Refleksi Pada Acara Penyematan Tanda Emeritus

GBKP Rgn Graha Harapan, Minggu 29 Januari 2023

Syalom mejuah juah kita kerina.

Sikataken Bujur man Tuhan Dibata ibas Yesus Kristus anakNa, si jadi kepala Gereja.

Sikuhamati Moderamen GBKP siiwakili Klasis Bekasi Denpasar, Ketua Klasis Pdt Irwanta Sembiring, Pdt Erlikasna Br Purba, ras pe Pt Ferdinang Ginting, Bendahara Klasis Bekasi Denpasar.

Sikuhamati BPMR GBKP Graha Harapan, Pendeta Br Purba  ras kerina teman serayan ras keluarga, pengurus kategorial runggun, bagepe sector , pengurus PJj si lima sector, ras pe jemaat kerina.

Si kukelengi nora nande Sarah, ras anak anakku kerina,

Bagepe kerina jemaat Graha Harapan si lima sector sada pe la erndobahen Syalom, mejuah juah ras salam damai  man banta kerina.

Sada kesangapen simbelin secara teologis igejapken kami tuhu tuhu seh kubas pusuh peraten kami ibas kerina rangkaian acara ta ibas minggu si berkesan dan sungguh sangat bersejarah man kami duana ras Diaken Simon  Ginting.  

Sumber Photo : Dokumen Pribadi Edu Munthe

Emaka ibas kesempatan enda ateku mpseh piga piga hal si turah ibas perenungen ku ras penggejapenku.

1.     Menjadi serayan Tuhan, jadi pertua ras diaken (pendeta) tuhu tuhu ibas pilihen ras pendilo Tuhan.  Melalakal pengalaman pengalaman spiritual si inanami kami kidekah jadi serayan, mulai tangtangna terpilih jadi Pertua bas bulan September 2002 seh gundari enggo jadi emeritus.

2.     Menjadi serayan,  secara jujur kal situhuna latih, entah pe LKM  (latih, keri, meling).  Tapi bage gia, ilengkapi Tuhan sada huruf nari D, damai.   Lit ka usur damai.  Janah jujur kami erbelas, si latihna kal kita jadi serayan e, emekap ibas sitoganen secara emosional.  Adi sitoganen secara rasional labo latih sa.  Tapi enda me idah kami sada hal si terjadi denga ibas kinata kegeluhenta … usuren kal kita sitoganon secara emosional.  Sierbahansa pengertian teman e pe, si terjemahken alu la pas.  Tapi dungna, ibereken Tuhan kita damai.  Damai, adi terlebih nggit kita meteruk ukur, ras mpeturah keleng ate ta nandangi teman temanta serayan ras pe kerina jemaat ta.

3.     Kerina kebutuhen geluhta (saat ini, saat nanti, baik kebutuhan ibas 4 dimensi kegeluhen enda) ilengkapi Tuhan ibas paksana (indah pada waktunya).  Empat  dimensi kegeluhenta :  Fisik, Sosial, Mental/Pengetahun  ras Spiritual  kerina ibereken TUHAN.  Emaka[A1]  man kerina serayan ras pengurus kategorial I GBKP Graha Harapan enda, bagepe I belang belang GBKP enda  ula mbiar jadi serayan, ula tanggungi gegehndu jadi serayan, nomor sadakenlah Tuhan maka kam pe tetap ipelihara NA sue ras kerina kebutuhenndu.

4.     Erkiteken Mbelin kal pemere TUhan man kami selama melayani IA,  sebagai salah sada contoh, kami me pagi icatat sejarah GBKP sebagai anggota Moderamen si terpilih ras tetap berdomisili I Pulau Jawa, emaka ibas penggejapen kami, labo perlu nari sialoken bentuk bentuk hadiah ras penghargaan sideban, terutama adi ibas ngelitken hadiah e erpala pala kal jemaat ta  tah pe runggunta. ( Emaka kai si enggo isediaken runggun ateku ipersembahken kami mulihi ku runggun).

Bersama Guru Guru KAKR Graha Harapan. Sumber photo dok pribadi Edu Munthe

5.     Selama dua puluh tahun kami melayani langabo kami serta, langabo kami mampu, langabo kami metunggung ngelai Tuhan ibas gerejaNA.  Emaka perlu kal akap kami kita terus erlajar, berlatih, menambah wawasan ta, bagepe pengalaman pengalaman spiritual ta.  Gereja emekap organisasi Surga si lit bas doni enda.  Emaka ibas penggejapen kami 80 persen program pelyananta lebih bersifat/bernuansa spiritual janah sisana 20 persen organisasional (bagenda me siipahami kami).  Gereja ibas penggejapen kami HARUS lebih mengedepankan KASIH SAYANG daripada ATURAN, UNDANG UNDANG , TATA GEREJA. Perlu nge kerina, tapi Gereja tetap lebih menonjol Kasih Sayang tah pe kekelengen e asangkan pendekatan pendekatan sideban.  Igejap kami pe, maka melala denga kita serayan e, masih mementingken (memprioritasken) sumber daya ta ku dahin sideban asangken dahin dahin pelayanenta

6.     Tersungkun ukur kami, engkai makai bas ibadah penyemataan tanda emeritus enda dua na kami rasa abang kami Diakenta Simon  Ginting. Kepeken lit piga piga pengalaman kami si duana kami ras ras ije.

a.     Sangana anak anakta KAKR mbarenda erkebaktian I Kali Malang, reh kalak si erjanggut ras celanana la seh kuteruh ndai nggangusa.  Mis kami reh kuje, janah sitangtangna seh ije kami duana, emaka dungna reh ka piga piga serayan sideban.

b.     Kami dunana pernah bertukar posisi ibas kepengurusan BPMR  i Runggunta. Pak Ginting jadi Kabid Koinonia ras aku Wakil Sekretaris, ertukar kami  Pak Ginting Jadi Wakil Sekretaris janah aku Kabid Koinonia sekaligus Seksi KAKR.

c.      Radu ka kami iganti kari ibas Sidang Majels Runggun tanggal 5 Februari 2023 enda

7.     Emaka ibas kesempatan enda ikataken kami mbue bujur.

a.     Bujur melala kal man bandu kerina, khususna BPMR si enggo ngaturken acara ibadah ta sekalenda, raduken pe kerina serayan TUHAN termasuk kaka kami Diaken Emeritus  R br Tarigan

b.     Bujur man BP Klasis Bekasi Denpasar, Bujur man bandu duana pendeta kami, luar biasa Liturgis ras sikhotbah duana Ketua Klasis ras Sekretari Klasis ras pe simbacaken SK Bendahara Klasis, senina kami Pt Ferdinand Ginting Manik.

c.      Bujur teman teman pengurus kategorial baik runggun bagepe sector,

d.     Bujur man  guru guru sekolah minggu, temanku ngajari anak anak ta,

e.     Bujur man Sektor PJJ MGT2, ras kerina sector PJJ sideban.

f.       Bujur man kerina jemaat, kam si biak abang kami senior kami, bagepe man kerina senina, impal ras turang kami kerina.

g.     Bujur man bandu bandu kerina sada pe la erdobahen. 

h.     Bujur man kekelengenku Nora Emeritus Nande Sarah, ras teluna anak anakku Sarah, James, Keenan. 

i.       Sekaligus aku pe mindo maaf, mindo maaf man bandu kerina ibas pusuh nari  Sebab melala kala atendu (pernah)  segat nandangi aku, erkiteken aku pe  kadang kadang lanai rasional, terlalu emosional. Nai aku ketua OSIS I Sekolah ta ARUMBA Kabanjahe, adi teman teman ku la kuidah semangat baris berbaris merawa aku, Janah pernah aku tangis si sada sebab teman teman sekolah e, kurang tutus kuidah, merawa aku jenari  tadingkenna aku. 

Senina ras turang sebagai catatan penutup,  :  Sempurna kal pengalaman geluhta adi ras Tuhan.  Tuhan ngenca singasup erkuasa simbabai kita ras simbere kesempaten pengalaman geluh si sempurna na kal man banta. Emaka mari erlumba lumba kita ikut muat bagin ngelai I Peken Anggur TUHAN  si seh kal jilena e. 

Bujur ras mejuah juah kita kerina.

Pt Em Analgin Ginting.   

---

 [A1]a