Kotbah : Ulangen
7 : 6 - 11
Tema : Iserapken Jadi Si Kerajangen
Tuhan
Ulangen 7 : 6 - 11
7:6 Lakokenlah
e, erkiteken kam kap sikerajangen TUHAN Dibatandu. IpeserapNa kam i bas kerina
bangsa-bangsa i doni enda nari jadi bangsaNa khusus.
7:7
Ikelengi ras ipilih TUHAN kam labo erkiteken teremen kam asang bangsa-bangsa si
deban; kam kap bangsa si kitikna i doni enda.
7:8
Tapi TUHAN ngkelengi kam dingen isehkenNa ateNa padan si ipadankenNa man
nini-ninindu. E me sabapna maka iselamatkenNa kam alu kuasaNa si mbelin, janah
ibebaskenNa kam i bas perbudaken raja Mesir nari.
7:9
Ingetlah, maka TUHAN Dibatandu e ngenca Dibata janah Ia
setia kap. Tetap icikepNa padanNa, janah icidahkenNa kekelengenNa si tetap man
meribu-ribu kalak si ngkelengi Ia ras ngikutken undang-undangNa.
7:10 Tapi la ralang-alang Ia ngukum kalak si ernembeh ate man
baNa.
7:11 E
maka genduari ikutlah kai si enggo iajarken man bandu; ikutken lah kerina
undang-undang si enggo kubereken man bandu wari enda.
.Fakta Dan Makna
1. Lakokenlah e, erkiteken kam kap sikerajangen TUHAN
Dibatandu. IpeserapNa kam i bas kerina bangsa-bangsa i doni enda nari jadi
bangsaNa khusus Kitab Ulangan enda itulis
Musa sangana ia enggo metua janah Bangsa Jahudi nandangi bengket ku Taneh
Perjanjian. Musa sendiri la bengket ku Taneh Perjanjin e, emaka ipindo Tuhan ia
nulisken sekali nari kerina inti sari ajaren ras dasar iman, ras perilaku si harus ilakoken kerina anak anak muda jahudi sinandangi berkat e. Bageme keduduken kitab Ulangan/Deutronomy enda, janah
usurkal isebut sebagai UUD Bangsa Jahudi seh asa gundari. Memang adi si ukuri mbages mbages kerina isi
kitab Ulangan enda seh kal luar biasana, jelas, tegas, nyata kal pedah ras
kekelengen Tuhan e. Lakoken lah e
erkiteken kam kap si kerajangen Tuhan Dibatandu. Sangat jelas ras tajam kal pedah enda. La lit nari tawaran, la lit nari kompromi, la
lit nari keraguan bahwa Pedah ras Undang Undang Tuhan e HARUS Ilakoken erkiteken
guna si e kin ipilih TUHAN. Kam enggo ipeserap
ibas kerina bangsa bangsa si lit bas doni guna ndalanken Undang Undang Tuhan
e. Bangsa Jahudi enggo iserapken, kalak Kristen
enggo iserapken arah peridinna sebagai tandana ia enggo ipilih TUhan jadi
sikerajangen TUHAN. Mon mon la kita
sadar, tah sipelupa lupa banta bahwa kita senina ras turang enggo sikerajengen
TUhan.
sumber photo : https://kimberlinglutheran.com/2014/08/04/deuteronomy-76-9-god-chooses-you/
2. Ingetlah, maka TUHAN Dibatandu e ngenca Dibata
janah Ia setia kap. Tetap icikepNa padanNa, janah icidahkenNa kekelengenNa si
tetap man meribu-ribu kalak si ngkelengi Ia ras ngikutken undang-undangNa. Si Kerajangen TUhan. Ise kin Tuhan e, uga kin sikap
sikap Na. Ijelasken ibas ayat enda bahwa Tuhan si milih ras sinerapken bangsa Jahudi bagepe kam ras aku. TUHAN E SETIA.
Ertina setia la mobah, tidak merubah.
Sekali Tuhan mengatakan Aku mengasihimu anakKu , maka selamanya DIA akan
mengasihi dan Setia mengasihi. Sebab
Tuhan erjanji man diriNA, labo demi manusia atau untuk manusia ia erjanji. Lang.
Ise kin manusia e, maka TUHAN si MADA KUASA erjanji ku manusia e? Emaka iserapken jadi si kerajangen TUHAN mengandung
makna, iserapken gelah ndatken kekelengen TUHAN seh rasa lalap, janah
iikutken TUhan ibas kerina Rencana Tuhan Ibas Ia ngkelengi doni enda. Iserapken Tuhan labo gelah ndatken pasu pasu
NA bas doni enda ngenca, tapi iserapken gelah ras TUHAN rasa lalap seh rasa
lalap. Ioooh tabo na i nina anak anak muda Danau
Toba. Emaka sangap kal min akapndu bandu
senina ras turang iserapken Tuhan kam.
Mari dage siikutken Undang Undang Tuhan ula sekali pe si lupaken. Janah siinget min maka, inti sari kerina
Undang Undang e, Ngkelengi DIbata asa ukurta lit ras pe ngkelengi temanta
manusia bagi kita ngkelengi dirinta jine. Amin ?
3. Tapi la ralang-alang Ia ngukum kalak si ernembeh
ate man baNa. Enda pe harus siinget,
bahwa man kalak si ernembeh ate man baNA, pasti iukumna la ralang alang.
Pasti. Emaka kita si enggo iserapken
Tuhan e, sijaga lah status ta e sedekah kita nggeluh bas doni enda, gelah ula seh ukumen Tuhan e man banta. Janah man
kalak si langa ngeteh perlu kal sipetandaken TUHANTA SI melias e. Melala kalak la sadar, bahwa TUHAN DIBATA nge
singaturken kerina sinasa lit bas doni enda, tapi ernembeh ate ka ia man TUHAN. La inget na taurat, la ingetna ngkelengi
Tuhan ras la ingetna ngkelengi teman na manusia. Tapi Tuhan ta maha pemaaf,
katawari pe kalak reh ku IA tetap ialo aloNa.
Sekalak ibas
dua kalak sinemani Tuhan Jesus I salib , dungna reh ku Tuhan Yesus, janah nina
: Adi enggo kari Kam seh ku surga e, ingetlah aku. Njawab Tuhan Yesus : Kukataken man bandu
gundari pe enggo kita ras I Firdaus. Jadi siidah uga kin situhuna
kal Tuhanta e sada sisi iukumna kalak si ernembeh ate man BANA la ralang alang,
tapi sekaligus IA maha pemaaf. Nandangai
dat hukumen e pe adi reh ku IA pasti imaafkenNA. Tapi manusia labo ietehna ndigan waktuna, emaka
mis lah reh ku TUHAN. Adi terkari kari
kita lalap, banci kari bablas lanai siinget reh ku TUHAN terlalu asyik
menikmati nikmat dunia. Kita ula min bage.
Pengkenaina
·
Ibas awal kerina program pelayanennta
tahun 2023 enda ipeseh man banta sada informasi si sangat sangat sangat penting
bahwa , KITA ENGGO ISERAPKEN TUHAN JADI SI KERAJANGENNA. ISerapken kita gelah
kita ndalanken Undang Undang TUHAN e (Hukum Kasih) segedang gedang
geluhta. Mari siperbarui kesadaranta ras
semangatta guna ngikutken TUHAN arah ndalanken Undang UndangNa. .
·
Harus siterapken disiplin
pribadinta, gelah ulanai kita seri ras doni enda. Adi doni enda pasti ujungna/akhirna ndatken
hukumen si la ralang alang ibas Tuhan nari. Ibas ukumen manusia banci saja kita lewat, tapi
bas ukumen Tuhan la terelakkan, kuja pa
pe kita itunduk TUHAN nge. Emaka si terapkenlah disiplin pribadinta nuduhken sihargai pemilihen Tuhan e nandangi kita. Sebab kesenangen situhu tuhuna kal reh bas
Tuhan nari. Berdisplin kita sada sisi tempa mberat, tapi situhuna kal eme awal
kerina kesenangen nggeluh bas doni enda, bagepe seterusna ras Tuhan Dibata nta
kenca nadingken doni enda. Amin.
Bujur ras mejuah juah kita kerina. Janah
Pt. Analgin
Ginting
.jpg)
Komentar