Kotbah : 1
Johanes 1 : 5 – 7
Tema : Gereja Si Ersada
1 Johanes 1 : 5 – 7
1;5 Enda me berita si nggo ibegi kami i bas AnakNa e
nari janah ipeseh kami man bandu: Dibata terang kap janah la lit sitik pe si
gelap i bas Ia.
1:6 Dage, adi ninta ersada kita ras Ia, tapi nggeluh kita i
bas gelap, erbual kap kita i bas kata ras perbahanenta.
1:7 Tapi
adi nggeluh kita i bas terang bali e ras Ia nggeluh i bas terang; lit
persadanta sapih-sapih kita janah kematen Jesus, AnakNa e mbersihken kita i bas
kerina dosa nari..
Sumber photo : https://www.teacherspayteachers.com/Product/Graphics-79-copyright-free-scripture-graphics-from-1-John-5011912
Fakta Dan Makna
1.
Dibata terang kap janah la lit sitik
pe si gelap i bas Ia.
Dibata ta eme
terang situhu tuhu, Ia me sumber kerina terang ibas alam semesta enda, banci
kai pe jadi terang, bintang, matawari, bulan ras kerina benda benda langit
erkiteken Ia me sumber terang e. Kegelapen si pekat na, kelbung simbages ras
sigelapna kal pe banci jadi terang, adi Reh Dibata ku je. Pusuh si gelap na ras si melketna pe banci
jadi terang mulihi, adi siempuna pussuh e nggit mindo terang Dibata. Gereja si lit ibas ingan si ndauhna pe, ibas
ingan si kotorna pe, ibas sampah si erginunggun pe banci jadi terang adi lit
presbyter maba terang ku je. Emaka la
lit gelap, si la banci I terangi Tuhan Dibata, tapi gelap tetap gelap adi
tulakna terang si bas Tuhan Dibata nari.
Bas diri Tuhan, la lit gelap sitik pe, sada titik pe la lit gelap ibas
IA, emaka adi lit si gelap ibas kita marilah si terangi alu terang si bas Tuhan
nari e.
2.
Dage, adi ninta ersada kita ras Ia,
tapi nggeluh kita i bas gelap, erbual kap kita i bas kata ras perbahanenta. Emaka kerina kalak si ersada
ras Tuhan la banci lang ikut terang, terlebih kalak si ersada ras TUhan alu
ukur keteruk, dem pengendesen, nggit I terangi TUhan e. Hanya perlu kal siinget bahwa Tuhan Dibata nta
e lemah lembut kal Ia, janah ihargaina kal manusia tinepana e. La Ia nggit maksa manusia e, tapi iberekenNa
keputusen man man manusia e nggit iterangi tah lang. Iberena kemampuan memilih ras kehendak bebas
bas kerina manusia selaku tinepa tertinggi ibas kerina is enggo tinepa
Tuhan. Jadi lit ka manusia ipakena kecerdikenna,
janah nina “Ersada nge aku ras Tuhan, tapi nggeluh ia bas gelap, kalak sib age perbual
ibas kata ras perbahanen. Bual berarti
Motu. Sebab erbual ia, bualina ka atena
Tuhan e. Jange terbualina ? Jange banci taluken gelap terang. Em sebab na kalak sib age, perbual dingen
motu. Jenari akapna ka ia si jagona… Emaka ula perbual, ula motu. Tangkas kata, tangkas ukur, tangkas
perbahanen. Adi ersada kita ras Tuhan,
lanai lit sitik pe si gelap bas dirinta.
TRANSPARAN kerina, teridah kerina.
3.
Tapi adi nggeluh kita i bas terang
bali e ras Ia nggeluh i bas terang; lit persadanta sapih-sapih kita janah
kematen Jesus, AnakNa e mbersihken kita i bas kerina dosa nari. Adi nggeluh
kita ibas terang, ertina bali kita ras TUHAN ta si nggeluh bas terang. Lit
kiniersadaan si sangat enteguh antara kita ras Tuhan e. Ersada kita arah kematen Jesus Kristus anakNA
si tonggal si mbersihekn kita ibas dos anta nari. Manusia perdosa enggo gelap, gelap la banci
ersada ras terang. Tapi dareh Kristus Tuhanta e si mbersihken kerina kegelapen
si lit bas manusia, makai a enggo ikut jadi terang. Terang adalah kiniersadaan. Nandangi temanta pe bage, adi lit ateta segat
nandangi temanta, berarti lit dengan kegelapan yang tersembunyi. Adi bage kiniersadannta pe langa megegeh.
Banci sada paksa bubar. Kita raduken
kerina teman teman ta bersekutu maka jadilah gereja. Emaka gereja si ersada harus lit bas terang,
gelah kiniersadaan e banci megegeh.
Antara setiap serayan ras jemaatna bersih dingen terang krina pusuhna alu
mindo meteruk ukur gelah ia iterangi Tuhan.
Setiap kali kita ertoto bagi pertoton siajarken Tuhan, terang
pusuhta. Tapi melala ka situasi ras
pengalaman bas doni enda sierbahanca reh ka gelap ah ndai. Emaka tetap la erngadi ngadi kita mbelasken
pertoton Tuhan e gelah iterangi NA lalap dirinta. Jadilah terang, jadilah gereja si ersada.
Ersadalah kita kerina.
Pengkenaina
·
Kiniersadaan sumberna adalah
terang. Transparansi menimbulkan
kepercayaan (trust) jenari muncul lah kiniersadaan tah pe kolaborasi. Emaka kalak sin gena ate kalak sideban
bekerjasama berkolaborasi ras ia emekap kalak si melala terang ibas pusuhna,
janah ia transparan ibas kerina. La ia tertutup,
la ia bersekongkol. Sebab kinersadaan bas gereja, kiniersadaan si ipindo Tuhan
nge. Emaka mari siajari dirinta gelah
nggit transparan, nggit terang jenari meriah akap ise pe ersada ras kita. Amin
?
·
Ibas Tahun enda lit tanggung jawab ta
kerina gelah kerina kita melayani arah gerejanta. Eme thema tahun pelayanennta ibas tahun 2023
enda. Nggit kita ngelayani Tuhan arah
talenta si enggo berekenNa, tentu perlebe nggit kita iterangi gelah jadi
terang. Mari kita selaku serayan, si
dorong si fasilitasi, si sampati jemaat ta e gelah terang ia, gelah ersada kita
ndahiken dahin pelayanen e. Kemuliaan
labo man manusia, tapi man Tuhan saja. Amin.
Bujur ras mejuah juah kita kerina.
Pt. Analgin
Ginting
.jpg)
Komentar