Kotbah : 2
Petrus 1 : 3 – 10
Tema : Tetap Erteguhna
2 Petrus 1 : 3 – 10
1:3 Dibata
enggo ndilo kita gelah kita dat bagin i bas kemulian ras kiniulinNa. Alu
kuasaNa ras arah penandainta kerna Ia enggo iberekenNa man banta kai keperlunta
guna nggeluh nembah man baNa.
1:4
Arah padan si mbelin dingen meherga si iberekenNa man
banta e, ngasup kam mulahi bandu i bas kerincuhen daging nari, si ncedaken si
lit i doni enda, jenari dat bagin kam i bas kinidibatanna.
1:5 Erkiteken si e usahakenlah maka irakutkenndu ku kinitekenndu kai si mehuli,
tapi aminna gia enggo ibahanndu kai si mehuli, rakutken ka lah ku perbahanen si
mehuli e pemeteh kerna Dibata.
1:6 Adi enggo lit pemetehndu kerna Dibata, arus maka irakutkenndu ku pemetehndu e
penguasan diri; janah adi enggo ngasup kam ngkuasai dirindu, rakutken ka ku je
ate megenggeng. Adi enggo lit i bas kam ate megenggeng, arus irakutkenndu ku
ate megenggeng e ate tutus er-Dibata.
1:7 Tapi aminna gia enggo lit i bas kam ate tutus ngikutken sura-sura Dibata,
rakutken ka lah ku je ate keleng man teman sapih-sapih Kristen; janah adi enggo
lit i bas kam ate keleng nandangi teman-teman sapih-sapih Kristen, arus maka
irakutkenndu ku je ate keleng nandangi kerina manusia.
1:8 Enda me kerina biak-biak si iperlukenndu, janah adi biak-biak enda turah alu
mehumur i bas kam, si e erbahanca maka pemetehndu kerna Tuhanta Jesus Kristus
nggeluh janah erbuah.
1:9 Tapi
kalak si la lit i bas ia biak-biak si bage, pentang kap mata perukurenna; la ia
ngasup ngidahsa, janah enggo ilupakenna maka dosa-dosana si enggo lepas enggo
ibersihken.
1:10 Dage,
o senina-seninangku, usahaken tole gelah pendilo ras pemilihen Dibata nandangi
kam tetap erteguhna. Adi bage perbahanndu, ndigan pe la kam banci ndabuh ku bas
dosa'
Fakta Dan Makna
1. Dibata enggo ndilo kita gelah kita dat bagin i bas
kemulian ras kiniulinNa. Dibata
nge berinisiatif ndilo manusia guna ikelengiNa, gelah dat bagin ibas kemulian
ras kiniulinNA. Emaka labo banci iban
manusia kriteria jelma si idilo Dibata, sebab ukuren Dibata labo banci terukuri
ras ibahan manusia. Dibata ndilo tapi
manusia sierbahan keputusen nggit idilo tah lang. Lit manusia si la terdilo Dibata, sebab la
kin ia nggit. Tapi adi kita kerina
meriah ras sangap kal min siakap man banta nggit Dibata ndilo kita. Amin?
Sumber Photo : https://dailyverses.net/2-peter/1/3
2. Arah padan si mbelin dingen meherga si iberekenNa
man banta e, ngasup kam mulahi bandu i bas kerincuhen daging nari, si ncedaken
si lit i doni enda, jenari dat bagin kam i bas kinidibatanna. Salah sada
si pentingna kal bas kesadaran kita enggo idilo ras ipilih Tuhan janah kita
nggeluh bas doni enda denga emekap gelah lit daya tahanta ibas godaan ras percubaan nggeluh bas kegeluhen. Janah awal kerina ketidak mampuannta emekap
penguasaan diri (penguasaan sura sura dan nafsu). Guna si e enggo ibereken Tuhan kengasupan man
banta untuk mulahi dirinta ibas kerincuhen daging nari.
3. Rakut kiniteken ku perbahanen si mehuli à rakut perbahanen si mehuli ku pemeteh kerna Dibata
à pemeteh
kerna Dibata irakut ku penguasaan dirià penguasaan diri irakut ku ate megenggeng, à ate megenggeng irakut ku tutus er Dibata, à tutus er Dibata I rakut ku engkelengi teman sapih
sapih kalak Kristen à ate keleng nandangi teman sapih sapih kalak
Kristen I rakut ku ate keleng nandangi kerina manusia. Kai pe sinibahan kita ibas doni enda, banci
sipahami/ijelasken alu logika logika sederhana. Termasuk prilaku prilaku nta sehari sehari ibas
kita mprakteken iman ta. Penjelasan
Rasul Petrus perlu kal sipahami gelah sidat kai hubungen na Iman/kiniteken ras ngkelengi teman teman Sapih Sapih Kristen . Tidak serta merta turah kekelengenta nandangi
manusia sideban sekalipun kita enggo erkiniteken man Tuhan. Emaka lit usur telu hal, emekap iman
pengharapan dan kasih. Iman ta e arus si
latih gelah banci turah kekelengenta man kerina kalak sideban. Uga urutenna enggo ijelasken Rasup Petrus alu
sangat sangat luar biasa ibas perikop ta enda.
4. Usahaken tole gelah pendilo ras pemilihen Dibata
nandangi kam tetap erteguhna. Tugas
ta sipentingna kal ibas nggeluh bas doni
enda emekap merespon pendilo ras pemilihen Dibata nandangi kita gelah
erteguhna. Ijenda perlu kal praktek,
praktek sinibahan kita ibas nggeluh tep tep wari gelah pemilihen Dibata e
erteguhna nandangi kita. Adi lit bola
ta, lit sepatu ta, lit jersey/baju bola ta lengkap kerina tapia di labo si
latih I lapangan bola labo kita banci jadi pemain bola. Janah adi latihen bola kita perlu ka kal lit
pelatihta si menguasai Teknik ras filosofi main bola. Emaka gelah pendilo ras pemilihen Dibata
nandangi kita banci erteguhna perlu kal kiita usur latihen. Ug acara latihen ? Aktif ibas pelayanan. Ikut jadi panitia, jadi pengurus kategorial,
jadi tim doa, tim diakonia, tim music, ikut jadi bagian administrasi ras
sidebanna. Emaka adi lit pertua, dikaen tah
pendeta si mindo kam ikut muat bagin, sambutlah e alu meriah ukur. Sebab arah e me banci kita ergegehna makeken
pemilihen Dibata nandangi kita. Amin?
Pengkenaina
·
Adi siukuri mbages mbages, istimewa
kal kerina kalak si idilo ras ipilih Dibata ikut muat bagian ibas Misi Tuhan
ngkelengi doni enda. Adi kita ipilih
Tuhan, pasti enggo isediaken Tuhan kerina keperlun geluhta bas doni enda. Emaka adi sadar kita, tek kita enggo ipilih
Tuhan, kerina kebutuhen geluhta pe enggo isediaken Tuhan. Uga pa pe keadaan, situasi perekonomian Doni
enda, tetap Tuhan si ngaturken kegeluhenta.
·
Meherga min siakap pemilihen Tuhan e
nandangi kita, adi meherga siakap emaka gegehta ras sumber daya ta si lit ibas
kita sipakeken guna mpeteguhi persadaanta ras Tuhan. Kai pe dahin ras tanggung jawab siibereken
Tuhan man bandu, man banta kerina dahiken lah alu tutus. Mari sikuri pedah Tuhan ibas Kolose 3 : 23 (bandingken) kai pe si ibahanndu dahikenlah
tempa tempa guna Dibata, labo untuk manusia. Adi bage sibahan, tentu erteguhna
kita memaknai pendilo Dibata e. Bujur ras mjj kita kerina.
Bujur ras mejuah juah kita kerina. Janah
Pt. Analgin
Ginting
.jpg)
Komentar