Thema : Bersih Dingen La Erpandangen
2 Petrus 3 : 9 – 14
Bahasa Karo
Tuhan la kap melet ngelakoken kai si nggo IpadankenNa, bagi lit kalak si erpengakap bage. Tapi saber ia nandangi kam, sabap la AteNa sekalak pe ikernepken, tapi gelah kerina min jera i bas dosa-dosana nari.
Tapi wari kerehen Tuhan bali ras kerehen sekalak penangko. I bas wari e lesap me langit alu sora si erlenggur janah barang-barang si i langit meseng dingen ikernepken, janah doni ras kerina isina lesap me.
Adi si enda kerina bagenda me jadina, kuga nge arusna kegeluhenndu? Kam arus nggeluh bagi si ngena ate Tuhan, janah erpengendes man Dibata,
sanga itimaindu Wari Dibata janah ngusahakenca gelah reh pedasna Ia reh. I bas Wari e langit keri meseng, janah erkiteken lasna barang-barang si i langit jadi melebur.
Tapi kita nimai kai si nggo ipadnken Dibata eme langit si mbaru ras doni si mbaru; i je me inganna keadilen.
Erkiteken si e, o teman-temanku si kukelengi, i bas kam nimai Wari e, pala-palail gelah kam bersih dingen la erpandangen i lebe-lebe Dibata janah nggeluh alu dame ras Ia.
Fakta Dan Makna
1. Tuhan la kap melet ngelakoken kai si nggo IpadankenNa, bagi lit kalak si erpengakap bage. Tapi saber ia nandangi kam, sabap la AteNa sekalak pe ikernepken, tapi gelah kerina min jera i bas dosa-dosana nari. Tuhan la melet, Ia bergerak cepat , terutama ibas ia ngelakoken kai si enggo ipadankenNa. Tapi perlu si nen terdauhen, seberapa cepat, tah uga perpedasna Tuhan? Jawabna secepat keleng ateNa, sebab satu satunya pertimbangen Tuhan emekap uga gelah padan Na e idatken manusia makna tah pe pasu pasu simaksimal na kal. Luar biasa kal keleng ate Tuhanta, janah IA pe saber nandangi kalak si la peduli, kalak si jago akapna bana, kalak si mengandalken pemeteh ras kinibayaken Doni si datca alu pemetehna. La ate Tuhan ngkernepken kalak si bage. Emaka kecepaten Tuhan ibas Ia ngelakoken padanNA = kesabaran, kekelengen ras kebijaksanaan Tuhanta. Termasuk sabar kal IA nimai kalak si nggit bertobat mulai ndahi IA. Haleluya, Puji Tuhan.
2. Tapi wari kerehen Tuhan bali ras kerehen sekalak penangko. I bas wari e lesap me langit alu sora si erlenggur janah barang-barang si i langit meseng dingen ikernepken, janah doni ras kerina isina lesap me. Fakta sipeduaken ibas perikop ta enda emekap, kerehen Tuhan bali ras sekalak penangko. Penangko la lit warningna, la isteh katawari ia reh. Adi sieteh ma enggo kita beluh erjaga jaga, janah adi sieteh jam piga penangko e reh, pasti enggo sisikapken gudam gudam ras palu palu. (adi nai siapken nini nininta eltep ras sekin. hahahahha). Point na la sieteh katawari rehna Tuhan ta e. Emaka perlu kal kita bersiap siap. Mulai gundari nari sipersiapken lah dirinta gelah katawari pe reh Tuhan, sialo alo alu dem ketedehen ras pengharapan. Uga carana mpersiapken diri ? E selanjutna sibahas, tapi simaknai lebe kai arti kerehen Tuhan. Ibas wari rehna Tuhan ta e, lesap me langit alu sora erlenggur janah kerina barang barang si ilangit meseng dingen kernep, janah doni ras kerina isina lesap me. Kita pe ikut lesap ? Ikut lesap adi lakin kita nimai nimai Tuhan e alu bentuk si ipadankenNA man kita kerina. Tapi adi sidalanken padanNA, kita kerina, kam ras aku iangkatNa ku ingan sibadiana Kal alu kuasa ras kelengenNA. Bagi ilustrasi ibas Film Independence day. Ma enggo tonton ndu ?
3. Adi si enda kerina bagenda me jadina, kuga nge arusna kegeluhenndu? Kam arus nggeluh bagi si ngena ate Tuhan, janah erpengendes man Dibata,sanga itimaindu Wari Dibata janah ngusahakenca gelah reh pedasna Ia reh. I bas Wari e langit keri meseng, janah erkiteken lasna barang-barang si i langit jadi melebur. Uga cara nima nimai Tuhan ghelah la kita ilesapken? Jawab na , kita arus nggeluh bagi si ngena ate Tuhan, janah setiap saat erpengendes ma IA. Kita si enggo nggeluh sue ras padan Tuhanta e, bahkan sebalikna kurang pedas pe siakap kerehenNA. Sebab kalak si nggeluh sue ras padan Tuhan, metedeh kal ateNa nandangi Tuhan e. Bahkan usurkal ndabuh iluhna adi ingetna kerina keleng ate Tuhan e. Kalak si nggeluh sue ras pedah Tuhan, turah sada penggejapen ibas pusuhna bahwa ia kai pe lang, ibabo doni enda. Emaka turah usur sura sura na ngkelengi kalak sideban, termasuk musuh musuhna pe kerina. La pe isusurh ras ipindo erbahan si mehuli atena lalap. Saber ia, mejingkat ia, la ia ndarami kinihagaan, sebab iukurina kal bahwa kai pe kerina sampah sampah nge iadep adepen Tuhan. Emaka nggeluh dengan pe ia, hanya gelah banci lit waktuna ngerespon kerina pasu pasu Tuhan si enggo datna segedang geluhna. Kam gia ma bagenge penggejapenndu ari ?
4. Erkiteken si e, o teman-temanku si kukelengi, i bas kam nimai Wari e, pala-palail gelah kam bersih dingen la erpandangen i lebe-lebe Dibata janah nggeluh alu dame ras Ia. Kesimpulenna nina Rasul Petrus, ibas kita nimai wari kerehen Tuhan e, sipala palai kal nggeluh versih dingen la erpandangen ilebe lebe Tuhan, janah nggeluh alu dame ras Tuhan Jesus, si Raja dame e. Nggeluh la erpandangen ertina, kerina motivasi ras perbahanennta sada ngenca tujuanna ngkelengi Tuhan alu ngkelengi kerina temanta manusia. Kai pe si lit bas pusuhta, tah pe sura sura ta emekap nuduhken keleng ate, lanai ngukuri diri sendiri. Keri pe kerina la masalah si penting banci nuduhken keleng ate man Tuhan. Meseraaaaaaa nindu bas pusuh ndu. Payo kal mesera. Tapi gendang na dua ngenca teman : lesap ras meseng kerina, tah iangkap Dibata atau ipekeke Dibata (man kalak si enggo leben nadingken doni enda) . Ukuri lah. Sebaba ibas pendungi PJJ ta tahun 2023 enda, sekaligus nimai natal sibengketi minggu adven, minggu kita rukur nandangi geluhta, iadep adepen Tuhan Jesus Kristus. Amin ?
Pengkenaina
• Kerehen Tuhan Jesus sipedua kaliken pasti jadi. Pasti tuhu bage. Janah ibas kerehenNa e, kerina pagi lesap meseng janah kernep kerina. Sebab Kuasa Tuhan icidahken ibas kerehenNa e. Tek ras la tek kam, e pasti jadi. Emaka nina Petrus, tek lah kita gelah ula kita ikut kernep. Amin ?
• Katawari Tuhan reh ? Enggo jelas kal ia reh bagi penangko. Ertina sada pe la lit singetehsa. Emaka perlu kal kita bersiap siap ibas nimai kerehen Tuhanta e. Carana emekap nggeluh lah bagi singena ateNA, ibas kai pe la erpandangen. Ibas kai pe la erpandangen ninge e, ertina nggeluh alu keleng ate. Si kelengi lah kerina kalak ise pe ia, terlebih keluarganta tah pe teman sada rarasenta, sada kiniteken kita ras ia. Janah kata kunci na emekap nggeluh lah alu lanai mementingkan egoisme diri sendiri. Nggeluh jadi kesangapen man kalak sideban. Amin ?
Bujur ras mejuah juah kita kerina.
Pt. Analgin Ginting.
Komentar