina
tinepaNa termasuk arah diri manusia, si itepaNA alu cara si unik, berbeda ras
pe sangat istimewa. Kemuliaan Tuhan
teridah I belang belang doni sehh ku surga.
Emaka kalak si danak danak denga pe ras gara gara, muji Tuhan. Menarik guna siukuri terdauhen engkai maka
iangkat pemasmur pujin bas danak danak nari terlebih pe ikatakenna ibas anak
gara gara nari. Adi danak danak muji,
tulus kal ia. La lit pemikiren pemikiren sideban selain alu
tulus ia muji. Labo lit “udang di balik bakwan”.
Labo lit ije rekayasa si la tuhu, labo lit ije sura sura si la bujur, ibas ia muji. Emaka pujin pemasmur nandangi kiniulin Dibata,
tulus kal, bagi pujin siipeseh danak danak tahpe anak gara gara. Memang layak kal sipuji Tuhan Dibata, sebab
kiniulin na si sehh kal belin na e.
Sumber photo : https://dailyverse.knowing-jesus.com/
2. Si
paling heran pemasmur natap kiniulin
Tuhan nandangi manusia emaka reh kata katana “ kai kin manusia e maka ingetNdu
ia, manusia nge kap ngenca uga maka pekena kena ndu ka ia”. Puncak pujin masmur
nandangi Dibata, teridah arah kata kata pertanyaan, siajukan pemasmur
enda. Kai kin manusia e maka
ingetNdu ka Ia? Enda muncul
erkiteken idah pemasmur iangkat Dibata kal manusia e. Lebihen asangken si banci ipikirken manusia,
bage me idah pemasmur ipehagaken Dibata kal manusia e. Manusia, berbeda ras kerina tinepa
sideban. Manusia banci ngerana, banci memiliki
kesadaran, banci memiliki imaginasi, banci punya hati Nurani, ras pe manusia
punya roh si reh bas Kesah Tuhan nari, manusia punya kehendak bebas, ras manusia
punya hak ras kemampuan memilih ibas pusuh Na.
Kerina enda bas kita selaku warga GBKP ikatakan Manusia dikotomi yang
mempunyai fisik dan roh. Roh e banci
ringan ibas fisik (kula si mehuli), kula tah fisik e banci beroperasi erdahin
adi lit bas ia kesah Dibata. Emaka
situhuna manusia nge si paling sempurna banci nehken keleng ate Dibata, teruhen asa Dibata e
ngenca. Tapi kerina kelebihen manusia e
banci lit bas ia, erkiteken keleng ate Dibata man manusia e. Kam,
aku ras pe kita kerina. Emaka dalam
situasi sikugapana pe, manusia tetap punya akal, kecerdasan dan kemampuan mbegiken
Sora Dibata ibas ia menghadapi situasi ras masalah kai pe bas doni enda. Emaka sipindo lah usur man Tuhan, arahen ibas
kita menghadapi situasi sikugapana pe. Janah inget lah senina ras turang, bahwa Tuhan enggo
namaken kesah Na bas dirinta, emaka banci nge kita langsung mbegiken sora
Tuhan. Tuhan hanya sejauh doa nina
syair lagu. Alu bage ibas doa, kerina
sora Tuhan banci begikenndu, totoken alu
dem keteruken ukur, begiken sora Tuhan, petetap emaka dalanken. Bagem kepeken hagana manusia e ipekena Tuhan.
3. Itutup
ka Masmur pasal 8 enda alu ngulihi sekali nari “ kemulian Ndu teridah I belang belang doni “. Arah ayat enda teridah kal maka kerina pemere
Tuhan man manusia, kerina kinihagaan manusia e ibereken Tuhan, gelah teridah
kemulian Tuhan. Manusia ibas kerina puncak
puncak prestasina, ibereken Dibata, gelah arah manusia si hebat teridah ermulia
na kal Dibata. Labo kemuliaan manusia e
si perlu teridah, tapi kemuliaan Dibata, Tuhan si Mada Kuasa si empuna langit
ras doni ras kerina isina. Jadi geluhndu
teman ras pe kegeluhenta kerina harus punya tujun lako mpermuliaken
Dibata. Jadi kita manusia ipekena kena
Dibata, gelah arah geluhta ermulia Tuhan ta. Amin.
Pengkenaina
·
Manusia adalah makhluk yang
memuji. Emaka arah babah ta, arah ende
endenta marilah sipuji DIbata. Ula lit
kata kata si meremehkan, si menegatifken kata kata si meraguken kemulian Dibata
e ndarat ibas babahta nari.
·
La hanya arah babah, arah totalitas
kegeluhennta situhuna tujun kegeluhennta emekap gelah muji ras mpermuliaken Dibata. Idah kalak
perbahanenndu ipujina Dibata, begi kalak gelarndu imuliakenna Dibata, , inget
kalak kam, mis ipujiNa Dibata. Emaka
gelah banci kita jadi manusia sibage, harus tet tep wari sibabai kegeluhenta
guna mpermuliaken Dibata. Amin. Bujur ras mejuah juah kita kerina.
Pt. Analgin Ginting.
Komentar