Nehemia 10 : 28 - 31
Thema : Keluarga Saling Menghargai
Nehemia 10 : 28 – 31
Bahasa Karo
Kami bangsa Israel, imam-imam, kalak Lewi, pengawal Rumah Pertoton, pemain musik Rumah Pertoton, si erdahin i bas Rumah Pertoton, ras kerina kalak si deban i ja erdandanken kepatuhenna man Undang-undang Dibata nggo nirangken dirina i bas bangsa-bangsa si deban nari si ringan i bas negeri kami, kami kerina radu ras ndehara kami bage pe kerina anak-anak kami si nggo ngasup ngantusisa, alu enda ersumpah maka kami nggeluh sue ras Undang-undang Dibata si IberekenNa arah Musa suruh-SuruhenNa; kasa kai si iperentahken TUHAN, eme TUHAN kami, ipatuhi kami; kasa kai undang-undang ras PeraturenNa idalanken kami, adi la ilakoken kami si enda kerina, kena sumpah kami.
rikut pe ras peminpin-peminpin kami,
La kami si empon ras bangsa si deban si ringan i bas negeri kami.
Adi lit bangsa si deban si maba gandum ntah barang-barang si deban janah idayakenna atena man kami tupung wari Sabat tah pe tupung wari-wari si badia si deban, la itukur kami. Tep-tep tahun si pepituken la isuani kami taneh kami, janah isasapken kami kerina utang kalak.
Fakta Dan Makna
1. “alu enda ersumpah maka kami nggeluh sue ras Undang-undang Dibata si IberekenNa arah Musa suruh-SuruhenNa; kasa kai si iperentahken TUHAN, eme TUHAN kami, ipatuhi kami; kasa kai undang-undang ras PeraturenNa idalanken kami, adi la ilakoken kami si enda kerina, kena sumpah kami.
Merinding kal aku, jergal bulu kudukku sanga kubaca ayat enda. Enda me sumpah tahpe tekad, tahpe komitmen sungguh sungguhh sibelasken Nehemia, mewakili keluargana bagepe pe mewakili kerina kalak Jahudi. Patuh man Tuhan labo sifatna impulsif (sung-sung), patuh man Tuhan e labo ungkapan kekanak kanaken tahpe ungkapan remaja, cinta monyet. Selanjutna patuh man Tuhan e labo ka upaya setengah setengah ibas geluh sekalak jelma, sada keluarga tah pe sada kelompok persekutuan (sektor PJJ), tahpe sada runggun. Maka aku merinding senina ras turang, sebab adi sipergermetken kai nina Nehemia enda, maka situhuna ipertaruhkenna (ikorbankenna) kerina kebanggaanna gelah banci patuh man Tuhan. Ikut pe je ndeharana, ikut pe je keluargana ras pe sangkep nggeluhna kerina. Banci pe ikataken maka man nehemia lain si lebih penting bas geluh enda seakatanken patuh man Tuhan. Patuh man Tuhan lahir ibas pengenalan si lengkap nandangi Tuhan e, bagepe penggejapen uga belinna keleng ate Tuhan e.
Jujur kal kukataken man banta kerina, kuakap nge selama enda enggo kutandai kal Tuhan e, enggom aku patuh man Tuhan e, tapi kenca kubaca ras kurenungken ayat enda, langa dem 10 % pe aku patuh man Tuhan e adi kubandingken diriku ras Nehemia.
Emaka man kita kerina serayan Tuhan tahpe calon serayan Tuhan, pengurus kategorial, bagepe kerina kita sinandai Tuhan Yesus ras si it sora pusuhna lako ngelai Tuhan mari ula kita tanggung tanggung ngelai Tuhan Yesus ras pe mbereken hormat ta nandangi Bapa i Surga.
2. La kami si empon ras bangsa si deban si ringan i bas negeri kami. Enda me sada pernyataan si terjadi seh asa gundari bas sebagian bangsa Yahudi, bahwa ia la siempon ras suku bangsa sideban gelah la ternodai mindset ras perbahenen na patuh man Tuhan Dibata. Janah sumpah enda ibelasken nehemia, kenca Bangsa Yahudi mengalami perpecahan Utara ras Selatan, ija Yahudi Utara (Samaria) eme si enggo terjadi kawin campur sehingga merawa Dibata nandangi Bangsa enda. Janah enda me sada penyebab Bangsa Yahudi ibuang ku Babel. Nehemia eme sekalak pemimpin si bertumbuh i pembuangan, janah ia me si membangun kembali Yahudi (Yerusalem) gelh mulihi jadi kotabesar Yahudi ras pusat penyembahan telu agam besar seh asa gundari Kristen, Yahudi bagepe Muslim. Sitik tambahen senina ras turang bahwa, orang besar adalah orang yang mampu menerapkan disiplin diri demi sesuatu yang lebih agung. Haleluya Puji Tuhan.
3. Adi lit bangsa si deban si maba gandum ntah barang-barang si deban janah idayakenna atena man kami tupung wari Sabat tah pe tupung wari-wari si badia si deban, la itukur kami. Tep-tep tahun si pepituken la isuani kami taneh kami, janah isasapken kami kerina utang kalak.
Bas bagin sipeteluken enda teridah uga tekad ras sumpah Nehemia nandangi kehidupan ekonomi, termasuk nandangi ekonomi keluarga. Maka nina barang kai pe, tah pe aktivitas ekonomi kai pe adi bas wari sabbat, tah [e bas wari wari sibadia sideban la itukur kami. Jelas ras tegas, bahwa nembah man Dibata jauh jauh jauh lebih penting asangken ncari, asangken kerina akses ras kegiatan ndarai sen. Tuhu tuhu erbahanca aku merinding senina ras turang. Enda me salah sada situhu tuhu perlu kal sipertimbangken senina ras turang terlebih kam si enggo jadi calon serayan ibas sektor pJJ ndu nari. “adi sanga kam la man e, kam idilo Tuhan, enggo me kam siap?” Adi sanga nembah Tuhan e, kam ermiskin na, nggit nge kam ? Cuba ukurindu mbages mbages ? Sebab adi sepakat kam bahwa Patuh man Tuhan lebih utama ibandingken kerina pendahinndu lako encari, ma bagenda me salah sada skenario nggeluh ta e ?
Pengkenaina
• Patuh man Tuhan labo banci idalanken kalak si langa jelas nandai Tuhan. Patuh man Tuhan eme si pentingna kal lebihen asangken kai pe sipentingna.
• Patuh man Tuhan e, labo sumpah tahpe tekad sekalak individu, tapi harus lah raduken kerina ras keluarga. Emaka keluarga sipatuh nam Tuhan adalah keluarga si teratur ras jelas kepemimpinen bas jabu e.
• Ula mbiar kai pe kepentingan bas geluh enda, adi kita patuh man Tuhan. Sebab kai pe siterjadi bas geluhta, labo e sipentingna tapi kepatuhen man Tuhan e nge situhu tuhuna kal. Amin?
Bujur ras mejuah juah kita kerina.
Pt. Analgin Ginting.
Komentar