Thema : Ertoto Guna Kalak si Mpeturah Kiniseran
Nas : Matius 5 : 43 – 48
Nas Renungen
"Nggo pe ietehndu kerna ajaren enda, 'Kelengilah temanndu, janah elem-elemlah man imbang-imbangndu. '
Tapi genduari Kukataken man bandu: Kelengilah imbang-imbangndu, janah ertotolah man Dibata kerna kalak si erbahanca kam ngenanami kiniseran.
Alu bage kam nggo jadi anak-anak Dibata. Sabap labo saja man kalak si mehuli ibereken Dibata MatawariNa, tapi pe man kalak si jahat. Bage pe labo saja man kalak si bujur ibereken Dibata udan, tapi pe man kalak si la bujur.
Sabap adi si ngkelengi kam saja ngenca ikelengindu, man kade Dibata mbalas perbahanenndu e? La kin kalak si muat cuke pe bage ka nge perbahanenna?
Janah kai kin lainna kam ras kalak si deban adi ras temanndu saja ngenca kam siperkuanen? Kalak si la nandai Tuhan pe bage nge perbahanenna.
Emaka kam arus serta bagi Dibatandu pe serta."
Fakta dan Makna
1. Tapi genduari Kukataken man bandu: Kelengilah imbang-imbangndu, janah ertotolah man Dibata kerna kalak si erbahanca kam ngenanami kiniseran.
Mendalam kal situhuna alasanna ras sangat sesuai ras ilmu pengetahuan sigundari uga maka kita harus ngkelengi imbang imbang ta. Tuhan Yesus nge tangtangna si ngataken ibas khotbah di bukit, uga maka harus si kelengilah imbang imbang ta, janah ertoto man Dibata man kalak si erbahanca kam ngenanami kiniserah. Mari si cubaken si urri ada sada persada.
a. Ngekelengi imbang, ise kin imbangta e? Enggo kin ia pasti si erbahanca kita dat kiniseran ? Langa pasti, ue langa pasti. Emaka njadiken kalak imbang situhuna sada konsep si salah ibas kegeluhen ta. Mari sinen, imbang e ise kin situhuna, sekalak si nggas nggasi kita secara psikologis tah si nggas nggasi kita secara teologis ? Adi hanya secara psikologis ia jadi imbangta, berarti kalak si erbahanca kita rate segat. Mesunah pehulisa. Adi imbang si nggas nggasi kita secara teologis e berarti sekalak si memaksa kita ndatkan ajaran si salah. Sekalak si ngajari kita secara teologi si salah, gundari lanai bo lit. Nai lit ajaren ajeren si salah sini ajarken man kalak kristen mula mula. Adi gundari, hanya iblis si ngasup nggasgasi kita secara teologis. Adi iblis cocok, payo harus si lawan, sebab iblis nge imbang situhu tuhu... Adi manusia nge, situhuna njadiken ia imbang pe labo ndekah ndekah. Emaka patut kal sitotoken.
b. Kiniseran, janah kin asalna kiniseran e, kiniseran e erkiteken perbahanen kalak , misalna mpek mpeki kita tah erkiteken kita merespon kejadin e secara keliru ? Adi rende pe kalak segat atendu, adi jerleng kalak kam segat atendu, si salah ia si njerleng, tah erkiteken kam terlalu mudah baperan ? Analisa psikologis ngatakennsa usur kal kita salah menyimpulkan ras merespon perbahanen kalak.
Alu bage dage, sangat logis ras perlu kal kita notoken kalak si segat ateta. Terlebih adi ia senina ta tah sangkep nggeluhta. Setuju kam ?
2. Sabap adi si ngkelengi kam saja ngenca ikelengindu, man kade Dibata mbalas perbahanenndu e? La kin kalak si muat cuke pe bage ka nge perbahanenna?
Ibereken Tuhan Yesus perbandingan si sangat menohok, nina adi kalak si ngkelengi kam saja ngenca i kelengindu, man kade Dibata mbalas perbahanenndu e? La kin kalak si muat cuke pe bage ka nge perbahanenna ? berarti perbahanen ngekelengi kalak si ngkelengi kita, adalah tabiat dunia secara umum, dunia si lit ibas kuasa iblis si jahat. Perbahanen si bage emekap perbahanen orang kebanyakan yang bernilai rendah. Perbahenen si bernilai tinggi emekap ngkelengi, notoken imbang imbangta, “kalak sierbahan kinseraan man banta.”. Budaya karo si tungkat tungkat galuhna, enggo perlu kal si evaluasi alu terang kasih Tuhan Yesus. Amin ?
3. Janah kai kin lainna kam ras kalak si deban adi ras temanndu saja ngenca kam siperkuanen? Kalak si la nandai Tuhan pe bage nge perbahanenna.
“Tole itambahi Tuhan Yesus Kristus nina, kai kin lainna kam ras kalak si deban adi ras temanndu saja ngenca kam siperkuanen? Kalak si la nandai Tuhan pe bage nge perbahenenna.” Nina Tuhan Yesus. Sangat wajar terjadi sekalak teman ngkelengi temanna, termasuk kalak si la nandai Tuhan pe bage nge. Adi temanna keleng nge ate na. Emaka Kalak kristen, kam ras aku isuruh Tuhan lebih asangken si e kerina. Kita sipindo Tuhan, ngkelengi imbang imbangta, sebab Tuhan Yesus sendiri pe bage nge perbahanenna. Kalak Kristen lit bas doni enda, lako mpetandaken Yesus Kristus, emaka tabiat ras karakter Tuhan Yesus lah si jadi usihennta, gelah ibas kita ngkelengi imbangta e, inget kalak Tuhan Yesus. Sitotoken imbang imbangta si erbahan kiniseraan man banta. Logis kal nge e. Amin.
Pengkenaina
1. Tuhan Yesus meminta semua orang yang percaya kepadaNYa untuk mendoakan setiap orang teristimewa setiap orang musuh musuh atau si jadi imbang imbangta. Sebab langa bo jelas ia imbangta, janah adi bage perlu kal si uji mindset ta.
2. Mindset Tuhanta Yesus Kristus eme sipaling tepat bas doni enda. Emaka ia siikutken, ia jadi penentu ibas kerina pemahamennta nandangi doni enda. Janah Tuhan Jesus ka nge si mpegegehi kerina kalak si nggit ngkelengi kalak si deban, ise pe ia. Pindolah gegeh man Tuhan Jesus saja. Amin.
Pt Em Analgin Ginting
Bujur ras Mejuah juah kita kerina.
Komentar