Titus 3 : 8b - 11
Thema : Tutus I Bas Si Mehuli Dingen Erguna
Titus 3 : 8b – 11
Kata enda tuhu kap. Ateku min gelah igegehindu ngajarken kerna si enda, gelah kalak si nggo tek man Dibata tutus ndahiken dahin si mehuli, si metunggung dingen erguna man manusia.
Silahkenlah ranan sijabapen si sia-sia, kerna terombo nini-nini nai, ula rubat, dingen ula sijabapen kerna Undang-undang. Enda kerina si lang-lang dingen la lit gunana.
Kalak si erbahan perpecahen i bas perpulungen ajarken ula kurang dua kali jenari sirangi ia.
Ietehndu maka kalak si bage jahat kap. Dosa-dosana nuduhkenca maka ia ersalah
Fakta Dan Makna
1. Kata enda tuhu kap. Ateku min gelah igegehindu ngajarken kerna si enda, gelah kalak si nggo tek man Dibata tutus ndahiken dahin si mehuli, si metunggung dingen erguna man manusia.
Surat Titus enda merupakan surat penggembalaan Rasul Paulus man sekalak anak muda si enggo memutuskan untuk mengikut Yesus Kristus Tuhan. Emaka tujuan Paulus gelah Titus tetap erdeherna ras Tuhan Yesus alu ngajarken si payo man jemaat siilayani na. Ipegegehi Rasul Paulus Titus alu pengjaran pengajaren si praktis, sederhana ras gampang guna ipahami.
Nina Paulus, kerina kalak si nggo tek man Dibata tutus ndahiken dahin si mehuli, dahin si metunggung dingen erguna man manusia.
Dahin si mehuli, emkap dahin si tujuanna lako ngehamati Tuhan Dibata ras ngkelengi manusia. Dua kriteria enda harus sejalan ia gelah ula nai lit perdebatan ras merasa diri enggo ndalanken dalan engkelengi. Engkelengi kalak si deban harus sejalan ras nghamati Tuhan Dibata. Sebab adi engkelengi saja, labo lit standard na emaka harus sejalan ia ras mehamat man Tuhan Dibata.
Contoh
Adi kebereken ban sen gelah tersampati kam, aku enggo banci engkelengi kam. Tapi adi sen si kubereken e hasil nangko, berarti la mehamat man Tuhan. Emaka adi ateku mbere sen man bandu, harus kututusi erdahin gelah lit senku mbere man bandu. Em sinimaksudken Paulus Dahin si mehuli. Terjeng je, ma setuju kam ?
2. Silahkenlah ranan sijabapen si sia-sia, kerna terombo nini-nini nai, ula rubat, dingen ula sijabapen kerna Undang-undang. Enda kerina si lang-lang dingen la lit gunana.
Waktu nggeluh bas doni enda, kenitisik kal ngenca situhuna. Emaka iba s waktu si kentisik e, sipilih lah gelah sipayo gelah lebih efisien ras lebih efektif kita nggeluh. Nina Paulus gelah lebih efektif waktu Titus, harus silahken nanan sijabapen (debat) si sia sia. Kerna terombo nini nini si nai, labo perlu iperdebatken; si jabapen kerna Undang Undang pe labo lit gunana. Emak lit istilah debat kusir… Kusir sanga ia ngetem nimai sewa, debat ia je, tarum tarum nimai sewa. Bage reh sewa mis nge ngadi debat ndai. Kai kesimpulen ras pembelajarenna ? Lalit. Emaka igelari Debat Kusir. Kerina si e sia sia ras buang buang waktu nge Titus, nina Paulus. Si lang lang dingen la lit gunana. Engkawil ma lit nge gunana ? Hahahaha.
Masing masing kita situhuna perlukal, labo Titus saja untuk nadingken / nilahken ranan si jabapen si sia sia. Tapi mon mon adi la sijabapen, la ka meriah bual kede kopi e. Hahahha.
3. Kalak si erbahan perpecahen i bas perpulungen ajarken ula kurang dua kali jenari sirangi ia. Ietehndu maka kalak si bage jahat kap. Dosa-dosana nuduhkenca maka ia ersalah.
Khusus man kalak tah pe kelompok kalak si erbahan perpecahen, tegas Paulus man Titus nina … Kalak Si erbahan perpecahen bas perpulungen ula kurangi dua kali ngajarken ia. Jenari sirangi ia. Si rangi / pedarat kalak si erbahan perpecahen dingen enggo iajarken lebih dua kali. Mantap kal kata Paulus enda. Saja, kai nge alasenna maka sirangken ia? Nina Paulus sebab kalak sierbahan perpecahen e, kalak jahat kap. Dosa dosana nuduhkensa maka ia ersalah. Emaka senggo jelas. Sura sura erbahan perpecahen sura sura sijahat. Lebih baik sirangi ia. Bagendam nina Paulus ngajarken Titus gelah perpulungen ula pecah.
Pengkenaina
• Pengajaran Paulus sangat relevan ibas paksa sigundari bahwa kita kerina harus memfokus kan aktivitas ta erbahan si mehuli ras sierguna. Melalakal aktivitas tah kegiatan siitawarken man banta kerina, emaka ibas waktu si lit e, harus kita pang ras mampu untuk memilih kegiatan si mehuli ras erguna. Pilihlah kegiatan kegiatan si mehuli ras erguna e. Ndai arah datas enggo isingetken kami guna kita ndalanken si mehuli e, emkap lit dua kriteriana... Berdasarken Kekelengen nandangi jelma sienterem ras sekaligus nuduhken kehamaten man Tuhan Dibata. Eme dahin dahin si mehuli ras erguna .
• Waktu ta nggeluh bas doni enda sangat terbatas, kerina kita ersura sura erbahan si mehuli, tapi tempa la lit waktuta. Terlebih adi langa kin si fokuskan erbahan si mehuli, emaka mesere kal siakap muat waktu. Adi lit dua pilihen, ndahiken dahin pelayanan ras erdahin bas pendahin. Adi harus ipilihndu salah sada apai nge pilih ndu ? Tadigken pelayanan gelah banci erdahin ? Atau Tadingken pendahin gelah banci ikut melayani ? Siapai pilihndu ? Enda perlu kal iukuri mbages mbages, adi la siukuri mesera pagi lalap siakap erbahan pilihen / keputusen. Bujur.
Bujur ras mejuah juah kita kerina.
Pt. Analgin Ginting.
.jpg)
Komentar