Ulangan 10 : 12 - 22
Thema : Ndalanken Kebujuren
Ulangan 10 : 12 – 22
10:12 "Genduari o,
bangsa Israel, begikenlah kai si ituntut TUHAN Dibatandu man bandu: Sembah lah
TUHAN ; dahiken kerina si iperentahkenNa. Kelengi lah Ia; dahi lah dahinNa alu
bulat ukurndu,
10:13 dingen ikutken kerina
undang-undangNa. Kubereken undang-undangNa man bandu sendah tama kesangapen man
bandu.
10:14 Langit si meganjangna kal pe TUHAN empuna.
Doni ras kerina isina pe TUHAN kap empuna.
10:15 Tapi mbelin kal kekelengen TUHAN man
nini-ninindu, e maka ipilihNa kam i bas kerina bangsa-bangsa nari; janah seh
asa genduari pe kam tetap denga bangsa pilihenNa.
10:16 E maka mulai genduari nari, erkemalangenlah
man TUHAN olanai mekeng.
10:17 TUHAN Dibatandu, ganjangen
kap asa kerina dibata-dibata ras gegehen asa kerina kuasa-kuasa si deban. Ia
kap Dibata si mbelin dingen mbisa, janah si nasa lit mbiar man baNa. La Ia
rayo-ayo ras la Ia nggit ngalo sogok.
10:18 IjagaNa tuhu-tuhu
maka kebujuren idalanken nandangi anak-anak melumang ras man diberu balu-balu.
Ia erkeleng ate man kalak pertandang si ringan i tengah-tengah bangsanta, janah
iberekenNa pangan ras uis.
10:19 E maka cidahkenlah kekelengen man kerina
pertandang, erkiteken kam pe mbarenda kalak pertandang nge i Mesir.
10:20 Erkemalangenlah kam man TUHAN Dibatandu janah
Ia saja lah sembah. Setialah man baNa, janah adi kam erpadan, erpadanlah i bas
gelarNa saja.
10:21 Puji lah Ia, sabap Ia kap Dibatandu; enggo
iidahndu alu matandu jine, perkara-perkara si mbelin ras mejin si ibahanNa man
gunandu.
10:22 Sanga nini-ninindu lawes ku Mesir, pitu puluh
kalak ngenca ia. Tapi genduari enggo bali ras bintang-bintang i langit
bilangenndu ibahan TUHAN Dibatandu.
Fakta Dan Makna
1. "Genduari o, bangsa Israel, begikenlah kai si
ituntut TUHAN Dibatandu man bandu: Sembah lah TUHAN ; dahiken kerina si
iperentahkenNa. Kelengi lah Ia; dahi lah dahinNa alu bulat ukurndu. dingen
ikutken kerina undang-undangNa. Kubereken undang-undangNa man bandu sendah tama
kesangapen man bandu.
Kitab Ulangan enda sengaja ipindo Dibata
gelah itulis ulang oleh Musa guna mpersiapkan kalak Jahudi si bakal masuk ku Tanah Perjanjian. Emaka adi sinen pola penulisan Kitab Ulangan
lit piga piga ciri cirina
*ringkas
ras jelas
*sumber
jelas Dibata Nari
*kai
Untungna adi idalanken ras kai ka rugina adi lang
Bas ayat enda pe jelas, kai si ituntut Tuhan, sembahlah Tuhan,
Kelengi Ia, dahi lah dahinNa alu bulat ukur (total) dingen ikutken kerina
undang undang na. Sangat jelas dan Ringkas
sekali. Janah itekanken Musa selaku penulis nina, “Kubereken
Undang UndangNa (Dibata) man bancu sendah, tama kesangapan man bandu . Jenda pe jelas kal nina Musa, bahwa Undang
Undang Tuhan mbaba kesangapan man sidalankensa.
Jadi Undang Undang TUHAN tujuan
utama na mbaba Kesangapan. Hanya memang
dibutuhkan pengertian yang mendalam gelah banci ngangka ras tek man Undang
Undang Tuhan.
2. TUHAN Dibatandu, ganjangen kap asa kerina
dibata-dibata ras gegehen asa kerina kuasa-kuasa si deban. Ia kap Dibata si
mbelin dingen mbisa, janah si nasa lit mbiar man baNa. La Ia rayo-ayo ras la Ia
nggit ngalo sogok. Engkai
Maka Tuhan mbereken Undang Undang, adi Tuhan e tuhu tuhu erkuasa lagi dia arah
undang undang ma banci nge aturna kerina ?
Enda me salah sada contoh pertanyaa, si usur kal iajuken kalak si langa
ngangka… Tuhan ta e tuhu me ia si paling erkuasa, ganjangan asa dibata dibata
sideban, gegehen asa kerina kuasa si deban, janah sinasa lit pe mbiar man
Bana. Adi sinasa lit pe mbiar man
Bana, janah ganjangan asa kerina dibata dibata,
harusna lanai penulakan ibas kerina sinasa lit adi ia erbahan Undang
Undang. Point na, Undang Undang Tuhan
labo perlu nari isungkun sungkuni uga maka bage, tapi dalanken lah. Komitmen ndalankensa. Tiap Minggu kal bas kebaktian Minggu I Gereja
GBKP lit kalimat “Erpadan aku Tuhan”. Emaka
enda me salah sada ajaran man Bangsa Israel si pindo Tuhan man bana…
3. IjagaNa tuhu-tuhu maka kebujuren idalanken nandangi
anak-anak melumang ras man diberu balu-balu. Ia erkeleng ate man kalak
pertandang si ringan i tengah-tengah bangsanta, janah iberekenNa pangan ras
uis.
Gelah kerina bangsa Israel nddalanken
kinibujuren man kalak simembutuhken perlakun bedasarkan kebujuren e; anak anak melumang, diberu balu balu ras kalak
kalak pertandang. Enggo jelas Dibata
selalu berpihak man kalak kalak si lemah, musil ras tidak punya power sama
sekali. Engkai maka dasarna kebujuren ,
sebab kalak enda tidak punya akses, gegeh ras sidebanna melawan kalak si la
bujur. Melala kelompok bas mayarakat
Jahudi si hanya baci tersampati alu kebujuren.
Adi la kam bujur man bana, labo kai pe nina, sebab la kin kadena pe. Emaka kalak sibujur ras tuhu tuhu bujur ngenca
banci nampati Ia. Ibas sienda me ipindo
Tuhan man Bangsa Jahudi si muat berkat ku Taneh Perjanjian gelah ia tetap
ndalanken si Bujur.
Kai dage definisi Kebujuren adi bage, ternyata kebujuren definisina emkap nuduhken keleng ate Dibata man kalak si la
ergegeh.
Pengkenaina
·
Mari sigejapken ras siangkai bahwa
DIbata kap sinuruh kita lako bujur ibas doni enda. Kebujuren lahir ibas kita memahami uga
rencana Dibata maka kalak si la ergegeh bas doni enda tersampati. Kebujuren ipindo Tuhan man kerina kalak si
ipilihNa gelah dalanken keleng ate Tuhan
bas doni enda.
·
Jadilah jadi Subjek rencana Tuhan bas
doni enda alu ndalanken Kebujuren. Adi sidalanken
kebujuren e, berarti kita ikut rencana Tuhan ngkelengi kalak si lemah si la ergegeh, ija kebujuren e ngenca
banci nampati ia. Thema PJJ ta : Ndalanken Kebujuren ertina, wujudkan
rencana Tuhan ngkelengi kalak si musil.
Sangap kal kegeluhen kalak sindalanken kebujuren. Amin.
Pt. Analgin Ginting.
Komentar