Thema : Untung kap ndalanken kebujuren
Nas : Kuankuanen 20 : 5 – 10
Nas Renungen
Perukuren jelma bali kap ras lau i bas telagah si mbages, tapi kalak si lit perukurenna ngasup njaruksa.
Nterem kalak ngataken ia setia, tapi kalak si tuhu-tuhu setia mesera njumpaisa.
Untung kap anak si erbapaken kalak bujur, dingen si ndalanken perbahanen si bujur.
Tupung raja ngadili, iperiksana kerina, dingen idahna tep-tep kejahaten.
Lit kin kalak si pang ngerana, "Nggo bersih perukurenna, aku nggo bebas i bas dosa nari?"
Timbangen dingen sukat sukat si la bujur, la ngena ate Tuhan
Fakta dan Makna
1. Perukuren jelma bali kap ras lau i bas telagah si mbages, tapi kalak si lit perukurenna ngasup njaruksa.
Kata kata bijak ibas perikop enda perlu si sadari ras siterapken ibas kegeluhenta. Perukuren Jelma bali kap ras lau i bas telaga si mbages. Seh bagesna janah mesera muatsa. Tapi kalak si lit perukurenna ngasup njaruksa. Pusuh hanya bisa didekati alu pusuh. Sora pusuh, isi pusuh, banci sieteh adi si pake pusuhsa.
Njaruk lau ibas telaga simbages, hanya banci ilakoken kalak si lt perukurenna. La sembarangan. Perkuren eme sora pusuh, perukuren beda ras pemikiren. Pemikiren mengutamakan logia, perukuren mengutamaken kekelengen. Emaka memahami perukuren kalak sideban harus alu perukuren ras empati. Mesera kal mbegiken sora pusuh kalak, adi kita sendiri pe labo sibegiken sora pusuhta. Perukuren e me jaruk jaruk ku pusuh kalak sideban.
2. Nterem kalak ngataken ia setia, tapi kalak si tuhu-tuhu setia mesera njumpaisa. Untung kap anak si erbapaken kalak bujur, dingen si ndalanken perbahanen si bujur. Tupung raja ngadili, iperiksana kerina, dingen idahna tep-tep kejahaten.
Enterem kalak singataken ia setia, tapi situhu tuhu setia mesera njumpaisa. Man bana sendiri pe labo ia setia, apalagi man kalak sideban. Sunahen ncakapkensa asangken prekatekna, eme kesetian e. Kesetian labo terlakoken adi labo sieteh kai makna terdalam ibas setia e.
Perik nderapeti setia kal man pasanganna, bage nina ahli ahli ras pengamat. Jarang kal ikataken kalak ganteng setia man pasanganna. Perbapan, pernanden pe melala kal la setia, bagem fakta. Gelah setia, harus lit pengakun man Tuhan bahwa diriku la bo kalak setia, emaka sampati kal Tuhan ninta.
Untung kap anak sierbapaken kalak bujur. Statement enda payo, seh kal payona. Bapa sibujur, anakna ndatken penghargaan. Jadi kalak bujur mesera, harus lit disiplin ras penyangkalan diri gelah banci jadi kalak bujur. Tapi jadi kalak bujur e, bagem sura sura Dibata nandangi kerina anak anakNA. Emaka marilah kita jadi kalak bujur.
Tupung raja ngadili, iidahna kerina perbahanen kalak si lat lat ras la bujur. La nai lit dalan cebuni, emaka bujurlah .
3. Timbangen dingen sukat-sukat si la bujur, la ngena ate TUHAN.
Singat ras jelaskel ayat enda : timbangen dingen sukat sukat si la bujur , la ngena ate Tuhan. Emaka ula pernah memakai timbangen tah sukat sukat si la bujur e. Ibas kerina dampar kegeluhen enda, perdagangen, kollkte ku gereja, biaya biaya nggeluh harus i pertimbangken alu mehuli, janah isukati lah alu sejujurnya. Ula pas ningen adi faktana la pas. Si payo lah kataken. Gelah kerina kita introspeksi diri. Kinilabujuren labo terbuniken, kebujuren pe la kal terbuniken. Emaka la bujur perbahanennta tah pe bujur perbahanennta harus pang kita ngkomunikasikensa. Emaka sukat sukat Tuhan seh pentingna siinget ras sidalanken.
Pengkenaina
1. Melalakal peluang erbahan la bujur bas nggeluh enda. Tapi perbahanen si bujur e pe tetap nge lit. Emaka si pentingna, sieteh min kai kin misita nggeluh, misi sierbahanca nggit kita ndalanken kai pe gelah tersehi misi ta e. Aminna melala kal kinilabujuren, tapi adi enggo jelas misi ta emkap ndalanken kebujuren, sidalankenlah e, kai pe risikona. La terlawan risiko, tapi banci siolah alu ngenen sisi sisi positifna. Amin?
2. Lit kap sada kebenaren bahwa, bicara uga pe serana ndalanken si bujur e, tetap lah dalanken, sebab lit upah kebujuren si la langlang belinna. Kalak bujur, disenangi orang banyak, kalak bujur erbahan bangga kal anak anak ras ndeharana nandangi ia. Emaka bujur lah.
Pt Em Analgin Ginting
Bujur ras Mejuah juah kita kerina.
Komentar