Hari 5
Kotbah : Nehemia 2
: 11 – 18
Tema : Muat Bagin ndahiken
Si Mehuli
Nehemia 2 : 11 – 18
2:11
Kuterusken perdalanenku ku Jerusalem, janah telu wari dekahna
2:12
la kuturiken man ise pe sura-sura si enggo ipeturah Dibata i bas pusuhku guna
Jerusalem. Tengah berngi keke aku jenari lawes ndarat
ras piga-piga kalak teman. La lit asuh-asuhen ibaba kami seakatan kelede si
kuersak.
2:13
Berngi gelap denga asum aku nadingken kuta arah Gerbang Baluren si arah Barat.
Jenari lawes aku ku Selatan mentasi Ulu Lau Naga, terus ku Gerbang Sampah.
Sanga erdalan, kupepayo tembok-tembok kuta si enggo runtuh ras pintu-pintu
gerbangna si enggo ceda ipan api.
2:14
Kenca bage lawes aku ku Gerbang Ulu Lau ras Kolam Raja. Tapi kelede si kuersak
e la lit dalanna mentas arah tembok si enggo runtuh e.
2:15
E maka ngincuah aku ku Baluren Kidron, janah i jenari me kupepayo tembok e.
Kenca bage mulihken aku arah dalanku ndai ka, jenari bengket ku bas kuta arah
Gerbang Baluren.
2:16
La lit sekalak pe pegawai-pegawai si meteh kai si kulakoken. Kidekah si e la
lit kai pe kukataken man senina-seninangku kalak Jahudi, subuk man imam-imam,
peminpin-peminpin, pegawai-pegawai, ntah kalak si deban si nandangi muat bagin
i bas dahin e.
2:17 Tapi dungna kukataken man bana kerina, ningku,
"Nehenlah uga susahna siakap genduari erkiteken Jerusalem lalap langa
ipekena kenca kin nai tembokna runtuh dingen gerbangna ipan api. Sipajekkenlah
mulihi tembok kuta e maka olanai kalak megombang man banta."
2:18 Janah kuturiken man bana uga Dibata nemani aku ras
nampati aku, dingen kai si enggo ikataken raja man bangku. Ngaloi kalak ndai,
"Ota, sipajekken mulihi!" E maka ersikap ia minter kerina menaken
dahin si mehuli e dung.'
Fakta Dan Makna
1. Kuterusken
perdalanenku ku Jerusalem, janah telu wari dekahna. la kuturiken man ise pe sura-sura si enggo
ipeturah Dibata i bas pusuhku guna Jerusalem.
Nehemia sekalak siluar biasa, sangat proaktif ras jadi
teladan kepemimpinan ibas kai sienggo ilakokenna. Ibas ayat bagian sipertama bahan renungenta enda
siidah bahwa, “Dibata nge simpeturah
sura sura si mehuli ibas geluh Nehemia, bage pe ibas pusuh kerina kalak
singgit ernalem man Dibata. Emaka adi
lit bas pusuhta sekalak ikut muat bagin ibas pekena kena gereja, Rumah Tuhan
(labo runggunta saja) sisadari lah e reh ibas TUHAN nari nge. Emaka patutkal sidalanken alu dem tangguung
jawab ras pengataken bujur man TUHAN DIBATA. Amin ?
2. Tengah
berngi keke aku jenari lawes ndarat ras piga-piga kalak teman. La lit asuh-asuhen
ibaba kami seakatan kelede si kuersak. Erkai
ras kai tujunna Nehemia tengah berngi keke jenari ndarat ? Emkap lako ngenen situasi, mencari data ras
informasi gelah enggo lengkap data data siniperluken. Melala denga kal pemimpin gereja, pemimpin PJJ,
Serayan Tuhan si ngerana tanpa data. Atau
memakai data data si enggo male , using, lanai cocok. Nehemia enggom begina uga situasi Jerusalem
e. Tapi bage ia she, ope denga ia
erbahan program, ipelajarina lebe situasi alu ngenen langusng situasi keadaan tembok
tembok e. Enda me salah sada karakter
tah pe strategi kepemimpinan si paling penting… Kerina pemimpin siangkat jadi
ketua, harus berfikir satu atau dua Langkah di depan alu mempunyai data data si
lebih banyak dan lebih baru. Jabunta ula
gampang termakan issu nagatif, profokasi si la payo, alu cara ngenen langsung ras memiliki data
data .
3. Tapi
dungna kukataken man bana kerina, ningku, "Nehenlah uga susahna siakap
genduari erkiteken Jerusalem lalap langa ipekena kenca kin nai tembokna runtuh
dingen gerbangna ipan api. Sipajekkenlah mulihi tembok kuta e maka olanai kalak
megombang man banta. Kenca ipetaken Nehemia situasi
terbaru tembok tembok Jerusalem ras Rumah pertoton, emaka alu penuh keyakinan ituriken
Nehemia me situasi e ras iarapkenna kerina imam imam ras tokoh tokoh e
mengerti, mendukung ras ikut muat bagin ibas membangun Kembali tembok ras rumah
pertoton. Kemampun persuasif ras empati
Nehemia teridah arah ayat enda. SI
menggambarkan ka tole bahwa himbauan Nehemia labo guna mpehaga dirina, tapi gelah
Jerusalem ipehuli ka mulihi. Luar biasa
ras Puji Tuhan. Sisadari lah kerina,
bahwa bahwa jabunta pe kerina ikut ertanggung jawab ibas mpehuliken Rumah Tuhan
(gereja) gelah Simbol Kehadiran Tuhan ras Kehadiran Tuhan teridah jelas man
sienterem. Amin.
4. Janah
kuturiken man bana uga Dibata nemani aku ras nampati aku, dingen kai si enggo
ikataken raja man bangku. Ngaloi kalak ndai, "Ota, sipajekken
mulihi!" E maka ersikap ia minter kerina menaken dahin si mehuli e dung. Ijelas ken
Nehemia pe uga Dibata masu masu rencanana, bage pe dukungen Raja Persia Artaserses, janah
mis kal isambut kerina imam imam simbelin ndai, nina “Ota SI Pajekken Mulihi”
Ibas dahin dahin mpekena Rumah Tuhan, PASTI Tuhan la sinik, isampatiNa,
iapengasupNA ras isediakenNa kerina keperluan.
Puji Tuhan,emaka kerina jabu jabu si lit sura Surana mpermuliaken TUHAN,
pasti mis kal isampati Tuhan, janah ibukaNA kerina info info ras ukur kalak
(presiden, raja, kalak pentar, kalak bayak kerina) lako nampati jabu. Amin ? Ula pebiar pebiar anak jabundu erbahan si
mehuli man DIbata, bahkan sebalikna isapati DIbata mis jabu e. Amin senina ras turang ?
Pengkenaina
·
Jabu eme ingan pendidkan karakter man
anak anak. Janah ibas njadiken jabu selaku
ingan simehulina Pendidikan karakter, mindo lah penampat ku Tuhan, mis
kal iberekenNA. Amin?
·
Jabu jabu si menyadari ras enggo ndatken
pasu pasu bas TUHAN nari, ikut muat
bagin bas dahin dahin si mehuli. Janah
jabu simeriah ras senang emekap jabu si ikut muat bagin, berpartisipasi
ia. Ma inget ndu jabu Aquila ras
Priscila, tukang tenda siikut mendukung pelayanan Paulus, jabu jadi sejarah seh asa gundari. Ermuliakal jabu e, sebab isampatina pelayanan
suruh suruhen Tuhan. Bage pe Nehenia,
selaku dilaki, perbapan (MAMRE) ia la tanggung tanggung partisipasina ibas
membangun Kembali Jerusalem. Jadiken
lah jabundu jabu singgit muat bagin ibas si mehuli. Amin. .
Bujur ras mejuah juah kita kerina.
Pt. Analgin
Ginting
.jpg)
Komentar