Keluaran 34 : 21 – 28
Thema : Nehi Padan Kerna Persembahen Kerja Rani
Keluaran 34 : 21 – 28
Enem wari ibereken kesempaten man bandu guna ndahiken dahinndu, tapi ula erdahin i bas wari si pepituken, aminna gia paksa si e paksa nenggala ntah rani.
Pestakenlah Kerja Rani tupung kam menaken peranin buah pagendu si pemena, janah pestakenlah Wari Raya Sapo-sapo i bas pendungi tahun, tupung iperanindu buah kayundu.
Telu kali setahun kerina si dilaki la banci la reh ersembah man bangKu, TUHANndu, Dibata Israel.
Kenca nggo Kupelawes bangsa-bangsa si i lebe-lebendu, janah Kupebelang daerahndu, ise pe la nggit ncubakenca erperang ras kam tupung wari raya si telu e.
Ula persembahken roti si tama ragi tupung ipersembahkenndu asuh-asuhen man bangKu. Ula tadingken sitik pe seh erpagi-pagi asuh-asuhen si igeleh asum Wari Raya Paskah e.
Tep-tep tahun babalah ku Rumah TUHAN buah gandum si pemena iperanindu. Ula tanggerken anak biri-biri ntah pe kambing alu susu indungna."
Musa ringan i das deleng e ras TUHAN empat puluh wari empat puluh berngi dekahna. La ipanna kai pe, la ia minem. Isuratkenna i bas papan batu e kata-kata perpadanen e, eme Sepuluh Pedah Dibata.
Fakta Dan Makna
1. Enem wari ibereken kesempaten man ban du guna ndahiken dahinndu, tapi ula erdahin i bas wari si pepituken, aminna gia paksa si e paksa nenggala ntah rani.
Jelas sekali dan gampang dimengerti pesan Tuhan kepada Bangsa Israil yang diterjemahkan, ditulis dan disampaikan oleh Musa. Musa mempunyai kedudukan yang sangat istimewa dihadapan Tuhan, mereka bisa bertemu muka ke muka. Enem wari banci erdahin tapi bas wari sipepituken ula erdahin, aminna pe sangat mendesak dahin e. Aminna gia paksa e paksa nenggala tah rani. Arah Firman enda siidah maka lit peran Dibata si sangat nyata ibas kerina pendahin kalak Israil, bageka pe ku kita kerina kalak Kristen tah kalak si enggo ipilih jadi anak anak Dibata. Ulanai si togan, ula nai si simbak ras si pertanyaken bahwa, aturen lit erdahin ras ngataken bujur man Tuhan. Enda me filosofi erdahin, enda me prinsip erdahi man kalak kristen. Erdahin 6 wari pekesahken sada wari bas wari pepituken. Si praktekken lah. Ula bas wari si pepituken e pe kita erdahin ka, nadingken Tuhan.
Sitik lit perenungen, uga maka sada minggu 7 wari ngenca, uga maka la ban 8 wari tah 10 wari sada minggu. Tapi 7 wari ngenca ? Ise kinsi tangtangna kal erbahan kalender tah wari wari bas doni enda ? Patut kita ngataken bujur man bana, emaka enggo jelas ras baci teratur kerina pendahinta tah pe kegeluhen ta. Lit kemungkinen bahwa si pertama kal erbahan kalender e, suruh suruhen Dibata, gelah arah kalender sinisusunna e, ermulia Dibata. Amin ?
2. Pestakenlah Kerja Rani tupung kam menaken peranin buah pagendu si pemena, janah pestakenlah Wari Raya Sapo-sapo i bas pendungi tahun, tupung iperanindu buah kayundu.
Tegas kal dua pesta siberkaitan ras pertanian kalak Jahudi. Emekap Pesta Kerja Rani ras Wari Raya Sapo-sapo. Janah duana enda gagasan ras pedah Tuhan DIbata simada kerina juma, tah simada kerina pendahin si lit bas doni enda. Pesanna singkat, HARUS I PESTAKEN, tah pe harus idalanken. Pesta Kerja rani, tupung menaken peranin buah page, Wari Rayo Sapo sapo ibas pendungi tahun tupun perani buah kayu. Kalak Israel ndalanken si enda seh asa gundari. Jadi tidak salah, pertanian Israel nomor 1 di dunia seh asa gundari. Teknologi pertanian Israel si paling maju bas doni enda. Buah buahan Israel mendominasi buah buahan di Eropah. Janah Israel membantu pertanian Ethiopia menjadi nomor 10 terbesar di dunia, bagepe Thailand sebagai pertanian paling maju di Asia Tenggara.
Ketaatan man Tuhan ibas ndalanken Kerja Rani ras Wari Raya sapo sapo mbabai kalak enda ndatken pasu pasu Tuhan.
Kerina kita si taat ibas mpestaken Kerj Rani bas gerejanta pe tek kita dat pasu pasu bas Tuhan nari. Sebab teridah ije kinihamaten ras ketaaten man Tuhan. Emaka Tuhan si ersimulih man kerina kita si taat ibas nehken persembahen Kerja Rani ta, sebagai bentuk kita ndalanken pesta Kerja Rani. Emaka ula sitahan tahan, ula si pelaun pelaun, kerina janji ta lako nehken persembahen kerja rani ta si bereken lah secepatna.
Adi kami i GBKP Graha Harapan, satu bulan ngenca waktu sindekahna nge-lunasi persembahan kerja rani.
3. Kedungenna nina TUHAN man Musa, "Suratkenlah kerina kata-kata enda, sabap erpalasken si e Aku erbahan perpadanen ras kam bage pe ras bangsa Israel."
Kedungenna nina Tuhan man Musa, suratkenlah kerina kata kata enda, sabab erpalasken si e Aku erbahan perpadanen ras kam bagepe ras Bangsa Israel. Perpadanen ras Tuhan emekapa perpadanen si mbaba keselamatan ras kemenangan man bangsa Israel bagepe kerina kalak si tek man IA. Adi erpadan Tuhan man kita, sebab kita pe ngikuti erbahan kerja rani, maka kita pe, kam ras aku ndatken padan Tuhan ta e. IberekenNA kerina keleng ateNA man kita kerina. Wah luar biasa. Amin ?
Pengkenaina
• Sitaati gelah erbahan ibadah Kerja Rani, sebab pedah Tuhan kal kap e. Erpedah Tuhan man Bangsa pilihenNA arah nabi Musa, janah pedah e pe seh man banta arah kekristenenta. Emaka kita pe wajib erbahan ras ngikuti kerja Rani. Kerina adangen si enggo sijanjiken si lunasi tandana kita ermeriah ukur ikut bas ibadah kerja rani e. Amin ?
• Perpadanen Tuhan seh ku kerina kalak si erkomitmen ndalanken Kerja Rani, sebab bage ikataken Tuhan man Musa. Emaka adi kam ras aku ikut ndalanken Kerja Rani arah komitmen ta lako mbereken persembahan kerja rani ta, maka kita pe ndatken perpadanen Tuhan. Buah perpadanen ras Tuhan emekap ibereken Tuhan keleng ate ras pasu pasuNA man banta kerina. Tuhan la pernah ngelupaken ras nadingken perpadanenna ras bangsa pilihenNA. Amin?
Bujur ras mejuah juah kita kerina.
Pt. Analgin Ginting.
Komentar