Minggu Ephiphanias IV/ Dibata Mpetandaken DiriNA
(Rupa Liturgi :
Mbentar)
|
Invocatio
|
Lias ateNa e ngajari
kita nadingken kegeluhen si la ngena Dibata ras sura-sura doni, gelah nggeluh
kita ngkuasai dirinta, bujur dingen si sembah Dibata alu kegeluhenta i doni
enda (Titus 2 : 12)
|
|
Ogen
|
Keluaran 24 : 12 – 18 (Tunggal)
|
|
Khotbah
|
2
Korinti 3 : 1 – 6, 18 (Responsoria)
|
|
Thema
|
Perpulungen
Kap Surat Kristus
|
Khotbah 2 Korinti 3 : 1 – 6, 18
3:1 Ntah
kin enda ertina ibenaken kami ka mujiken diri kami? Perlu
kin kami surat pujin i bas kam nari ntah pe surat pujin si man cidahenken man
bandu bagi piga-piga kalak si deban?
3:2 Kam kap surat kami, si tersurat i bas pusuh kami si banci
ieteh dingen ioge kerina jelma.
3:3 Enggo terang maka kam kap surat Kristus si isuratkenNa
arah pendahin kami. Surat e la itulis alu tinta, tapi alu Kesah Dibata si
nggeluh; la itulis i bas papan batu, tapi i bas pusuh manusia.
3:4 Si enda pang kami ngatakenca i adep-adepen Dibata, sabap
ibelasken kami e erpalasken kiniteken man Kristus.
3:5 Enda
labo ngataken maka lit kengasupen i bas diri kami jine. Tapi pang kami ngataken
si enda erkiteken kengasupen kami si rehna i bas Dibata nari.
3:6 Ia
me si erbahanca kami ngasup jadi si erdahin i bas iketen padan si mbaru e.
Iketen padan si mbaru e biakna labo biak tulisen, tapi biak Kesah kap. Undang-undang si tersurat e maba kematen, tapi Kesah
mereken kegeluhen.
3:18 Janah kita kerina natap dingen pembincarken sinalsal
kemulian Tuhan alu ayo si la itutupi. Kemulian e, si rehna i bas Tuhan nari, e
me Kesah, ngobah kita reh dekahna reh muliana, seh maka kita dungna segambar
ras Tuhan
Sumber Photo : https://calvarygigharbor.com/media/zy52bzz/triumphant-in-christ-2-corinthians-3-1-6
Pembukaan
Syalom mejuah juah kita kerina turang senina,
ras nande bapa kerina. Selamat tahun
baru pe man banta kerina.
Sikataken Bujur man Tuhan Dibata, enggo si
lewati tahun 2022 alu kerina suka duka na, janah simasuki ka me tahun 2023 enda
alu tetap erpengendes man Tuhan Dibata.
Fakta dan Makna
1.
Perlu
kin kami surat pujin i bas kam nari ntah pe surat pujin si man cidahenken man
bandu bagi piga-piga kalak si deban?
Mberatkal tantangan siihadapi Rasul Paulus ibas
ia nulis surat penggembalaan ku Jemaat Korintus. Lit pe piga piga anggota perpulungen e si
meragukan keabsahanna selaku Rasul, bagepa kerna car acara ras metode
pengajaren na. Emaka alu emosi si
berkecamuk, ras tetap mempertahankan kesabaranna ijelasken Paulus ise ia, ras
pe kai situhuna misi utama dirina bas pelayanan. Emaka itekankenna maka kalak siipake Kristus, la
perlu ndatken surat pujin tah pe surat referensi ibas manusia entahpe lembaga siibahan
manusia nari. Itekanken Paulus,
motivasi dasar kerina kalak si mpeseh berita si mehuli e, rehna ibas TUHAN
YESUS nari ngenca.
2.
Kam kap surat kami, si tersurat i bas pusuh kami si banci ieteh
dingen ioge kerina jelma. Emaka
itekanken Paulus, bahwa jemaat Tuhan termasuk Jemaat Korintus e nge surat situhu situhu (bukti) si menegaskan
tujuan penggembalaan/ pengajaran ibas Rasul Paulus nari. Lit na perpulungen Korintus e kap bukti bahwa
Kesah Si Badia ras Kekelengen Tuhan e enggo nyata, enggo teridah ibas pelayanan
Paulus. Jenari maka itegasken Paulus bahwa eksisna (lit na) jemaat Koristus e,
menjadi surat si tertulis ibas pusuh, janah banci ioge dingen ieteh kerina
jelma. Payo kal pernyataan Paulus
enda. “kita si nggeluh gundari pe banci
ngogesa. Sieteh lit nai jemaat I Korintus
erkiteken Paulus” . Enggo terang
maka kam kap surat Kristus si isuratkenNa arah pendahin kami. Surat e la itulis
alu tinta, tapi alu Kesah Dibata si nggeluh; la itulis i bas papan batu, tapi i
bas pusuh manusia
3. Enggo terang maka kam kap surat Kristus si
isuratkenNa arah pendahin kami. Surat e la itulis alu tinta, tapi alu Kesah
Dibata si nggeluh; la itulis i bas papan batu, tapi i bas pusuh manusia . Enda statement abadi si berlaku sepanjang
masa, enda lanai hanya menyangkut jemaat
Koristus. Ija pa pe lit ras turah
perpulungen e, maka perpulungen e kap surat Kristus si isuratken arah pendahin
kalak situtus mberitaken Berita Si Mehuli.
Surat e la itulisken alu tinta, tapi alu Kesah Dibata si nggeluh; la
itulis ibas papan batu tapi ibas pusuh manusia. Emaka la lit perpulungen tah pe gereja si la
turah, adi lit kalak situtus nuansa, sebab Kuasa Dibata ras Kesah Dibata si
mpeturahsa. Janah man kalak situtus si
nggit erdahin e pe labo perlu surat penghargaan, sebab Tuhan Yesus sendiri nge
si mbereken penghargaan man bana. Amin senina ras turang. Emaka adi ikut kam ngelayani I peken anggur
TUHAN, dalankenlah e alu tutus. Ula
mengharap upah bas manusia nari Sebab
enggo isediaken Tuhan Dibata.
4. Janah kita kerina natap dingen
pembincarken sinalsal kemulian Tuhan alu ayo si la itutupi. Kemulian e, si
rehna i bas Tuhan nari, e me Kesah, ngobah kita reh dekahna reh muliana, seh
maka kita dungna segambar ras Tuhan.
Itekanken Paulus pe man kerina kalak, individu per individu si enggo
itetapken Tuhan, bahwa geluhta sipake lako pembincarken sinalsal kemuliaan
Tuhan alu ayo si la itutupi. Emaka, mari
ija pa pe kita,maka ertanggung jawab kal kita mpeseh Berita SI Mehuli e, gelah
turah ka ije perpulungen perpulungen si deban, si kin jadi Surat Kristus si
itulisken alu Kesah Dibata. Ibas kita
majekken perpulungen e, ije kap kita sangana ngikuti/ndalanken sada proses si
ngobah kita gelah reh dekahna reh muliana, gelah kita kerina, kam ras aku, jadi
segambar ras TUHAN. Amin?
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Kesah
Si Badia singajari Paulus, maka kerina keberatan kalak / jemaat iubah menjadi
konsep teologis yang sangat benar. Ipindo
kalak Surat pengakuan kalak si deban ibas ia ngelai I Korintus, tapi ibalas
Paulus alu menggali makna terdalam mengenai surat. Seh maka terbit pengertian bagi thema ta enda
“ Perpulungen Kap Surat
Kristus. Emaka inget lah man kita kerina maka Kesah
Tuhan e Labo pernah nadingken kita adi kita nggit alu tutus mberitaken Berita SI
Meriah e.
2.
Perpulungen
Kap Surat Kristus mengandung 2 makna sekaligus.
a.
Perpulungen
e (menjadi) surat Kristus, mengandung
makna bahwa Kristus Tuhan e ibaca jelma sienterem janah itandai kalak arah perpulungen e. Mari sipehuli kerina sector PJJ ta,
runggunta, klasis ta, moderamen ta gelah menjadi surat Kristus situhu tuhu.
b.
Labo bas kehabaten manusia, labo ban gegeh
serayan, maka perpulungen e pajek ibas doni enda, tapi erkiteken pasu pasu
Tuhan. Tuhan Dibata nge nuratken sa
perpulungen e ibas pusuh. Amin ?
3.
Mari
kita kerina jadi bagian perpulungen .
Kai pe peranta sidalanken alu tutus ras erpengendes ku Tuhan saja. Adi enggo lit pelayanenndu selaku serayan,
pengurus kategorial, panitia, tah kai saja pe termasuk sebagai anggota
perpulungen, mari sidalanken kerina peran peran ta e alu tutus ras sungguh
sungguh. Sebab Dibata sanga nulis arah
kerina pelayananta e. Ermulia Tuhanta.
Amin.
PENUTUP
Mari
sidalanken tugas ras tanggung jawabta
ibas perpulungen alu tutus dem pengendesen
man Tuhan Dibata, bagi kita sangana nulis surat alu Kesah SI Badia. Janah siingetlah bahwa Undang-undang si tersurat e maba kematen, tapi
Kesah mereken kegeluhen
Amin. Bujur Ras mejuah juah kita kerina
Pt Analgin Ginting
Komentar