Kotbah : Kolose
4 : 7 – 18
Tema : Gereja Si Ernanam
Koslose 4 : 7 – 18
4:7 Gelah
ietehndu kuga percibalku, ituriken Tikikus me man bandu kerna aku. Seninanta
Tikikus enda, kalak tutus i bas dahin Tuhan.
4:8 Kusuruh
ia ndahi kam nuriken kerna percibal kami kerina, gelah meriah iakapndu.
4:9 Ikut
pe ras ia seninanta si Erguna. Ia i bas golongenndu nari janah ia kalak tutus.
Kalak enda me nurikenca man bandu kerina si jadi i jenda.
4:10 Seninanta
Aristarkus, temanku i bas penjara, nehken salam man bandu, bage pe Markus,
bebere Barnabas. (Enggo ibegindu berita kerna ia, gelah ia ialo-alondu pagi
asum ia reh.)
4:11 Josua
pe, si igelari Justus, nehken mejuah-juah man bandu. Kalak enda ngenca teluna
kalak Jahudi si enggo tek man Kristus si erdahin ras aku i bas Kinirajan
Dibata. Mbelin kal penampatna man bangku.
4:12 Mejuah-juah
nina Epapras. Ia i bas golongenndu nari janah ia enggo jadi si erdahin i bas
dahin Kristus Jesus. Rusur kam itotokenna man Dibata alu tutus ate. Ipindokenna
man Dibata gelah tetap ukurndu, erpemeteh kam, la monce-once kinitekenndu, bage
pe gelah patuh kam i bas si ngena ate Dibata.
4:13 Kuidah
tutus kal atena erdahin man gunandu bage pe man guna kalak si ringan i Laodikea
ras i Hierapolis.
4:14
Lukas, dokter si ikelengi kita ras Demas nehkenmejuah-juah man bandu.
4:15 Kataken
mejuah-juah i bas kami nari man senina-seninanta si sada kiniteken si ringan i
Laodikea, bage pe man Nimpa ras perpulungen si erbahan kebaktin i rumahna.
4:16 Kenca
iogendu surat enda usahakenlah maka i perpulungen Laodikea pe iogeken. Janah raduken
si e, ogeken pe surat si man perpulungen Laodikea si ikiremkenna pagi man
bandu.
4:17 Janah
kataken man Arkipus, "Usahakenlah ndungisa dahin si ibereken man bandu i
bas ndahiken dahin Tuhan."
4:18 Alu
tanku kusuratken kata pendungi enda: Mejuah-juah i bas aku nari, Paulus. Ola
lupa maka aku sangana i bas penjara! Lias ate Dibata rembak ras kam gelah.
Fakta Dan Makna
1. Paulus nuruh piga piga temanna sepelayanen emekap
Tikikus ras Erguna ku perpulungen Kolose lako nuriken situasi Paulus. Paulus tuhu tuhu kalak si focus, tutus ras
nggit bekerja sama ras kalak situtus ngelai.
Emaka ingetna jemaat Kolose si perlu kal iperteguhi komitmen ras
kinitekenna, jenari ipindona/iarahkenna/isuruhna Tikikus ras erguna reh kuje.
Ope denga seh Tikikus (orang asing man kalak Kolose) ibahan Paulus suratna mpetandakan
kalak enda, gelah la lit keragu raguan jemaat Kolose ngalo ngalosa. Tuhu tuhu cara berfikir si menyeluruh,
detail, tutus, meteruk ukur si dalanken Paulus ibas pelayanenna.
Sumber photo : https://csidecov.com/podcasts/media/2021-06-27-together
2. Isingetken Paulus bas suratna piga piga teman
sideban si nitip salam man perpulungen Kolose.
Secara lebih detail isingetken Paulus piga piga gelar si secara
khusus nampati perpulungen Kolese baik arah perbahanen ras pe ibas toto (Aristarkus,
Josua, Epapras ). Teridah kal man banta,
bahwa dahin dahin pembarken Berita Si Meriah labo dahin sekalak sekalak. Labo dahin
sibanci idalanken la pe bekerja sama ras teman sideban, tapi dahin pembarken
Berita SI Meriah, dahin gereja emekap dahin dahin kolektif, kerja sama tahpe kolaboratif. Emaka man kerina kita, si berfikir denga “aku sibenarna, aku si payona, aku si paling
berpengalama, ataupe cara berfikir "aku labo kueteh e, aku langa lit pengalamanku” enda perlu
kal sitadingken. Sipenting emekap tanggung
jawabta ras ras min siakap kerina dahin dahin pelayanan e ibas runggunta,
sektorta, klasista, tah pe moderamenta.
Ma payo akapndu ?
3. Ibas pendungi suratna, ikatakan Paulus maka ia sangana
ibas penjara ras Aristarkus. Janah semakin teridah Paulus la sisada ibas ia mberitaken Berita SI Meriah e, tapi tuhu tuhu
berkolaborasi. Paulus ibas penjara, sada sisi terbatas kal dahin pelayanan
sibanci dahin kenna. Tapi ternyata adi
bekerja sama, la lit dahin si la terdahi ras terdungi. Emaka ula focus kubas keterbatasan, ula focus
kubas kesulitan tah masalah. Tapi focus lah kubas misi, njadiken gereja siernanam. Adi kita focus gelah gereja
nta ernanam, maka melalakal solusi, jalan keluar, ras peluang sibanci siidah. Jadi ibas Pekan Penatalayanan wari pe 7 ken
enda, ibas kita menaken kerina dahin dahin/program pelayananta ibas tahun 2023 kita iajuk menjadikan Gereja si ernanam si focus kubas solusi ras peluang.
Sitadingken kebiasaan mengangkat masalah ras mendramatisir masalah, tapi sipebue
ngidah ndarami peluang. Gelah arah
pelayananta secara pribadi ras pe persekutuan banci lebih ernanam.
Pengkenaina
·
Nanam. Kai kin nanam. Adi terjemahan
langsungna nanam adalah rasa. Ernanam ertina entabeh, berkesan, erbahanca kita
merhat lalap, janah ersura sura reh denga ku je, adi kin rumah makan ndai. Pengertian sideban ernanam, lit gunana, lit
makna na. Geluh si ernanam, geluh si
bermakna. Gereja si ernanam, gereja si bermakna secara teologis man kegeluhen
kalak si deban, man jelma sienterem.
Perpulungen Kolose nggejapken nanam/makna si sangat mendalam ibas
penggembalaan Rasul Paulus. Sangana ije
ras sangana ndauh Paulus, tetap iperdiatekenna kegeluhen perpulungen Kolose. Sipaling menarik aminna pe Paulus ibas
Penjara tapi komunikasina la peltep ras jemaat Kolose.
·
Kalak siernanam emekap kalak si lanai
ngukuri dirina sendiri, emaka gereja siernaman gereja si enggo melewati tahap
mperdiateken kubas (interen) saja, tapi lebih focus ku darat (ekstern). Lanai “kai programta banta” tapi “kai
programta ngkelengi sekelewetta”. Adi bage salah sada syaratna, kerina serayan
ras jemaatna enggo mempunyai cara berfikir seri ras Paulus ras kerina temanna erdahin ngelayani.
·
Jadilah gereja siernanam, imulai ibas
jadilah pribadi siernanam. Pribadi siernanam
pribadi si enggo ngendesken kerina kegeluhenna terlebih pelayananna man Tuhan
Dibata si mada gereja. Geluhta enggo
ipilih ras iserapken Tuhan sue ras rencanaNa, emaka lanai lit kesangsin kai
pe. Alu bage dorongNa kita nggeluh,
gelah ernanam man jelma sienterem. Amin.
Bujur ras mejuah juah kita kerina. Janah ndesken
Pt. Analgin
Ginting
.jpg)
Komentar