Renungen : Masmur 119 :97-104
Tema : Entebu Kal Engkelengi Tuhan
119:97 Lanai tanggung keleng ateku man undang-undangNdu, kukusur-kusur i
bas ukurku gedang-gedang nu wari.
119:98 Kerina perentahNdu tetap kuinget katawari pe, e maka pentaren aku
asangken imbang-imbangku.
119:99 Pengertinku ngelebihi pengertin guru si ngajari aku, erkiteken
kupekusur-kusur perentahNdu i bas ukurku.
119:100 Belinen kepentarenku asangken orang-orang tua, erkiteken kuikutken
kerina perentahNdu.
119:101 Kerina perbahanen si jahat kusilahken, sabap
kuikutken ateku kataNdu.
119:102 AturenNdu la kupersilahang, erkiteken Kam
jine gurungku.
119:103 Andiko, entebu kal aturenNdu, tebun
asangken tengguli.
119:104 Dat aku kepentaren i bas undang-undangNdu nari, e maka ciga kal
ateku kata la tuhu
FAKTA, ARTI DAN MAKNA
1. Lanai tanggung
keleng ateku man undang-undangNdu, kukusur-kusur i bas ukurku gedang-gedang nu
wari.
Lit cara
berfikir / mindset/paradigma ras keyakinan si sangat berbeda antara sekalak si tek man Tuhan ras kalak si ndauh denga ras
Tuhan. Adi kalak si tek e salahsada ciri
cirina emekap ngena kal atena man Undang undang Tuhan. Bagi bas ayat 97 iakuken penulis masmur enda
nina ”lanai tanggung ateku kelengna man
undang undang Ndu. Kai kin Undang Undang
Tuhan e, emekapa aturen si reh bas Tuhan
nari si tujunna guna mbabai manusia sidnalanken ndatken kesangapan bas Tuhan
nari.
Emaka ersaksi
penulis Masmur enda nina, Kukusur kusur ibas ukurku gedang gedang wari, perban
keleng kal atena nandangi Undang Undang Tuhan e.
Tapi adi kalak
si mindset na langa tek man Tuhan, akapna sada kebodohen ras kesia siaan kerina
Undang Undang Tuhan. Sabab la kin
angkana..
Engkal maka la
angkana, sebab ipakena pemikiren na lako memahami undang Undang Tuhan. Jange mungkin baci iangkaina Tuhan? Masak manusia sierdosa ras terbatas banci
ngantusi Tuhan si la erdosa janah la terbatas ?
La mungkin lah .
Tapi man kalak
si enggo tek man Tuhan, maka ipindona ku Tuhan penampat lako ngangkai undang
undangNa, mis ibere Tuhan pengangkaan si mbaru e. Amin ?
2. Kerina
perbahanen si jahat kusilahken, sabap kuikutken ateku kataNdu. AturenNdu la
kupersilahang, erkiteken Kam jine gurungku.
Man kalak si
tek ras enggo ngangka undang undang Tuhan , maka iikutken Undang Undang tahpe
kata Tuhan, emaka kerina si bertentangen ras Undang Undang Tuhan i
silahkenna. Kerina si jahat
isilahkenna. Janah lit pengagkunna nina ”aturenNdu
la kupersilahang, erkiteken kam jine gurungKu, nina.
Guru adalah kebenaran
Murid adalah
sesorang yang taat man guru, selanjutna taat man kebenaran.
Kalak si taat
man guru, maka dasar ketaatanna adalah pusuh, karakter. Ketaatan na labo pencitraan, tapi memang taat
ia erkiteken keleng atena undang undang tahpe kebenaran e.
Enda teridah
ibas buahna, prestasi kegeluhenna.
3.
Andiko, entebu kal aturenNdu, tebun asangken tengguli.
Kalak
si taat man aturen / undang undang Tuhan pasti datna buah buah kegeluhen
simbaba kemalemen ate, kesenangan,
keyakinan, ras pe kesangapan kesangapen bas geluh. Emaka ianalogiken penulis masmur enda tebun
asangken tengguli. Tengguli entebu
nanamna ras menyehatkan man kula si minem sa.
Sebab adi pemanis na alami, beda ras minumen kemasan si memakai pemanis
rafinasi. Kimia.
Pernyataan
pemasmur enda, entebu kal aturanNdu, tebun asangken tengguli enda reh ibas
jelma si enggo mampu memahami ras nggejapken aturan Tuhan ibas level paling
tinggi. Enggo idah na bahwa kerina aturen ras undang undang Tuhan emekap palasna keleng ate Tuhan man manusia, sada pe la erdobahen.
Kerina
aturen situhuna mbaba kiniraturen, ras kemalemen ate, terlebih adi aturen TUHAN
sendiri si erbahanca.
PENGKENAINA
1.
Perlu kal
siukuri mbages mbages pertanyaan enda, uga nge carana gelah anak anakta sadar
ras nggejap maka ngikuti aturen Tuhan e nge si entebu na bas geluh enda.
2.
Ngajarken
anak sigundari lanai bo alu nasihat ras kata kata ngenca, tapi perlu contoh
nyata tah keteladanan. Emaka pertanyaan
sipeduaken emekap “ Enggo me kita orang tua banci jadi teladan singatakan bahwa
aturen Tuhan e tebun asangken tengguli ?
Egia ma pernah nge pandu tengguli ningen e ?
Pt
Analgin Ginting.
Komentar