Thema : Nggeluh Ibas Sura Sura Dibata
1 Petrus 1 : 13 – 16
Bahasa Karo
Emaka sikapkenlah ukurndu katawari pe. Metengetlah dingen tuhu-tuhu lah erpengarapen nandangi pasu-pasu si pagin ibereken Dibata man bandu, sanga kerehen Jesus Kristus ku doni enda.
Patuhlah man Dibata, janah ula pelepas geluhndu ibabai sura-surandu si ndekah, e me sura-sura paksa kam langa erpemeteh kerna Dibata.
Tapi badia min kam i bas kerina perbahanenndu, bagi Dibata si ndilo kam pe badia kap.
I bas Pustaka Si Badia ikataken Dibata, "Kam arus badia, sabap Aku pe badia."
Fakta Dan Makna
1. Emaka sikapkenlah ukurndu katawari pe. Metengetlah dingen tuhu-tuhu lah erpengarapen nandangi pasu-pasu si pagin ibereken Dibata man bandu, sanga kerehen Jesus Kristus ku doni enda.
Nggeluh bas doni enda harus sigap, ligat ras banci bergerak cepat. Megermet salah sada kosakata Karo si menam seri ertina ras alert (Inggris). Ertina awas ku sekelewet peduli ras baci mis mengambil keputusan ibas waktu kentisik secara cepat dan tepat. Ibarat tentara ndai harus jadi Pasukan Khusus, kemampuan komando. Ayat enda ngataken, maka ibas situasi si sangat genting ras berlaku sangat cepat, keputusenta tetap fokus ras berharap man pasu pasu Dibata. Luar biasa, emaka sura sura Dibata nandangi kita bas geluhta harus kal kuat tertanam ibas kesadaran ras bawah sadarta. Selaku kalak si enggo ndatken pasu pasu Tuhan, maka seluruh kesadaren ta tertuju man Tuhan Dibata saja.
Dampak positifnya, kalak si bage labo pernah ia erbahan keputusen si fatal kesalahenna. Labo pernah ia nangko, labo pernah ia korupsi, labo pernah menyakiti kalak sideban, labo pernah. Labo pernah ia secara sengaja erbahan dosa si fatal. Bage nda harus si latih dirinta sekalak sekalak.
2. Patuhlah man Dibata, janah ula pelepas geluhndu ibabai sura-surandu si ndekah, e me sura-sura paksa kam langa erpemeteh kerna Dibata.
Kita ipindo gelah patuh man Dibata saja. Uga carana patuh man Dibata emkap alu cara meneken sura sura si ndekah, sura sura daging, nafsu, prilaku hedon, prilaku egosime ras ingin mencari aman sendiri. Enda kerina sura sura kalak si langa nandai Dibata. Harus si tadingken, harus si beneken, lanai lit kebiasaan tahpe tabiat si bage rupa bas dirinta. Sebab kai pe kebutuhenta, kai pe sura surata, kai pe keperlunnta enggo isediaken Tuhan. Kita nggeluh i doni, tapi doni si mehulina ija TuhanDibata si ngkuasai inganta e. Emaka lanai kita mbiar kai pe, lanai kita mbiar la dat bagin, lanai kita mbiar jadi belo la ertangke, sebab kita belo surga si seh kal sempurna. Patuh man Dibata, ertina nggeluh ras Dibata. Nggeluh ras Dibata ertina sura sura nta perpanjangan sura sura Dibata bas dirinta. Amin ?
3. Tapi badia min kam i bas kerina perbahanenndu, bagi Dibata si ndilo kam pe badia kap. I bas Pustaka Si Badia ikataken Dibata, "Kam arus badia, sabap Aku pe badia.”
Enda me situhuna target utama kegeluhennta, nggeluh secara badia ibas kerina perbahanennta; termasuk pe pemikirenta, termasuk pe pengeranata, termasuk pengenehenta harus lah kerina badia. Enda banci silaksanakan adi isi pusuhta, ras isi otakta dem alu keleng ate ras kata Dibata. Mesera tempa. Tapi adi sidalanken sitik sitik tiap wari, tentu kenca setahun, kenca 10 tahun lanai mesera. Perlu kal sibiasaken nggeluh badia sedikit demi sedikit. Mulai dari hal kecil, mulai dari diri sendiri, mulai dari diri sendiri. Amin. Niat untuk nggeluh Badia harus sitanemken alu psotif ras optimis ibas pusuhta.
Pengkenaina
• Kebiasaan ersura sura si mehuli, imulai ibas sikitik nari tapi harus tetap konsisten, ula gampang terpengaruh ras kalak sideban. Sibenaken mis, janah adi enggo sibenaken si pegegehi, ulanai ngadi. Misalna sibenaken alu ercakap/ngerana si memberi semangat, sibenaken lah. Si pindo gegeh man Tuhan Dibata, gelah ia si mpengasup kita. Amin
• La perlu kita mengasingken diri, la perlu kita lawes ertapa gelah ula jumpa ras kalak sideban. Sipentingna ija pa pe kita harus kita megermet, alert, ras metenget kubas sekelewetta. Ula erbahan dosa, sebab awal dosa e situhua keinginan untuk merasa nikmat sendiri. Nikmatta reh ibas Dibata nari, labo bas doni endanari, labo bas si iblis nari. Em perlu sipelajari alu sungguh sungguh gelah kita jadi kalak si mampu berfikir ras mengambil keputusan secara tepat dan cepat sue ras sura surasa Dibata bas geluhta. Amin.
Bujur ras mejuah juah kita kerina.
Pt. Analgin Ginting.
Komentar