Thema : Ersada Ukur Ibas Pertoton
Nas : 1 Petrus 3 : 8 - 12
Nas Renungen
1 Petrus 3:8-12 (KARO) Dage kedungenna ersada min ukurndu ras ersada min penggejapenndu. Sikeleng-kelengen min kam bagi ersenina, dingen mesayang janah meteruk min ukurndu sekalak nandangi si debanna.
Ula balas perbahanen si jahat alu si jahat, ntah sumpah alu sumpah. Tapi balaslah alu pasu-pasu, sabap pasu-pasu me si ipadanken Dibata IberekenNa man bandu, asum kam IdiloNa.
Bagi lit tersurat i bas Pustaka Si Badia, "Kalak si mesikel nggeluh cawir metua dingen senang, la banci melasken si jahat, bage pe la banci erbual.
Arus jera ia i bas perbahanen-perbahanen si jahat nari, jenari ibahannalah si mehuli; arus idaramina tuhu-tuhu perdamen alu bulat ukur.
Sabap Tuhan tetap natap kempak kalak bujur, janah tetap IbegikenNa pertotonna; tapi IlawanNa kalak si ndalanken perbahanen si jahat."
Fakta dan Makna
1. Dage kedungenna ersada min ukurndu ras ersada min penggejapenndu. Sikeleng-kelengen min kam bagi ersenina, dingen mesayang janah meteruk min ukurndu sekalak nandangi si debanna.
Kai siajarken Tuhan man manusia pasti baci ilaksanaken tahpe ipraktekken. Mberat pe ndalanken oedah Tuhan e, pasti lit ka nge kalak si sukses ndalankensa. Emaka bicara mesera pe situhuna mpersada ukur ras ersada penggejapen, pasti baci praktekken adi tuhu tuhu mindo penampat Tuhan. Tapi adi gegeh ta saja ngenca sibaba, asa ndigan pe mesera nge, sulit nge. Apa lagi adi ibas ndalankennsa sura sura na kemegahen pribadi. Tapi adi pindo arah pertoton man Tuhan, la mesera, la metahat. Mbenakensa ngenca mesera, selanjutna adi enggo benaken, lebih mudah. Amin senina ras turang ?
2. Bagi lit tersurat i bas Pustaka Si Badia, "Kalak si mesikel nggeluh cawir metua dingen senang, la banci melasken si jahat, bage pe la banci erbual.
Iangkat penulis 1 Petrus enda dua tabiat si erbahanca manusia gagal bermur panjang emekap, melasken si jahat ras erbual. Ternyata berbuat jahat ras melasken si jahat seri ukumenna. Adi siakap rusur perbahanen lebih penting asa perkataan, ternyata bas konteks negatif seri ukumenna. Perbahanen si jahat, melasken kata jahat engg seri kepe. Melasken kata jahat pe, enggo ianggap erbahan jahat. Seri ka ras erbual, ternyata erbelas jahat ras erbual duana anti cawir mertua. Kalak si ndatken cawir metua kepeken erkiteken perkataann na jahat, janah usur erbual. Kalak si jago erbual, bualina pe kalak si deban , akap kalak si tuhu katakenna. Emaka manusia banci jago erbual, buali kalak malem ate kalak banna, tapi meneken nge dungna. Kalak si bage la cawir metua. Kalak si cawir metua, emekap kalak si mbelasken kata jahat ras la pernah ia erbual. Adi bage, gelah pertotonta ku Tuhan banci khusuk sitadingken lebe kebiasaan erbual ras erbelas jahat. Uga akapndu ma terbahan nge ? Pindo gegeh ku Tuhan adi kote kam.
3. Sabap Tuhan tetap natap kempak kalak bujur, janah tetap IbegikenNa pertotonna; tapi IlawanNa kalak si ndalanken perbahanen si jahat."
Upah bujur pasti lit. Upah bujur emekap kemalemen ate. La e ngenca, upah bujur ibegiken TUHAN pertotonna. Tuhan mbegiken pertoton kalak bujur. Lit nge akapndu sinaggel ras masalah adi Tuhan mbegiken pertotonta? Emaka ate Tuhan kalak bujur ras kalak bujur ersada min, gelah erggegehna pertoton e. Kalak bujur bersinergi ras kalak bujur, waooooow em simehulina kal. Jadi adi ipindo Tuhan kita jadi kalak bujur, janah saling notoken ka kita, lit denga nge kebiaren ? tetap ibegikenNA pertoton kalak bujur, ertina lit masa maka kalak bujur e tempat la inget Tuhan, dat hukumen ia, dat kegogon ia erkiteken praktekkenna ia bujur. Tapi situhuna, labo pernah kalak bujur e itadingken Tuhan. Tapi kalak si ndalanken perbahanen si jahat nge si jahat. Emaka, ula akapndu kam kalak bujur adi jahat denga perbahanenndu. Hahahha.
Pengkenaina
1. Kalak bujur rajin ertoto tah kalak rajin ertoto nge jadi bujur ? Apa pe benar nge, tapi si pentingna siingetlah pemere Tuhan nge maka kita jadi kalak bujur, perkuah Tuhan nge maka kita rajin ertoto.
2. Ise temannta erototo ? situhuna, si gejap min salah sada sura sura Tuhan man geluh anak si kelenginNA emekap gelah ia ersada ibas pertoton. Ersada min kalak enda (Joh 17), ersada min ia ibas pertoton (1 Pet 3). Mari dage, sesama kalak bujur, sesama serayan Tuhan, kita harus ersada ibas ertoto. Amin senina ras Turang ?
Komentar