Thema : Kekelengen Teridah Arah Perbahanen
Nas : 1 Johanes 3 : 11 -18
Nas Renungen
Mula-mulana nari kin nggo ibegindu berita enda, e me kita arus sikeleng-kelengen.
Ula bagi Kain si jadi anak Iblis, agina pe ibunuhna. Ngkai kin maka ibunuh Kain agina? E me erkiteken kai si ibahan Kain salah, janah kai si ibahan agina, rikutken si ngena ate Dibata.
Jadi ula mamang atendu o senina-senina, adi nembeh ate bangsa doni enda man bandu.
Sieteh kap maka nggo sitadingken kematen janah lawes kita ku kegeluhen; si enda sieteh perbahan keleng ateta seninanta. Kalak si la erkeleng ate, tandana ia tetap denga i teruh kuasa kematen.
Kalak si nembah atena seninana, pemunuh kap. Janah ietehndu maka kalak pemunuh la lit i bas ia kegeluhen si tuhu-tuhu si la erkeri-kerin.
Arah enda me sieteh kekelengen e: Kristus nggo ngendesken GeluhNa man gunanta. Emaka kita pe arus ngendesken geluhta guna seninanta.
Adi lit sekalak bayak idahna seninana kekurangen, tapi la atena mekuah man seninana e, uga banci kalak si bage ngatakenca maka keleng atena Dibata?
Fakta dan Makna
1. Sieteh kap maka nggo sitadingken kematen janah lawes kita ku kegeluhen; si enda sieteh perbahan keleng ateta seninanta. Kalak si la erkeleng ate, tandana ia tetap denga i teruh kuasa kematen.
Kalak si erkeleng ate situhuna banci bage erkiteken ia Tek man Tuhan Jesus, janah idalankenna keleng ate e man senina seninana. Jadi gegeh ras motivasi ngkelengi situhuna kal reh ibas pengertin ras kiniteken man Tuhan Yesus, si Mada Si Nasana. Emaka erkiteken tek ia man Tuhan Yesus, idalankenna keleng ate, jenari lawes me ia ku kegeluhen. Terjeng je ma setuju kam ? Jadi kalak si la erkeleng ate, tahpe keleng ate pekulah kulah, ada udang dibalik rempeyek, tandana ia tetap denga i teruh kuasa kematen. Kalak si bage mbiar katawari pe, sanga medem e pe oa biaren lalap. Hahahha. Tapi kalak si enggo ngkelengi seninana, tek ia man Tuhan Yesus, janah igejapkenna keleng ate Tuhan Yesus, kuja pe lanai ia mbiar, sebab motto na bagi sikataken Paulus, “Hidup adalah Kristus, mati adalah untung”. Runtung akapna ia adi mate ia. Adi kalak si mbiar, mate e masalah besar. Uga kak, mbiar kam mate ?
2. Kalak si nembeh atena seninana, pemunuh kap. Janah ietehndu maka kalak pemunuh la lit i bas ia kegeluhen si tuhu-tuhu si la erkeri-kerin.
Terdauhen ijelasken penulis kitab Yohanes 1 enda nina, kalak si nembeh atena seninana pemunuh kap. Seninana, tapi nembeh atena? Kai kap ndu sebabna senina pe nembeh atena ? Sebab la kin ietehna erti tah makna ersenina e. Senina ertina, emekap kalak si ngekelengi aku, janah kalak si kukelengi ka. Jadi kalak singkelengi aku segat ateku, berarti akapna kap senina na ndai enggo mate ? Emaka ikataken ia pemunuh. Pemunuh secara psikis ras kiniteken, labo pemunuh secara fisik. Tapi dungna, denggo radu mate nge ia secara fisik. Sebab labo lit si banci nggeluh lalap bas doni enda. Ma payo akapndu ? Sekalak pemunuh, labo banci bengket kubas ingan kegeluhen si rasa lalap e, tuhu tuhu ras la erkeri kerin.
3. O anak-anakku, kekelengenta ula terjeng biber saja ntah pe i bas cakap saja ngenca. Arus maka tuhu-tuhu kekelengenta e, si teridah arah perbahanenta.
Kekelengen labo banci idalanken alu pura pura. Pura pura keleng labo lit, janah ula dalankenndu. Sebab banci kam kari sakit paru paru ras sakit rupa rupa. Hahahha. Emaka ula kekelengen e terjeng bibir saja nina penulis kitab Yohanes enda. Sebab “keleng ate apa yang dirasakan oleh orang yang dikelengi, bukan apa yang didengar. Apalagi yang didengarnya itu penuh bumbu penyedap, sehingga rasanya makin hambar. Jadi sipayo, keleng ate harus teridah ibas perbahanen. Adi keleng ate ta ndehara ta, tah pe perbulangenta tentu sikap siban ku ia. Adi ku kede kopi kita, siajak ka ia sekali sekalin, pindo sada kopi susu e, pediat ndeharandu ncelupken roti kosongna ku kopi susundu. Ma meriah ukurna ? Ula kalak ngenca rusur pediatndu numpang celup kubas kopi susundu. Ndeharandu tah perbulangenndu lah suruh. Uga ma payo akapndu ? hahahaha.
Pengkenaina
1. Kerina perbahanen kekelengen berawal lit na pengangkaan nandangi Tuhan Yesus, sebab adi sidarami contoh IA ngenca si sempurna na mpraktekken keleng ate. KesahNA pe asamkenna, labo perban salah dosana, tapi bagi nina Mamre Graha Harapan Bekasi, “perban salahku ras ndeharaku, nge Tuhan maka kam i salibken”. Adi mesera dengan akapndu ngkelengi seninandu, berarti langa bo angkandu kegeluhen enda e. Hahahha.
2. Ngekelengi idah perbahanen na. Sebab keleng ate labo kin cakap saja, tapi sada praktek si banci iidah ras igejapken kalak sideban. Keleng ateku kam nindu man sekalak jelma, ribuan kali, tapi sekali pe langa gejapna, adi bage kam manis dibibir, ia terarap arap. Tuduhkenlah alu perbahanenndu keleng atendu. Amin ?
Pt Em Analgin Ginting
Bujur ras Mejuah juah kita kerina.
Komentar