Kotbah : 1
Johanes 5 : 6 - 12
Tema : Gereja Si Ersaksi
1 Johanes 5 : 6 - 12
6. Jesus Kristus me si nggo reh ku doni enda. Ia reh
alu lau lakon PeridinNa ras dareh KematenNa. Ia reh labo alu lau saja tapi alu
lau ras dareh. Janah Kesah e jine naksiken maka si enda tuhu me, sabap Kesah e
kebenaren kap.
7. Dage
lit telu saksi:
8. Kesah,
lau ras dareh; janah teluna sada kesaksinna.
9. Tek kita nandangi kesaksin manusia; tapi ndauh gegehen kesaksin
si ibereken Dibata. Janah enda kesaksin si nggo ibereken Dibata kerna AnakNa.
10. Emaka kalak
si tek Anak Dibata, nggo lit kesaksin enda i bas dirina jine. Tapi kalak si la tek Dibata, nggo ibahanna Dibata e
perbual, sabap la ia tek kai si nggo isaksiken Dibata kerna AnakNa.
11. Enda me kesaksin e: Dibata nggo mereken man banta
kegeluhen si tuhu-tuhu si la erkeri-kerin, janah AnakNa e me sumbul kegeluhen
e.
12. Kalak
si lit i bas ia Anak e, i bas ia lit kegeluhen e; kalak si la lit i bas ia Anak
Dibata e, la lit i bas ia kegeluhen
.Fakta Dan Makna
1. Jesus Kristus me si nggo reh ku doni enda. Ia reh
alu lau lakon PeridinNa ras dareh KematenNa. Ia reh labo alu lau saja tapi alu
lau ras dareh. Janah Kesah e jine naksiken maka si enda tuhu me, sabap Kesah e
kebenaren kap. Mbages kal penjelasan
Rasul Yohanes, penulis kitab enda ibas ia nerangken uga peristiwa empirik
kerehen TUhan Jesus ku doni enda. Ia reh
alu lau peridinNA ras dareh KemantenNA.
Ijelasken Yohanes maka Jesus Reh labo alu lau saja, tapi pe alu dareh
ibas kematenNA. Jesus mate I kayu salib,
janah mbincar darehNa sanga sekalak prajurit nebak Ia alu tombak, piga piga menit
kenca iendeskenNa kesahNa man Bapa I Surga
( labo perban ia itombak maka mate, tapi Ia sendiri jine ngendesken kesahNa man
BapaNA). Janah lit kerina saksina ibas pertubuh,
pergeluh ras kematen Jesus Kristus Tuhan.
Saksi si la mungkin bohong, ras saksi si ngidah ras ngeteh kerina (seluruh)
pengalaman Jesus Kristus Tuhanta e,
emekap Kesah SI Badia. Jadi
Jesus Kristus Tuhan si jadi manusia e terekam ibas sejarah kegeluhen enda,
menandakan maka IA tuhu tuhu manusia ras sekaligus tuhu tuhu TUhan. Janah sada nari si pentingna kal, kerehen
Jesus Kristus I doni enda harus ipebetehken ku kerina jelma, gelah kegeluhen
kerina jelma I doni enda, erjilena, ras pe terpahami arti ras makna
kegeluhen tiap jelma e. Kegeluhen
manusia I doni enda sia sia kap adi la lit sangkut pautna ras Jesus
Kristus. Jelma si nuriken kerna Jesus Kristus
e, igelari saksi. Kerina jelma si
naksiken Tuhan Jesus e eme gereja.
Sumber Photo : http://livingforeternityministry.blogspot.com/2011/06/sermon-outline-1-john-55-12.html
2. Tek kita nandangi kesaksin manusia; tapi ndauh
gegehen kesaksin si ibereken Dibata. Janah enda kesaksin si nggo ibereken
Dibata kerna AnakNa. Emaka kalak si tek Anak Dibata, nggo lit
kesaksin enda i bas dirina jine. Manusia
e enggo erdosa, uga ka maka banci ia jadi saksi si la erdosa ? Tentu si la
erdosa nge tuhu tuhu banci jadi saksi si la erdosa. Analogina Labo banci nurung jadi saksi
manusia, labo banci mawas jadi saksi harimau. Kerna sienda pe enggo ijelasken
Rasul Yohanes enda, tek kita nandangi kesaksin manusia, tapi ndauh gegehen
kesaksian si ibereken Dibata. Adi bage
banci kin manusia e jadi saksi Anak Dibata.
Tangkas ijawab Yohanes nina “ Kalak Si Tek Anak Dibata, enggo lit kesaksin enda ibas dirina jine”. Adi atendu
jadi saksi Kristus (ANAK DIBATA) kam sendiri enggo leben tek. Saksi erbelas gelah kalak sideban tek, uga banci manusia ersaksi adi la ia tek
? Emaka perlu kal kita kerina pribadi
lepas pribadi mpertebal kinitekenta nandangi Jesus Kristus Tuhan, jenari maka si
saksiken IA ku kerina jelma. Ibas
gereja mula mula, enterem kalak itutung nggeluh nggeluh mpertahanken kesaksinna
nandang Tuhan Jesus si perkeleng e. Em
sebab na, menghadapi kemateen ibas ia itutung, rende ia muji Dibata amin na pe nandangi peltep kesahna.
3. Enda me kesaksin e:
Dibata nggo mereken man banta kegeluhen si tuhu-tuhu si la erkeri-kerin, janah
AnakNa e me sumbul kegeluhen e. kai dage isi
kesaksiinta kerna Anak Dibata ? Eme
Dibata nggo mereken man banta kegeluhen si tuhu tuhu si la erkeri kerin, janah
AnakNa e me sumbul kegeluhen e. Jaminan
kerna kegeluhen si la erkeri kerin e, banci sidat erkiteken Jesus Kristus enggo
mate nggantiken manusia (kita) perban dosa dosa manusia e. Upah dosa emekap kematen, kerina kalak
sierdosa harus mate, tapi kematen manusia si erdosa e enggo itebus ibas kematen
TUhan Jesus janah darehNA pe mbincar. Tapi
ibas wari si peteluken enggo keke Jesus ibas si mate nari, janah dosa kematen e
enggo ikalahkan.
4. Kalak si lit
i bas ia Anak e, i bas ia lit kegeluhen e; kalak si la lit i bas ia Anak Dibata
e, la lit i bas ia kegeluhen si ersaksi. Enda
me pernyataan paling teologis, paling penting, janah enda me pegangen ras
keyakinan utama kerina kalak Kristen bahwa… Kalak SI Lit ibas ia Anak e, ibas ia
lit kegeluhen e; kalak si la lit ibas ia Anak Dibata e, la lit ibas ia
kegeluhen si ersaksi. Mari
si evaluasi e dirinta sekalak sekalak, enggo me lit ibas kita Anak e ? Adi lit bas kita Anak e, meriah kal siakap
naksiken IA. Sebab bas kita enggo lit
kegeluhen (si la erkeri kerin) e, kai pe lanai lit kebiarenta bas doni enda.
Erpedas na reh Jesus epedua kaliken ermeriahna ukurta. Tapi kalak si la lit bas ia ANAK E, labo
datsa kegeluhen e. Mekuah ateta, emaka
perlu kal sipebetehken man kalak sib age, isekin Tuhan Jesus e, gelah ia pe dat
kegeluhen e. Mari si saksiken dage Jesus
Kristus Tuhanta, Anak Dibata si Tonggal e. Amin.
Pengkenaina
·
Tujun paling utama Gereja e Ersaksi,
gelah isaksikenna kerna Anak Dibata e, gelah kerina jelma tek ku Anak
Dibata. Bas kalak si lit bas ia Anak
Dibata e, lit kegeluheh e. Bas kalak si la lit bas
ia Anak Dibata , labo lit bas ia kegeluhen e. Mekuah kal ateta, emaka mari ras
ras kita si saksiken Anak Dibata e.
·
Gereja e labo gedungna tapi jelmana
si tek ras erkemalangan man Dibata.
Gereja si tek man Anak Dibata, maka bas dirina lit kegeluhen janah adi
Ia ersaksi Dibata singajari sa. Emaka mari
si peseh kesaksinnta man kerina jelma, khususna pe kade kadenta kerina.
·
Kalak si tek man Anak Dibata maka bas
ia enggo lit kesaksian e, adi lit kalak si mekisat ersaksi em tandana bas ia langa
lit Anak Dibata tah pe Jesus Kristus Tuhanta. Amin.
Bujur ras mejuah juah kita kerina. Janah
Pt. Analgin
Ginting
Komentar