Thema : Doni ingan mpermuliaken Dibata
Nas : 1 Petrus 1 : 17 - 22
Nas Renungen
Tupung kam ertoto man Dibata, ikatakenndu Ia Bapa. Ia me si ngadili kerina manusia alu la erndobahen rikutken perbahanen sekalak-sekalak. Erdandanken si e pakeken kesempaten si lit guna pemuliaken Dibata, kidekah kam nggeluh denga i doni enda.
Ietehndu kap alu kai kam itebusi i bas kegeluhenndu si la erguna, si ialokenndu i bas nini-ninindu nai nari. Kam itebusi labo alu barang si banci masap, umpamana emas ntah pirak.
Ia nggo ipilih Dibata ope denga doni enda ijadiken, janah nggo ipetangkas i bas wari-wari si arah pudi enda guna kiniulinndu.
Arah Ia, tek kam man Dibata si pekeke Ia i bas si mate nari dingen si mereken kemulian man BaNa. Emaka kiniteken ras pengarapenndu itamakenndu i bas Dibata.
Erdandanken patuh kam ngikutken pengajaren si tuhu-tuhu e, nggo ibersihkenndu dirindu seh maka lit i bas kam keleng ate si tuhu-tuhu nandangi temanndu si sada kiniteken. Emaka sikeleng-kelengenlah kam alu bulat ukur.
Fakta dan Makna
1. Erdandanken si e pakeken kesempaten si lit guna pemuliaken Dibata, kidekah kam nggeluh denga i doni enda.
Lit kerina batas sinasa lit bas doni enda, lit ujungna erkiteken lit awalna. Tuhan ngenca la erbatas. IA la lit awal ras la lit akhirna tetap ia bage, rasa lalap seh rasa lalap. Tapi kerina si lit i doni enda lit awal ras lit akhirna. Termasuk kesempata, pe lit batas akhirna. Ertina ibas sada paksa pagi lanai lit kesempatan erkai pe. Emaka geluh tep tep manusia bas doni enda pe lit batasna, lit ujungna. Tupung nggeluh bas doni enda, sada si penting na kal harus ilakukan kerina manusia emekap mpemuliakan Dibata. Dibata ngenca patut ipermuliken, em harus ilakoken kerina manusia si tek BANA, si ndatken Pasu pasu Bas IA nari terlebih pe si ndatken keselamatan bas IA nari, alu kematen Yesus Kristus Tuhan. Amin? Seh pagi paksana, keri waktundu mpermuliaken DIBATA. Pasti keri. Emaka tupung lit dengan waktundu, permuliakenlah IA.
2. Kam itebusi alu dareh Kristus si meherga, bagi sada anak biri-biri si la cacat dingen la erpandangen si igeleh.
Kerina manusia si nggeluh bas doni enda ibereken DIBATA nge siituhuna kesempatan man bana guna mpermuliaken Tuhan Dibata. Tapi labo kerina sadar, labo kerina merasa dipanggil, labo kerina tek man Dibata e. Emaka tempa kalak si khusus ngenca si merasa ras menyadari ia idilo. Janah kalak si tek ia idilo Dibata, ibereken Dibata tanda na man bana, emekap gelah itandaiNA Yesus Kristus Tuhan. Perlahan lahan turah kesadaran na ras kinitekenna erpaguhna, bahwa ia itebusi alu dareh Kristus si meherga, bagi sada anak biri biri si la cacat dingen la erpandangen si igeleh. Tuhan Yesus si mate i Kayu Peresilang jadi bukti teologis ras fakta sorgawi bahwa manusia idilo guna mpermuliakan Dibata. Kam, aku, kita kerina si ipersada ibas sada kiniteken man Tuhan Yesus idilo guna make geluhta lako mpermuliakan Dibata. Mari si muliaken IA.
3. Erdandanken patuh kam ngikutken pengajaren si tuhu-tuhu e, nggo ibersihkenndu dirindu seh maka lit i bas kam keleng ate si tuhu-tuhu nandangi temanndu si sada kiniteken. Emaka sikeleng-kelengenlah kam alu bulat ukur.
Uga kin carana mpermuliaken Dibata, adi la pe simuliaken enggom pasti ermulia kal Tuhanta e ? Carana patuh ngikutken ajaren situhu tuhu, sebab arah kepatuhen e enggo sibersihken dirinta, seh maka lit bas kita keleng ate situhu tuhu nandangi teman sada kiniteken. Adi bersih dirinta, ertina fokus ras tek kita man TUHAN Yesus, jenari turah bas pusuhta keleng ate situhu tuhu labo keleng ate sung sung (kadang kadang)
Langkah 1 : Patuh ngikuti ajaran situhu tuhu
Langkah 2 : bersih diri dari egoisme ras sura sura daging.
Langkah 3 : turah keleng ate bas pusuh
Langkah 4 : Praktek sikeleng kelengen alu bulat ukur.
Pengkenaina
1. Ula tertima tertima, ula menunda nunda lako mpermulikan Dibata. La ndekah waktu geluh bas doni enda. Adi enggo mate, la nai lit kesempatan sitik pe . Pakailah kesempatan si lit guna mpermuliakan Tuhan Dibata.
2. Gejapken lah bas pusuhta, bahwa pengangkannta kerna Yesus Tuhan e, erkiteken kelenge ate ras pemereNA. La lit gegeh manusia sierbahanca ia tekn man Dibata. Tapi Dibata nge situhuna namaken pengangkanta ras kinitekenta nandangi ia.
Pt Em Analgin Ginting
Bujur ras Mejuah juah kita kerina.
Komentar