Hari 7
Kotbah : Lukas 2 : 8 – 20
Thema : Jabu
Si Maba Berita Si Meriah
Lukas 2 : 8 – 20
2:8 I
bas daerah e lit piga-piga kalak permakan sangana ngiani asuh-asuhen i
mbalmbal.
2:9
Rempet tedis sekalak malekat Tuhan ilebe-lebe permakan ndai, janah terang si
rehna i bas Tuhan nari ersinalsal ku sekelewetna. Mbiar kal permakan-permakan
e,
2:10
tapi nina malekat man bana, "Ola mbiar: Aku reh maba Berita Si Meriah, si
mereken keriahen si mbelin man kerina manusia.
2:11
Sendah i Kuta Daud enggo tubuh Juruselamat man bandu, e me Kristus Tuhan.
2:12
Si jadi tanda kari man bandu e me: idapetindu kari anak-anak ibaluti alu uis,
medem i bas pelangkah."
2:13 Rempet
teridah nterem malekat Surga tedis ras malekat si ndai dingen rende muji
Dibata,
2:14
"Terpujilah Dibata i bas Surga si meganjangna. Janah dame i doni man
manusia si ngena ateNa."
2:15 Kenca malekat-malekat mulihken ku Surga nina permakan
sapih-sapih ia, "Ota lawes kita ku Betlehem ngenehen kejadin si lit i je,
bagi ikatakan malekat Tuhan ndai man banta."
2:16
E maka pedas-pedas berkat permakan
ndai janah idapetina Maria ras Jusup dingen idahna pe Anak e medem i bas
pelangkah.
2:17 Asum
permakan-permakan ngidah Anak e, iturikenna man Jusup ras Maria kai si enggo
ikataken malekat man bana kerna Anak e.
2:18
Jenari iturikenna pe man kalak si
deban, janah kemamangen kerina kalak si megi berita si ikataken permakan e.
2:19 Tapi rukur Maria kerna erti kata e
janah ibunikenna i bas ukurna.
2:20
Jenari mulih permakan-permakan
janahna rende muji Tuhan, sabap kerina si enggo ibegina ras idahna payo bagi si
ikataken malekat ndai man bana.
Fakta Dan Makna
1. Rempet
tedis sekalak malekat Tuhan ilebe-lebe permakan ndai, janah terang si rehna i
bas Tuhan nari ersinalsal ku sekelewetna. Mbiar kal permakan-permakan e, tapi
nina malekat man bana, "Ola mbiar: Aku reh maba Berita Si Meriah, si
mereken keriahen si mbelin man kerina manusia.
Sendah i Kuta Daud enggo tubuh Juruselamat man bandu, e me Kristus Tuhan. Perlu
lebe siukuri mbages mbages, adi kita mbaba berita si merhuli, janari sumber berita e ? Tentu kalak si mbegi mbegi perlu kal ia berita
si benar (la hoax) la maba kebenen janah berita e harus bernilai tinggi. Permakan baba na berita si payo ras benar,
sitik pe la hoax janah nilai berita si babana e pe seh kal tinggina. Janah siidah pe ijenda, maka berita sibabana
reh ibas peristiwa perjumpaan permakan e ras Malaikat I surga nari. Sekalak lebe malaikat tedis, janah ngerana
ia, dungna talang surga she teremna malaikat ndai radu rende ia kerina. Awalna mbiar permakan ndai, tapi dungna nina
Malaikat e, ula mbiar , sebab aku reh maba beritan si Meriah, simbereken
keriahen si mbelin man kerina manusia. Sendah
I Kuta Daud enggo tubuh Juruselamat man bandu, eme Kristus Tuhan. Berita Si Meriah (teologis) membutuhkan
pengalaman teologis, berita si meriah membutuhkan pengalaman ermeriah ukur.
2. Kenca
malekat-malekat mulihken ku Surga nina permakan sapih-sapih ia, "Ota lawes
kita ku Betlehem ngenehen kejadin si lit i je, bagi ikatakan malekat Tuhan ndai
man banta. E maka pedas-pedas berkat
permakan ndai janah idapetina Maria ras Jusup dingen idahna pe Anak e medem i
bas pelangkah. Asum permakan-permakan
ngidah Anak e, iturikenna man Jusup ras Maria kai si enggo ikataken malekat man
bana kerna Anak e .
Diskusi permakan, gelah ia ku Betlehem guna membuktikan perkataan
Malaikat, sekaligus ngidah Anak Situbuh e.
Berkat permakan kerina… sanga
berkat e, babana nge biri biri, kambing, lembu, tah sapi, kerbo si ipermakanina
? La jelas, tapi logikana, labo
babana. Tadingkenna I mbal mbal berkat
ia. Bene tan aman biri birina e. AMAN.
La lit kai pe masalah sebab TUHAN njagaisa, Malaikat pe ikut erdahin njagai asetna adi ia berkat ndahi Jesus
Kristus si tubuh e. Enda me sada point
si pentingna, mari sipetetap. Adi
sitadingken dahinnta erkiteken ndahi TUHAN, ibas paksa si prioritas na , Tuhan
ngeteh ras njagai kerina dahin dahinta e.
Ula mbiar ndahi Tuhan, ula cari cari alasan perban melala dahin maka la
surung ndahi TUHAN. Asum permakan
ngidah Anak e, iturikenna man Jusup ras Maria kai singgo ikataken Malaikat man bana
kerna Anak e. Sinergis kerina dahin
dahin Dibata, sejalan sitik pe la lit bertentangan. Sebab sutradara agung kehidupan enda TUHAN,
la lit sitik pe kesalahanna. Emaka
sentudu ras sempadan kerina. Jabu
si erpengendes man Dibata, janah jabu e nggit erberita si meriah, sempadan, sinergis kerina. Puji Tuhan
3. Jenari
iturikenna pe man kalak si deban, janah kemamangen kerina kalak si megi berita
si ikataken permakan e. Tapi rukur Maria
kerna erti kata e janah ibunikenna i bas ukurna. Jenari mulih permakan-permakan janahna rende
muji Tuhan, sabap kerina si enggo ibegina ras idahna payo bagi si ikataken
malekat ndai man bana. Ituriken na man kalak sideban,
janah kemamangen kerina kalak si megi berita e. Engkai maka kemamangan ? Sebab berita e diluar logika, diluar kerina
sipernah ialami, diluar nalar manusia pe.
Emaka berita surga, adalah berita yang datang dari surga, bukan berita
hasil olahan manusia. Emaka maba
kemamangan. Kemamangan e perlu isimpan
dalam hati, ras pindo jawabna man Tuhan bagi si tuduhken Maria. Labo adi la masuk akalta berita e, sikatakan
simaba berita e la masuk akal. Ibas la siangka e, buniken lah bas pusuh,
janah pindo jawabna man Tuhan, atau dahi Tuhan nen/ras pindo bukti na man
Tuhan. Jenari mulih kerina permakan
ndai alu ermeriah ukur janahna muji
Tuhan. Sebab kerina si enggo idahna
payo bagi kataken malaikat leben man bana.
Alasan sipeduaken ia ermeriah ukur
kai ? , aman kerina domba domba na, la
lit masalah kai pe. Hahahahahahha.
Pengkenaina
·
Adi ateta jadi perberita si meriah,
alami leben perjumpaan pribadinta ras Tuhan.
Adi jabuta atea jadi jabu perbetita se meriah, ajarilah kerina jabunta
mengalami keriahen si teologis gelah melala bahan bahan ta siperlu si peseh man
kalak si deban. Pindo penampat kesah Si
Badia, tentu mis kal isampatiNA. Amin ?
·
Ula mbiar nadingken kai pe adi lawes
kam erberita si meriah. Tuhan njagaisa
kerina erta erta ndu e. Aset ndu e aman
kerina, bahkan ertambahna. Amin. .
Bujur ras mejuah juah kita kerina.
Pt. Analgin
Ginting
.jpg)
Komentar