Renungen: Masmur 128: 1-6
Tema : Jabu Si Dem Alu
Kesangapen
128:1 Sangap kal kalak si malang man TUHAN , si
nggeluh ngikutken kerina perentahNa.
128:2 Ipanna me ulihna latih, sangap nggeluh,
mehuli sikerajangenna.
128:3 Ndeharana bali ras anggur si meramis buahna i
bas rumahna, dingen anak-anakna bali ras tunas batang saitun i sekelewet
mejana.
128:4 Bage me pasu-pasu TUHAN , man kalak si malang man baNa.
128:5 TUHANlah si masu-masu kam i Sion nari, mbera
idahndu kesangapen Jerusalem kidekah umur geluhndu.
128:6 Cawirlah kam metua, maka sempat idahndu
kempu-kempundu. Damelah sikerajangen Israel!
FAKTA, ARTI DAN MAKNA
1.
Sangap kal kalak si malang man TUHAN , si nggeluh
ngikutken kerina perentahNa. Ipanna me
ulihna latih, sangap nggeluh, mehuli sikerajangenna. Ndeharana bali ras anggur
si meramis buahna i bas rumahna, dingen anak-anakna bali ras tunas batang
saitun i sekelewet mejana.
Kerina kal
kita ersura sura ras merincoh gelah jabu ta jadi jabu si dem alu
kesangapen. Janah enggo siupayaken bermacam
macam cara lako ndatken ke sangapan e.
Lit cara si halal bagepe piga piga cara non halal pe mon mon iupayaken. Kepeken bas Pekan Keluarga berngi penemken
enda ijelask[een Tuhan man banta kerina rahasia terbesarna. Arah Rahasia enda siidah maka, jabu ise pe
banci sangap, janah cara na seh kal gampangna.
Emekap Erkemalangan man Tuhan.
Pemasmur
ngataken maka jabu si sangap emekap jabu si isi kalak si malang man Tuhan, si
nggeluh ngikutken kerina perentah Tuhan. Adi erkelmalangan man Tuhan sekalak bapa,
maka jabuna e seh kal sangapna, adi erkemalangan sekalak nande, maka jabuna e
seh kal sangapna. Ayat enda situhuna
khusus itujuken man perbapan sebab ituduhken na bentuk / ciri kesangapen e alu
3 hal :
· Ipanna ulihna
latih.
· Ndeharana bali
ras anggur si merambis buahna ibas rumahna
· Anak anak na
bali ras tuna batang saitun i sekelewet mejana.
Ijelasken ayat enda, maka ulih sipanna e reh bas
ndeharana nari nanamna nanam buah anggur, ras pe bas anak anakna nari nanam
minak Zaitun tahpe asinan bini zaitun.
Ma pernah kin panndu biji buah zaitun ningen e ? I super market mon mon lit dayakenna buah
zaitun, khas kal nanam na. Hahahhha.
2.
TUHANlah si masu-masu kam i Sion nari, mbera idahndu
kesangapen Jerusalem kidekah umur geluhndu.
Pasu pasu
Tuhan man kalak si erkemalangan man IA, la tanggung sebab ibereNA kesempatan
lako ngidah Jerusalem. Gedang perdalanna. Wah mehuli kal Tuhan e, kata mbera bas ayat enda, menyiratken bahwa kesempatan
ngidah Jerusalem e sangat unik, janah perlu kal irencanakan. Emaka kerina kam si enggo pernah ku Jerusalem
sangap kal kam. Aku sendiri pe seh asa
gundari lang pernah ku Jerusalem. Emaka adi
kam enggo pernah ku Jerusalem, iooh mbelin kal pasu pasu Tuhan man bandu.
3. Cawirlah kam
metua, maka sempat idahndu kempu-kempundu. Damelah sikerajangen Israel .
Kesangapen si
ibereken Tuhan e, erkiteken ngikuti kerina perentahNA la hanya sekedar panca
indra ras perdalanaen, tapi ibereken na pe umur si gedang, cawir ka metua.
Cawirlah kam metua maka sempat idahndu kempu kempundu, enda me perkataan
Tuhan siibelasken pemasmur. Jadi sura
sura Tuhan bas pemereNA nge kap maka kam ras aku, kita kerina pe cawir
metua. Cawir metua ningen e, adi menurut
aku sehat ras mejuah juah seh metua. La
kolihen tapi sehat ras megeh ia seh metua.
Yakin aku kerina kita, khususna si enggo saitun ngarapkal ia gelah cawir
metua. Ma payo dage ?
PENGKENAINA
1.
Ula
daramindu ku ingan si la jelas ulu kesangapan geluh e. Ula aneh aneh, tapi simple ras ndeher kal ulu
kesangapan e emekap, erkemalangan man Tuhan ras ikuti kerina perentahNA. Janah bila sewaktu waktu lit kelepaken ras
salah dosanta, mis aku ken ku Tuhan ras mindo ampun. Msi kal kita iampuniNA.
2.
Kalak si
sangap, jabu si sangap harus ka lah mbaba ras mbereken rahasia kesangapan e man
kalak sideban. Cakapken ras kalak
sideban, bereken kesaksinta bahwa Tuhan e nge bena banana kerina kesangapan bas
geluh enda. Adi iblis tah setan, arah
lebe tempa berena kesangapen tapi dungna kam nge jerngemna. Emaka ula nari dua ukurndu tek lah man Tuhan,
janah erkemalangan man Tuhan. Amin.
Pt
Analgin Ginting.
Komentar