Periodisasi Kepemimpinan
Thema : Kepemimpinan si Er-umputen
Tujuan : 1. Meteh
Peralihen Kepemimpinen Elia ku Elisa
2. Kepemimpinen Bas Gereja Eme Erumputen
Ogen :
2 Raja Raja 2 : 1-14
2:1 Seh
paksana Elia iangkat TUHAN ku Surga i bas angin kaba-kaba si megegeh. Sanga si
e Elia ras Elisa i perdalanen i Gilgal nari.
2:2 I tengah dalan nina Elia man Elisa, "I jenda kam lebe sabap aku isuruh
TUHAN ku Betel." Tapi ngaloi Elisa, "Ersumpah aku erkiteken
kepatuhenku man TUHAN si nggeluh ras man bandu, la ateku nadingken kam."
Erkiteken si e ras ia terus ku Betel.
2:3
Sada terpuk nabi-nabi i Betel reh njumpai Elisa, jenari isungkuni nabi-nabi e
ia nina, "Itehndu kang maka ibuat TUHAN ateNa tuandu sendah i bas kam
nari?" "Kueteh," nina Elisa njabapsa. "Tapi la padah
sicakapken kerna si e."
2:4 Jenari
nina Elia man Elisa, "I jenda kam lebe, sabap isuruh TUHAN aku lawes ku
Jeriho." Tapi ngaloi Elisa nina, "Ersumpah aku erkiteken kepatuhenku
man TUHAN si nggeluh ras man bandu maka ndigan pe la aku nggit nadingken
kam." Erkiteken si e iteruskenna duana perdalanenna ku Jeriho.
2:5
Sada terpuk nabi-nabi i Jeriho reh njumpai Elisa jenari isungkunna ia nina,
"Itehndu kang maka ibuat TUHAN ateNa tuanndu sendah i bas kam nari?"
"Kueteh," nina Elisa njabapsa. "Tapi la pedah sicakapken kerna
si e."
2:6
Kenca bage nina Elia man Elisa, "I jenda kam lebe, sabap isuruh TUHAN aku
lawes ku Lau Jordan." Tapi erjabap Elisa nina, "Ersumpah aku
erkiteken kepatuhenku man TUHAN si nggeluh ras man bandu, la ateku nadingken
kam." Erkiteken si e ras ia lawes,
2:7
janah lima puluh kalak nabi ngikutken ia ku Lau Jordan. Ngadi Elia ras Elisa i
tepi lau e, janah nabi si lima puluh kalak e tedis la ndauhsa i jenari.
2:8 Kenca
bage itangtangi Elia jubahna, igulungna, ipekpekna lau e alu jubahna e minter
erbelah. E maka ngepar ia ras Elisa i babo taneh kerah.
2:9 Kenca
seh i lepar nina Elia man Elisa, "Turiken man bangku kai atendu kubahan
man bandu ope aku iangkat i bas kam nari." "Bereken bangku sada bagin
kuasandu gelah banci aku nggantiken kam," nina Elisa njabapsa.
2:10 "Mesera
kal nehkenca pemindonndu e," nina Elia ngaloi. "Tapi banci ialokenndu
e, adi idahndu kari aku sanga aku ibuat i bas kam nari. Adi la idahndu aku, la
banci ialokenndu."
2:11 Ercakap-cakap
ia duana janahna erdalan. Rempet reh sada gereta perang ernala bagi api irintak
kuda si ernala-nala bagi api, mentas arah kelang-kelang Elia ras Elisa. I je me
Elia iangkat ku Surga alu angin kaba-kaba si megegeh.
2:12 Asum
Elisa ngidahsa nderkuh ia ngelebuh Elia nina, "O bapangku, bapangku!
Pengawal Israel si mbisa!" Jenari lanai enggo idahna Elia. Erkiteken ceda
atena icaingken Elisa bajuna.
2:13 Kenca
bage ibuatna jubah Elia, si naktak ndai i bas ia nari mulih ia, jenari tedis ia
i tepi Lau Jordan.
2:14 Ipekpek
Elisa lau e alu jubah Elia ndai janah nina, "I ja kin TUHAN , Dibata
Elia?" Kenca bage ipekpekna ka, e maka erbelah lau e, jenari erdalan ia
ngepar.
Fakta
1. Sada Kisah ibas regenerasi tugas
kenabian ibas perikop enda. Telu kali
tadingken Elia atena Elisa ibas tengah dalan, janah nina laws ate Elisa ku
Berhel, ku Yerikho ras Ku Lau Jordan.
Telu kali na Elisa la nggit tading, emaka ras ia duana ku telu ingan e.
Ibas telu ingan e isungkun nabi nabi ia (50 kalak Nabi nabi e) kerna Elia bakal
nadingken Elisa. Tapi mindo Elisa man nabi nbi e ibas 3 ingan e, gelah ula ipegedang cakap e.
2. I Lau Jordan ibas ingan sipeteluken,
ibuka Elia JUbah na gulungna, ipekpekna ku Lau Jorda, mis terbelah Lau Jordan
e, emaka bengkek ia duana ku kepar. Nungkun Elia man Elisa, kai pemindon Elisa
man Elia. Ipindo Elisa, sada bagin kuasa
si Elia, gelah Elisa pe erdahin bagi Elia . Mesera nina Elia.
3. Sanga ia erdalan ka duana, rempet reh
Kereta Api mbentas arah kelang kelangna,
Lit ka pe angin kaba kaba, janah ibas paksa e me Elia terangkat Ku
Surga. Icaingken Elisa bajuna, janah
nina “ O bapangku o Bapagku, pegawal Israel.
4. IBuat Elisa baju jubah Elia si ndabuh
, emeka ipekpekna Lau Jordan, terbelah dua Lau e. KUasa e engo lit bas Elia.
Arti
Dan Makna.
1. Tugas sebagai Nabi, lit batas
na. Lit waktuna ngadi, pension janah
pilih sekalak jelma si menerusken Tugas e. Bagepe tugas kepemimpinen lit batas
waktuna.
2. Sebagai pemimpin, wajib kal mendidik
ras melatih calon penerus ta. Waji
berkomunikasi ras nungkun kai pemindon penerus e. Sebagai penerus , wajibkal
untuk mengikuti keteladan pemimpin ibas ia ngelaksanakan tugas tugasna. Lit hubungen si sangat mendalam antara
penerus ras pemimpin si bakal igantikenna.
3. Pemimpin si enggo ndugi tugas na ras
enggo mepersiapken penerusna ngena kal ate Dibata, ibereken na Ingan i surge. Penerus pe bangga kal ia nandangi pemimpin si
enggo igantikenna, sebab yakin ia perban idahna uga Elia iangkat ku Surga. Penerus harus yakin bahwa pemimpin
siigantikenna adalah orang baik, tulus dan disayangi Tuhan.
Pengkenaina.
· Jadilah pemimpin terbaik, sanga ibas
periode ndu e. Lakukan yang terbaik,
sesuai dengan perintah TUHAN. Janah
persiapken penggantindu, gelah lanai pe pagi kam bas jabatenndu e, tapi tugas
tugas ras tanggung jawabndu lit penggantina.
· Ibas enggo seh na paksandu sebagai
pemimpin, yakinlah kam bahwa TUhan menyenangi periode kepemimpine ndu. Janah penerus ndu pe idahna e.
· Pastiken lah penerusndu pe akan
melanjutkan kepemimpinendu, guna kemuliaan Tuhan ta.
Bujur ras mejuah juah kita kerina.
Pt. Analgin
Ginting.
.jpg)
Komentar