Kotbah : Lukas
19:1-10
Tema : Ingan Ndatken Kegeluhen Si Payo
19:1 Jesus bengket ku kuta
Jeriho janah terus Ia erdalan mentasi kota e.
19:2 I bas kota e lit me
sekalak kepala pengalo cuke, gelarna Sakeus. Ia bayak.
19:3 Ia merincuh kal ngidah ise kin Jesus e.
Tapi la idahna perbahan nterem kal jelma arah lebena dingen ia pe gendek ka.
19:4 E
maka kiam ia ngelebei jelma si nterem e, jenari inangkihna batang kayu, guna
ngenehen Jesus si mentas arah dalan e.
19:5 Asum
Jesus seh i bas ingan e, itatap Jesus ku datas janah nina man Sakeus, "O
Sakeus pedasken nusurken! Sabap sendah kesilang ateKu i rumahndu."
19:6 Minter nusur Sakeus janah
ialo-alona Jesus alu ermeriah ukur.
19:7 Tapi jungut-jungut kalak
si nterem ngidah si e nina, "Kesilang Ia i rumah kalak perdosa."
19:8 Tapi
tedis Sakeus janah nina man Tuhan, "Setengah i bas erta-ertangku kubereken
man kalak musil; janah adi lit kalak enggo kutipu, kuulihken man bana empat
kali lipat."
19:9 Ngaloi
Jesus nina, "I bas wari enda enggo reh keselamaten man isi jabu enda. Kam
pe kesusuren Abraham kap.
19:10 Sabap Anak Manusia si
isuruh Dibata reh guna nelamatken kalak si papak."
FAKTA, ARTI DAN MAKNA
1. Ia bayak. Ia merincuh kal ngidah ise kin Jesus e. Tapi
la idahna perbahan nterem kal jelma arah lebena dingen ia pe gendek ka. E maka kiam ia ngelebei jelma si nterem e,
jenari inangkihna batang kayu, guna ngenehen Jesus si mentas arah dalan e.
Melala kal pesan
ras makna kegeluhen arah perikop si jadi renungenta ibas berngi si pelimaken
enda, emaka ibatasi kami seh 4 point
saja siukuri lebih jauh jadi bahan renungen ta. Sipertama nuriken uga lit sekalak bayak
merincoh kal ia nandai ras jumpa Tuhan Yesus.
Ibas ia merincoh e, lit piga piga kendala ras erpkesulitan. Enggo leben jelma enterem sehingga sulit
akapna menerobos kerumunan e. Sipeduaken
kesulitan si la tertolak, gendek daging kulana erbahanca ersulitna ia natap
Tuhan Yesus, sebab jelma si arah lebe na mebestang kerina. Tapi la ia hilang akal, daramina batang kayu
jenari nangkihina. Alu bage jelas idahna
Tuhan Yesus, janah Tuhan Yesus pe ngidah ia.
Usurkal melala
kesulitan ibas ateta ndahi Tuhan Yesus.
Kesulitan kesulitan e turah ibas logika berfikirta, bagepe logita
berfikir kalak sideban. Em usur erbahan
sa kita ngadi, keluar, quit ibas nehi sura sura tah pe visi misi ta. Tapi sakeus ndai siidah dungna sukses ia
idahna Tuhan Yesus, Idah Tuhan Yesus ia, bahkan dialog ia ras Tuhan, sada dialog
simbaba perubahan /pertobatan ibas diri Sakeus.
Emaka, ndahi
Tuhan Yesus tah pe adi sura sura njumpai Tuhan Jesus logika labo penting kal,
tapi niat tulus ras sura sura si megegeh em siperluna. Amin ?
2. Asum Jesus seh
i bas ingan e, itatap Jesus ku datas janah nina man Sakeus, "O Sakeus
pedasken nusurken! Sabap sendah kesilang ateKu i rumahndu."
Cara Sakeus ngidah
Tuhan Yesus, unik, beda, lain dari yang lain, tapi murni idena. La ia mela, la ia mbiar, la ia gengsian, la
ia merampus, nangkih na batang kayu,
dengan HANYA tujuan melihat Tuhan Yesus.
Ternyata la ia ngenca singidah Tuhan Yesus, tapi Tuhan Yesus pe ngidah
ia. Emaka seh kenca deher batang kayu e,
ngadi Tuhan Yesus tatapna ku datas batang kayu e idah na Sakeus. I sapa na Sakeus, janah igejap Tuhan Yesus
uga rincoh na Sakeus jumpa ras IA. Jenari
nina Tuhan Yesus, ” pedasken nusurken o Sakeus, sabab sendah kesilang ateku i
rumahndu. Wooooww. Ihargai Tuhan Yesus kal upaya Sakeus, emaka
misa kal iapresiasi Tuhan Yesus ia, alu ngataken kesilang aku i rumahndu.
Padahal ndai
ibas bagian awal ikataken Tuhan Yesus mentasi kuta e, ertina labo ateNa
kesilang / erberngi i je. Tapi ban kerincuhan Sakeus jumpa ras IA, dungna
kesilang Ia i rumah Sakeus. Luar biasa
kal. Janah kai cerita selanjutna ?
3. Tapi tedis
Sakeus janah nina man Tuhan, "Setengah i bas erta-ertangku kubereken man
kalak musil; janah adi lit kalak enggo kutipu, kuulihken man bana empat kali
lipat."
Enda
kelanjutan kisahna. Bage Tuhan Yesus reh
ku rumah Sakeus, terjadi satu hal yang paling luar biasa bas geluh enda. Sakeus menyampaikan sebuah pangakuan si
intina terjadi pencerahan ibas pemikirenna. Pencerahan si melahirkan sebuah kalimat
pertobatan... Sakeus ngakui kerina
perbahanenna, la ia nimbak janah
iberekenna sada komitmen sierbahanca banci ia jatuh miskin. Tapi kemiskinan lanai anggapna sada hal si
memenderitakan, labo hal si perlu jadi kebiaren.
Ketika Tuhan
Yesus datang ke sebvuah rumah, maka di rumah itu terjadi pertobatan.
Adi lit
gejapndu masalah besar i tengah jabundu, undang Tuhan Jesus reh ku
rumahndu. Salang sai mis kerina.
4. Ngaloi Jesus
nina, "I bas wari enda enggo reh keselamaten man isi jabu enda. Kam pe
kesusuren Abraham kap.
Emaka bage
Tuhan Jesus mbegi pengakun, pertobatan, komitmen Sakeus secara cepat Tuhan
Yesus mis ngidah terus ku pusuh sakeus.
Bahwa pangkun Sakeus labo hanya sebuah kalimat ABS (asal bapak Senang),
labo pencitraan, labo sada pengakuan si muncul dari kedangkalan berfikir /
rukur. Emaka nina Tuhan Yesus, Ibas wari enda enggo reh keselamatan man isi
jabu enda. Janah itekanken Tuhan Jesus
maka Sakeus pe kesusuren Abraham kap (lit keyakinan bangsa Jahudi tupung e si
selamat hanya kesusuren Abraham, kesusuren si isunat)
PENGKENAINA
1.
Kerina
kita ersura sura gelah isi jabunta dat keselamatan bas Tuhan Yesus, Untuk
menerusken sura sura nta e, perlu kal siundang Tuhan Yesus reh ku jabunta,
janah kesilang ia bas jabunta. Ibas era
sigundari lanai bo secara fisik Tuhan Yesus reh ku tengah jabunta, tapi secara
Roh yang KUDUS, Keah Si Badia. Siundang
lah janah siban pengakun, pertobatan ras komitmen. Amin ?
2.
Sakeus
awal Tuhan Yesus reh ku rumahna, ijenda pe banci sipahami maka keselamatan ibas
jabu berawal dari bapa, soi jadi imam.
Emaka reh tah lang Tuhan Jesus ku rumahndu, bapa tengah jabu si paling bertanggung jawab.
Amin.
Pt
Analgin Ginting.
Komentar