Kotbah : Perb 4
: 32 – 37
Tema : Muat Bagin Ibas
Ngelai
Perb. 4 : 32 – 37
4:32 Kerina
kalak si enggo erkiniteken e ersada ukurna dingen ersada pe penggejapenna. La
lit sekalak pe si ngatakenca maka erta-erta si lit i bas ia, si kerajangenna
sisada; tapi kerina iraskenna.
4:33 Alu
kuasa si mbelin isaksiken rasul-rasul e maka Tuhan Jesus enggo keke i bas si
mate nari. Janah Dibata mereken pasu-pasuNa si mbelin man perpulungen e.
4:34 La lit sekalak pe si kekurangen, sabap kalak si lit taneh ntah rumahna,
idayakenna.
4:35 Janah
duitna iberekenna man rasul-rasul. Jenari ibagiken rasul-rasul man perpulungen
rikutken keperlunna sekalak-sekalak.
4:36 Bage me Jusup si igelari rasul-rasul e Barnabas (ertina anak si nggit nampati),
ia kalak Lewi tubuh i pulau Kiprus.
4:37 Idayakenna tanehna, jenari iberekenna duitna e man
rasul-rasul'
Fakta Dan Makna
1. Kerina kalak si enggo erkiniteken e ersada ukurna
dingen ersada pe penggejapenna. Payo kal
si tulisken Lukas bas ayat enda, bahwa kalak sierkiniteken nge maka nggit
ersada, termasuk ras kalak si la itandaina. Mari cuba siinget ingget para
misionaris nai, engkai maka akapndu nggit ia nadingken kutana, janah berkat ia
ndahi kuta si la pernah tandaina, janah ersada ia ras jelma siijumpaina I daerah
misi na e. Padahal bahasana pe labo
ietehna, adat istiadatna pe asing man ia, janah panganna pe labo pernah
terbayangkenna. Tapi nggit ia ngelai
ije, janah piga piga kalak seh matena pe. Adi la kin erkiteken kinitekenna
nandangi Tuhan ta e, labo mungkin terjadi si e bas geluhna. Emaka kita pe senina ras turang, adi la kin
lit kinitekennta nandangi Jesus Kristus Tuhanta e, labo mungkin nggit kita
ersada ibas ingan pelayanenta. Apakah
kita seroang single fighter atau co worker
(kalak si sada ras kalak si nggit kerja sama) enda erat kal hubungenna
ras kiniteken pribadinta man Tuhanta si melias e. Janah adi ersada penggejapen nta ras temanta,
enda me buah kiniteken si luar biasana. Petrus mbelin mbelin Jerusalem, Paulus
mbelin mbelin i Tarsus ras i perantauan, tapi ersada ia dungna ibas konsep keselamatan
man kalak Non Jahudi, perbahan kinitekenna si seri nandangi Tuhanta Jesus
Kristus.
Sumber photo : https://joyfulword.com.ng/Witnessing-Without-Fear-of-Persecution
2. Alu kuasa si mbelin isaksiken rasul-rasul e maka
Tuhan Jesus enggo keke i bas si mate nari. Janah Dibata mereken pasu-pasuNa si mbelin man
perpulungen e. Lit kepe Kuasa ibas kita njelasken ise kin Tuhan Jesus e,
terlebih ibas kita njelasken kekekenNA ibas si mate nari. Adi pang kam, jelas banndu, janah mengerti dingen
tek kalak ibas kam njelasken Kekeken Tuhan Jesus e, e labo perban kehebatenndu
secara manusia, tapi erkiteken lit kuasa ibas pengerana ndu e. Emaka adi masin
atendu cakapndu, turikenlah kerna kekeken Tuhan Jesus ibas si mate nari. Lit kuasa ije. Kuasa si reh bas Tuhan nari. Adi aku
kugejapkal bahwa bas gelar Jesus Kristus e saja pe lit kuasa. Belasken gelar Jesus Kristus alu dem
pengendesen man Tuhan, maka lit kuasa ije. Aku usur ku kebun sawit I tengah
kerangen ah erdahin. Usurkal aku
itempatken nginap ibas kamar si sada , mon mon kubegi ka kamar inganku e
angker. Kai kubahan, ope medem e ertoto
aku Tuhan Jesus, kawali aku ibas aku medem I kamar si enda denga aku medem je
Tuhan ningku. Medak erpagi pagi, la lit
nipin kai pe, janah segar kal. Nggejap
aku, Kuasa Tuhan Jesus sinemani aku nderbi nai.
Ada kuasa di dalam kebangkitan Jesus Kristus Tuhan kita. Amin ?
3. Idayakenna tanehna, jenari iberekenna duitna e man
rasul-rasul'ta enda. Ibas pola pikir kalak si erkomitmen ngelai, lit sada si
jelas bahwa : Tiada yang lebih berharga dalam hidup ini selain kesempatan
melayani Tuhan. Emaka lanai lit si merga
ibas ia. Ibas perikop ta ndai pe jelas
bageme sigejapken Jusuf si igelari Barnabas, idayakenna tanehna, jenari sen na
iberekenna man rasul rasul. Lebih penting
kin akapna pelayanenna asangken erta erta e.
Paulus pe dungna bage penggejapenna, emaka nina man aku kerina sinai
kuanggap paling berharga gundari sampah kerina.
Tole nina ka, kugejapken Nggeluh enda Kristus adi enggo mate untung
kal. Emaka kita pe kerina, mari si
review pengalaman geluhta, siajari banta, erlajar kita gelah sada paksa pagi
penggejapenta pe banci seri ras Paulus janah ninta alu dem ketulusan ras
keyakinan, man aku nggeluh eme Kristus ras untung kal akua di enggo she masa ku
bas doni enda. Amin turang senina ?
Pengkenaina
·
Ngelai ningen e, uga akapndu ?
Masalah waktu, masalan kiniliten, masalah talenta/kapabilitas tah masalah kininggiten
? Sebab melala kal kalak Kristen lang ia ikut secara konsisten ibas ngelai deba
erkiteken la lit waktuku nina. Deba ka, erkiteken la lit sen ku/ tah pe la lit
kinilitenku nina ka, Lit ka sideban la
lit kebeluhenku tahpe talenta ku nina ka. Janah lit ka sideban ue, ikut aku
nina, tapi kentisik ngenca jenari enggo ka nimpet lampu semangatna. Adi bas penggejapenndu apai ngenda si
mekelekna si jadi alasan bas kam, entahpe alasan teman teman sindiher ras kam ?
·
La lit alasen Tuhan milih kam, milih
aku, milih kita kerina selain keleng ate.
Keleng ate Tuhan nge maka kam, aku, kita kerina ipilih ras ipasu pasu
Tuhan. Adi bage ma kita pe labo perlu ndarami alasan ibas kita ikut muat bagin
ngelai e? Tuhan ngeteh sikugapana pe
kita, emaka ketulusan ras ketutusen ngenca sipindo Tuhan bas kita nari. Ndarami ras pilih ingandu ngelai, jenari elai
lah Tuhan ta e asa ukurndu lit. Tuhan simpengasup ras simasu masu kita. Amin.
Bujur ras mejuah juah kita kerina. Janah
Pt. Analgin
Ginting
.jpg)
Komentar