Hari 2
Kotbah : 1 Tesalonika 5 : 16 – 18
Tema : Jabu Singataken Bujur
Ibas Sikugapana Pe
1 Tesalonika 5 : 16
– 18
5:16 Meriahlah
atendu katawari pe.
5:17 Ertotolah
katawari pe,
5:18 janah
katakenlah bujur man Dibata i bas si kugapana pe. Enda me si ngena ate Dibata
ibahanndu i bas geluhndu selaku kam kalak si enggo ersada ras Kristus Jesus.
Fakta Dan Makna
1.
Meriah lah atendu katawari Pe.
Singkat ras jelas kal pesan Rasul Paulus enda, man
jemaat I Tesalonika. Tapi adi siukuri
pesan enda berlaku seh asa gundari, janah pe banci siidah berlaku selama
lamanya. Meriah lah atendu, sada pilihen
ibas nggeluh. Janah singatakensa
emekap sekalak Rasul, si enggo ngenanami erbage bage siksaan ras percubaan ras
kiniseraan, berarti lit sada rahasia ibas ngelitken ukur meriah e… Idah kami pe
bage. Meriah ukur labo muncul darat nari
ku bas, ertina labo perban mejile bajunta, mahal tas ta maka kita ermeriah
ukur, tapi erkiteken meriah ukurta nge maka kai pe sipake serasi kin ia. Labo erkiteken entabeh panganta ras melala
kade kade ta kalak bayak maka meriah ukurta, tapi erkiteken meriah ukurta nge
maka kai pe siakap entabeh man sa (cina
dua dua e pe ras ikan kuli tutung tutung e she tabehna adi meriah ukurta man
sa), janah kade kade ta pe melala reh ku kita adi idahna kita ermeriah ukur
katawari pe. Sada nari si penting siidah
bahwa nggejap ken keleng ate Tuhan Yesus e, ras ngenanami kerina pemere NA e
nge sierbahanca meriah ukurta, aminna pe kita sangana la ersen, kai pe kurang
tempa bas geluh enda. Kalak si mampu ermeriah ukur ibas segala
situasi emekap kalak si beluh nggejapken keleng ate Tuhan Yesus si la ersibar
e. Amin ?
2. Ertoto lah katawari Pe. Uga maka enterem siidah kalak si melala senna tapi pelit, kalak si mejile rupana ringut,
kalak singuda denga tapi enggo metua idah, kalak si labo megang sorana tapi
usur cakap caram, kalak si situhuna jadi teladan tapi berjut lalap? Enda me kalak si kurang ertoto. Adi kurang ertoto, ia kin akapna sihebatna
tapi ia ka sidem rusur alu kebiaren. Ma payo akapndu btage ? Hahahahha.
Ertoto ertina ngendesken diri nta man Dibata si Mada Kuasa sinasa lit.
Kalak si kurang ertoto situhuna eme kalak si la mampu makna sessungguhna
kegeluhen enda. Sebab labo ietehna ise
ia, janari asal kegeluhen , ras kuja tujun kegeluhen e. Emaka kalak sibage tarum ngukuri si la angka
na, piah berjut lalap ras ayo pe pedas kali dah metua. Pinakit pe gampang turah. Tapi man kalak si nggit ermeriah uku dingen
ertoto katawari pe igejapna tujun geluhna, ras ietehna kai sebabna maka banci ia
nggeluh alu e dem kesangapen. Emaka
ertoto katawari pe, situhuna sada resep nggeluh siipeseh Rasul Paulus, janah
enggo kin inanamina kal bage. Resep e
me resep tambar si paling mujarab ibas kegeluhen enda.
3. Kataken
Bujur man Dibata ibas sikugapana pe.
Enda me rahasia situhu tuhuna, ras pe
perbahanen si paling prioritas ilakoken kerina manusia si enggo ipilihNA jadi
anak anakNa si inyataken arah peridin si enggo alokenna. Ngataken bujur ibas sikugapana pe mengandung
makna, “la lit kai si la ieteh Dibata ibas kegeluhen wari lepas wari, bahkan
detik demi detik” Emaka kalak si nggejap
sanga besur ras melihe, sanga ia gagal
ras sukses, sanga ia senang ras mesera, sanga ia sakit ras sehat, sanga ia
ndabuh , sanga ia itipu kalak tetap iidah Dibata ras ikawali Dibata, jelas kal man bana dingen ngataken bujur ia
banci ngenanami si e kerina. Tapi ujungna,
pasti kesangapan ras keriahen ras kegeluhen sirasa lalap nge ibere Tuhan man bana. Tuhan perkuah dingen simada kuasa. Kai pe banci ibanNa guna nehken keleng Atena. Arah kai pe banci ia erkuasa. Nabi Elia kiam ku taneh asing mesawang, la
lit kai pe je, melihe ia, saking lihena tertunduh pe ia. Imedaki Dibata, janah isuruh na perik kak,
naruhken nakan na. Kai akapndu si
labanci ibahan Dibata lako memenuhi kebutuhenndu yah ? kai pe la lit nindu e ? Adi bage kata bujur man Dibata arah anakNA
Yesus Kristus Tuhanta, ibas situasi si kugapana pe. Amin ?
Pengkenaina
·
Uga kondisi ras situasi jabundu gundari
? Ermeriah ukur? Usur Ertoto ? Bahan lah jabundu jadi sumber keriahen ukur. Anak jadi teman, ndehara jadi teman, perbulangen jadi teman… Adi lit
rejeki, ras ras man bakso. Adi bas wari
minggu e, kerina ertugas I gereja. Iooh
malem kal ate jabu si kawatwari pe ermeriah ukur, dingen katawari pe ertoto man
Tuhan Dibata. Sehat kerina, ceria
kerina, awet muda kerina, berprestasi kerina jabu e. Em Sura sura Dibata. Amin?
·
Janah jabu si ermeriah ukur, rajin kali
a ngataken bujur. La pernah si dalih
delihen mbere persembahan pengataken bujur man Tuhan Dibata. Ibas situasi sikugapana pe ikut ia muat bagin
ras ngataken bujur man Tuhan. Lakin bage
sura sura ta kerina nandangi jabunta?
Emaka mari siarahken jabunta, sebab nina pepatah adi jabu ermeriah ukur,
maka pengajaren ras keteladanan bas jabu e pe mehuli kal. Janah adi jabu enggo mehuli, maka negara pe
mehuli ras damai sejahtera. Amin ?
Bujur ras mejuah juah kita kerina.
Pt. Analgin
Ginting
Komentar