Catatan Tambahan PA Mamre 25 September – 1 Oktober 2022

 Bahan Penelaahan  : Lukas 14 : 34 – 35     

Thema :  Mamre Tuhu Mehuli  .     

Lukas 14 : 34 – 35

 

14:34       "Sira tuhu mehuli, tapi adi sira e pe lanai masin alu kai nari banci ipemasin?

14:35       Tuhu lanai erguna man juma ntah man campur pupuk; tapi iambekken nge. Begikenlah adi lit kin cupingndu!"

 

Sumber photo : https://romanitahairston.com/

Fakta, Arti Dan Makna.

1.     Sira tuhu mehuli, tapia di sira e pe lanai masin, alu kai nari banci ipemasin?.    Bas minggu enda, ipersingeti kita maka mamre seri ras sira, si seh kal pentingna kegunaanna bas kegeluhen enda.  Manusia hampir banci ikataken la ngasup nggeluh adi la lit sira, emaka sira salah sada komoditi si she kal lalana gunana, manfaatna, nilaina bas kegeluhen.  Bagepe ka pe mamre.  Mamre she kal lalana gunana, manfaatna, nilaina ibas keluargana, ibas gereja bagepe ibas negara tah pe doni enda.  Mamre selaku imam, mamre selaku penentu pondasi ekonomi, mamre sumber kepercayaan diri kerina anggota keluarga. Mamre adalah duta perkade kadeen ibas adat karo.  Emaka seh  kal lalana kegunaan mamre e, bagi  lalana kegunaan sira bas kegeluhen enda. Jadilah mamre simbere kemalemen ate, bagi sira sibanci erbahanca entabeh gulen.  

2.     Sira adi lanai masin lanai erguna man juma tah campur pupuk.  Tapi iambekken nge. Tapi sira erguna adi masin denga.  Adi lanai masin sira e, lanai banci ipemasin.  Nimai warina nari guna iambekken jenari idedeh dedeh… Batu sira nai jadi dedehen sangana Bangsa Israel ibas padang gurun.  Gelah ula salah pendedeh emaka isusun batu sira si lanai masin ndai jadi alur erdalan.  Mamre si la gejapna, si la sadarina peran ras tanggung jawabna, seri kal sira si nandangi idedeh dedeh ibas tempat pembuangan kotoran jelma.  Emaka setiap perlu kal si evaluasi dirinta selaku mamre. Masin denga nge kita man sienterem, man gerejanta, man sektorta, man keluarganta?  Adi lanai akapndu masin bandu, mis pe masin dirindu.  Sira si lanai masin lanai banci ipemasin sebab sira la kin beluh ngerana tah pe erpingko pingko man simada kuasa.  Emaka ugapa pe I ambekken nge, sebab man juma tah campur pupuk pe lanai bo lit khasiatna.  Adi Mamre beluh ngerana, beluh mindo.  Emaka erlebuh ras mindo lah man Tuhan Yesus gelah ipemasin na kam mulihi, gelah iberekenNa pasu pasu Na kam. Tuhan Yesus ngasup mpemasin Mamre si lanai masin, jadi masin mulihi.  Amin ?

3.     Begikenlah adi lit cuping ndu. Enda me ajar si she kal penting na  man kerina mamre tua, nguda, bayak la bayak, ganteng tampan ras kurang tampan, kai pe dahinna, kai pe profesina.  Begiken lah adi lit cupingndu.  Cuping labo gunana hanya untuk perhiasan takal tahpe ingan anting anting saja, tapi lebih asa si e, cuping gunanna mbegiken ajar ras kekelengen Tuhan Yesus.

Pengkenaina.

·       Mamre ningen e sada gelar kinihamatan si she kal mehagana, sebab Mamre emekap perbapan si jumpa ras Tuhan. Manre ibarat sira si she kal mbue manfaatna bas kegeluhen manusia.  Mamre pelaku uptama teladan kekelengen Tuhan, janah mamre pe sipaling menentuken kebersinambungan gereja Tuhan, arah ajar si ialamina.  Luar biasa Mamre e, adi tetap ia sadar peran ras tanggung jawabna.  Emaka kam ula kal latih akapndu ngaloken jabatan e, jadi Imam man keluargana.

·       Jaga kemasinenndu selaku sira entahpe mamre.  Berusaha untuk memperjelas misi visi geluhndu, gelah lit lalap dalan, upaya, semangat guna mempertahanken kemasinennta.  Mindo penampat man Tuhan gelah kita kerina ibas ndalanken tanggung jawab ta sebagai mamre si ergunana kal man jemaat Tuhan.  Mari erlajar ras erpengendes man Tuhan katawari pe, gelah tetap lit kegunaannta man jemaat gereja Tuhan, bagepe man jelma sienterem.   Amin.  

Bujur  ras mejuah juah

Pt Analgin Ginting