Ulangan 31 : 7,8 dan 34 : 9
Thema : Ngasup Ngaloken Pilihen Tuhan
Ulangan 31 : 7, 8
Kenca bage idilo Musa si Josua nina man bana i lebe-lebe bangsa Israel, "Tetapkenlah ukurndu janah tek lah; kam me si mabai bangsa enda guna ndatken negeri si ipadanken TUHAN man nini-ninina.
TUHAN kap si mabai kam ras si nemani kam. La kam juru IbahanNa la kam ItadingkenNa. Emaka ula bene ukurndu, ula mbiar."
Ulangan 34 : 9
Josua anak Nun dem alu kepentaren, erkiteken nggo itetapken Musa ia jadi gancihna dingen nangkuhken ia alu namaken tanna ku babo takalna. Kalak Israel ngikutken ia janah icikep bangsa Israel perentah-perentah si nggo ibereken TUHAN man bangsa e arah Musa.
Fakta Dan Makna
1. Kenca bage idilo Musa si Josua nina man bana i lebe-lebe bangsa Israel, "Tetapkenlah ukurndu janah tek lah; kam me si mabai bangsa enda guna ndatken negeri si ipadanken TUHAN man nini-ninina.
Musa sebagai pemimpin mempunyai sada kualitas si sangat berbeda. Ia mampu menyelesaikan kerina tantangan sinihadapina ibas mbaba Bangsa Yahudi i Mesir nari seh kubas sada ingan si seh kal enggo ndeher na, ku taneh perjanjian e. Musa la ipilih Tuhan seh ku taneh perjanjian, tapi enda ialokenna alu meriah ukur dem kerendahan hati. Ingetna tugas na nikapken penggantina. Kepeken Josua ipilih Tuhan lako nggantiken Musa. Musa selaku senior, selaku pendahulu tetap alu setia ngikuti petunjuk Tuhan lako milih Josua ras mpetetap ukurna. Emaka Nina Musa man Josua, tetapkenlah ukurndu tek kal, kam si mabai bangsa enda guna ndatken negeri siipadanken Tuhan man nini ninina.
Sitik pe la morah ate Musa erbelas bagenda man Josua, sebab perayaken Musa lanai perayaken si bersifat duniawi. Enda pe ncidahken maka Musa nandai ras tek man Tuhan Dibata lebih asangken pemimpin pemimpin biasa.
Bas sada paksa, ipindo Tuhan Musa nangkih ku deleng Nebo jumpa ras Tuhan. Jenari ngadi sejarah kerna Musa. Musa mate i ampun Dibata.
Pemimpin mempersiapkan pemimpin, pemimpin besar mempersiapkan pemimpin yang lebih besar dari dirinya sendiri. Kelak sepak terjang Josua pe menam setara ras Musa ibas ia mimpin Bangsa Israel. Musa pemimpin di dua tempat, Mesir dan Padang Gurun. Josua pemimpin di 3 tempat, Mesir (ingan tubuh Josua), Padang Gurun ras Tanah perjanjian.
2. TUHAN kap si mabai kam ras si nemani kam. La kam juru IbahanNa la kam ItadingkenNa. Emaka ula bene ukurndu, ula mbiar."
Tuhan kap si mabai kam ras si nemani kam. Nina Musa man Josua i lebe lebe enterem jelma. Kai siikataken Musa e, labo hanya kata kata sastra, labo hanya kata kata pemberi semangat. Tapi kai siikataken Musa, emekap kai si enggo igejapkenna. La kosong kata kata e, tapi penuh isi ras kesaksin.
Adi nindu, Tuhan si mpepalem kam man sekalak teman, kam enggo nggejapken kam rusur kal ipepalem Tuhan. Jadi kata kata e lit isina, lit buktina. Enda me siikateken Musa man Josua. Kerina kita la perlu melala ngerana, tapi kai pe si belasken kita enggolit buktina.
Janah siisdah selanjutna , kenca Musa mate, maka Josua tuhu tuhu ibabai ras ikawali Tuhan seh ia mate ka.
Bahanlah geluhta tuhu tuhu ibabai Tuhan. Pindo ku Tuhan langsung. Janah tuhu tuhu ubah mindset ta bahwa geluhta tuhu tuhu ibabai Tuhan.
3. Josua anak Nun dem alu kepentaren, erkiteken nggo itetapken Musa ia jadi gancihna dingen nangkuhken ia alu namaken tanna ku babo takalna. Kalak Israel ngikutken ia janah icikep bangsa Israel perentah-perentah si nggo ibereken TUHAN man bangsa e arah Musa.
Terbukti kal ibas kegeluhen Josua bahwa jadi kerina kai siikateken Musa. Janah jadi bage erkiteken enggo itetapken Musa ia jadi gancihna alu namaken tanna ku babo takalna. Musa representasi kehadiran DIBATA, jadi jadi bage labo ban kehebatan Musa, tapi kekelengen Tuhan e nge sierbahanca.
Perlu sitiru, sekalak bapa namaken tanna ku babo anak anakna, gelah pasu pasu si enggo dat bapa bas Tuhan nari, maler ka ku kerina anak anakna. Manusia / bapa mempersiapkan masa depan anakna, tapi peraten Tuhan nge si jadi bas diri anak anakta e. Amn ?
Pengkenaina
• Lit nge lalap pergantian bas kegeluhen enda. Pergantian pemimpin pe pasti lit nge lalap. Emaka ula morah ate adi kita, kam ras aku, iganti ibas sada tanggung jawab kepemimpinan nari, uga hebatna pe, uga beluhna pe kam ibas mimpin e sada paksa iganti nge. Persiapken penggantindu, pindao Tuhan masu masu ia, janah pasu pasu lah ia sebagai penggantindu.
• Harus lah lit keteruken ukur ras lapang dada ngaloken rencana Tuhan ibas penggantian pemimpin e. Harus siterima TUHAN lebih MENGETAHUI ras Lebih MENGUASAI kai pe ibas kegeluhen enda, ibas gereja, ras ibas kerina ingan pelayanan. Ula ermorah ate, terlebih ula menolak rencana Dibata ibas penggantian kepemilihen e. Mindo man Tuhan, gelah ngasup kita kerina ngaloken hasil pemilihen TUHAN. Adi lanai kam pemimpin bas ingan A, lit kemungkinen kam ipilih Tuhan ibas ingan si B , si C ras ingan ingan sideban. Emka tetap lah meteruk rukur ibas menghadapi hasil pemilihen e. Amin.
Bujur ras mejuah juah kita kerina.
Pt. Analgin Ginting.
Komentar