Hari 3
Kotbah : Kuankuanen
30 : 7 – 9
Tema : Jabu Si Nggeluh
Ibas Kecukupen
Kuankuanen 30 : 7 –
9
30:7 "O
Dibata, ope denga aku mate kupindo man bandu perkara enda, e me:
30:8 ola min sempat kubelasken kata la tuhu, dingen ola
pelepasNdu aku musil ntah bayak. Berekenlah man bangku kai si kuperluken.
30:9 Sabap kune bayak aku banci jadi maka la aku perlu kam.
Janah adi musil aku banci jadi nangko aku seh maka juru Dibatangku."
' Fakta Dan Makna
1.
"O Dibata, ope denga aku
mate kupindo man bandu perkara enda, e me:Amin ? Kerina kita manusia pernah eretoto mindo man
Dibata. Tapi adi siukuri, uga maka ku
Dibata kita mindo, kai pemindonta e, ras kai tujun kita mindo ibas perikop enda ijelasken alu sangat
teologis penulis kitab Kuan Kuanen enda… “ O Dibata, ope denga aku mate; ibas kalimat enda tersirat ije
bahwa eme pemindon sipentingna, sebab ikatakenna “ Ope dengan aku mate. Jadi ku Dibata kita mindo pemindon si
pentingna, labo pemindon si remeh temeh, labo pemindon si sederhana, labo
pemindon si ecek ecek. “ Adi lit temanndu direktur perusahaan, jumpa
kam labo ajak ndu “eta kita man indomie,
tah pe situkur goreng pisang’, nindu bana.
Sebab e terlalu remeh, terlalu kanak kanak. Ku Dibata, mindo si pentingna nge teman. Mari si evaluasi man banta.
2. Ola min sempat kubelasken kata la
tuhu, dingen ola pelepasNdu aku musil ntah bayak. Jadi alasenna, tah pe dasarna kita mindo ku Dibata emekap erkiteken lit sada hal si pentingna kal, GELAH OLA MBELASKEN KATA LA TUHU. Gelah ula merso, gelah ula bohong, gelah ula erkata kata la payo, eme sipemena alasennta
mindo ku Dibata. Sebab erkata si payo,
erkata si benar, erkata si bujur ras penuh integritas, eme si pentingna bas
geluh enda nina penulis kitab Kuan kuanen enda. Bahkan itambahina ka, dingen ola pelepasndu aku musil tah
bayak. Kata Pelepas ijenda, ertina gelah
ola (supaya tidak menjadi) la
siarap kita enggo musil tah enggo kita bayak. Pelepas ijenda terkesan ola la ijagaindu
aku ninta man Dibata. Adi lit sunun
ndu, bas sunun e lit manuk, talangindu
tutupna, tentu ndarat tah lepas manuk e. (manuk sibas e labo ngasup nalangi
tutupna) Egia ma ietehndu nge sunun
? hahahahha. Ola Pelepas, ola babai ku percuban seri nge
maksudna, bagi sibelasken rusur bas Pertoton Tuhan. Pemindon man Tuhan palas na, gelah kita
tetap nggeluh sue ras sipedahken Tuhan.
Emak adi selama enda, si remeh temeh ngenca usur si pindo man Tuhan,
situhuna melala dengan kal si langa siangka.
Emaka si gejapken lah bahwa TUHAN nge si ngaturken kerina jabunta, gelah
nggeluh ibas kecukupen. IberekenNA
rejekinta sang akita tunduh e.
3.
Sabap
kune bayak aku banci jadi maka la aku perlu kam. Janah adi musil aku banci jadi
nangko aku seh maka juru Dibatangku."
Ibas ayat enda semakin jekas tangkas,
bahwa kinibayaken labo perlu sipindo man Tuhan, ras ibas kemusilen nari iampang
ampangi TUHAN nge kita. Kune bayak aku
banci jadi la aku perlu Kam, ertina lupa daratan nina si suar sair. Lupa kenyataan, lupa ertoto, lupa ku Dibata,
lupaku gereja, lupa ersembah, lupa mbereken pengataken bujur, ciri khas kalak
si enggo merasa hebat bana, siri khas kalak bayak. Ula min bage,
ula min sempat bage. Ras pe adi musil aku banci nangko, bani
erbahan juru (mela) Dibatanta. Emaka
ula aku ibanndu musil o Tuhan, nina
penulis kitab kuan kuanen enda. Situhuna,
adi biasa saja kita erdahin, enggom cukup kebutuhenta… Adi er rajinna kita, adi
ertutusna, kita, adi ertambahna ka keterampilenta, keterampilen tan, keterampilen nage, keterampilan babah,
keterampilan mata, keterampilen igung ras sidebanna banci kita ngeluh
erkecukupan. Ma pernah begin du, lit
nge dahinna ncecap saja ia… Cecapna kopi e, tehna apai kopi si mejilen… anggehna
mbako e, tehna apai si mehergana, enda
perlu latihen. Akapina cipera e tehna
kurang kai yah enggo pas nanamna. Adi aku la banci tukang cecap teman, sebab entabeh
kuakap kerina. Hahahahaha. Apai ka adi cipera ras ayam kampung, lit ka
dawanna…. Ioooooohhhhh
Pengkenaina
·
Dibata Tuhan ta e Maha Kuasa ras Maha
pengasih, ras MULIAK kal IA. Emaka pindo
lah sipentingna kal man Bana. Pang mindo
ku IA, ope denga aku mate Tuhan, ninta.
Hal hal si remeh temeh lanai bo perlu peseh man TUHAN, sebab adi si
remeh temeh si pindo man BANA, baru sianggap kap IA orang remeh temeh. Enda perlu si evaluasi bas dirinta, bas
jabunta sekalak sekalak. Amin?
·
Enggo icukupiNA kerina kebutuhen geluh
kalak Kristen, she maka kerina nggeluh erkecukupen. Jabundu, jabuku, jabunta kerina enggo icukupiNA,
emaka usurlah ngataken bujur man Bana. Jadiken
Tuhan e ermulia ibas jabunta sekalak sekalak, ula si lupaken IA ras Ula ka
sibahan Dibata ta e JURU. Adi mindo kam
ku guru sibaso, ku orang pintar, ku gunung kawi, Juru bandu IA. Amin ?
Bujur ras mejuah juah kita kerina.
Pt. Analgin
Ginting
Komentar