Kuan-kuanen 2:1-8
Tema : Ingan Ndarami Pemeteh Ras Pengertin
2:1 Pelajarilah si kukataken man bandu o anakku, janah ola kal kam lupa si
kuturiken man bandu.
2:2 Megermetlah nandangi kepentaren jenari cubakenlah ngantusisa pe.
2:3 O anakku, pindolah pemeteh, seksekilah ndatken
pengertinna.
2:4 Daramilah e desken ndarami emas, ayakilah e
desken ndarami erta si terbuni.
2:5 Alu bage maka ietehndu kai ertina erkemalangen
man TUHAN , jenari idatndu me pemeteh kerna Dibata.
2:6 TUHAN kap si mereken kepentaren, i bas Ia nari
kap manusia ndatken pemeteh ras pengertin.
2:7 Man kalak benar ras bujur iberekenNa penampat
ras ampang-ampang.
2:8 TUHAN si ngkawali kalak si bujur perbahanenna janah iampang-ampangiNa
kalak si tutus man baNa.
FAKTA, ARTI DAN MAKNA
1. O anakku,
pindolah pemeteh, seksekilah ndatken pengertinna. Daramilah e desken ndarami
emas, ayakilah e desken ndarami erta si terbuni.
Penulis Kitab Kuankuanen enda berubah menjadi sekalak
Bapa si seh kal bijaksana na. Ietehna
kai si paling penting bas geluh enda. Kepeken
nina secara tersirat hal si paling meherga bas doni enda emekap barang si la
baci itagang ras iambekken bagi kalimbawang.
Sebab barang simehergana ras si pentingna labo benda padat, labo benda
cair labo ka gas. Ia bersifat
intangible, la idah tapi lit, la tertagang tapi lit. Kai dage e ? Emekap pemeteh. Pemeteh la banci
tagang, tapi buah pemeteh e tentu saja banci itagangi.
Nina penulis
tole njelasken, pemeteh ipindo maka lit, sisekseki maka timbul pengertinna,
janah perlu idarami bagi si danarami emas, janah perlu iselidiki ras idatken
bagi harta si terbuni.
Emaka makna na
man banta emakap ula rugi ndayaken emas lako ndatken pengertian. Sebalikna ula buniken pengertian / pemeteh e
lako ndatken emas ras harta. Lebih
asangken kai pe, maka pemeteh e si pentingna. Sebab kai ? mari sinen terdauhen .
2. Alu bage maka
ietehndu kai ertina erkemalangen man TUHAN , jenari idatndu me pemeteh kerna
Dibata TUHAN kap si mereken kepentaren, i bas Ia nari kap manusia ndatken
pemeteh ras pengertin.
Sebab pemeteh
nge sierbahanca turah pengertian tentang erkemalangan man Tuhan. Wooow , tanpa
pemeteh la sieteh bedana erkemalangan man Tuhan tah nimbak Tuhan. Man kai kerina harta doni enda, adi labo lit
pengangkaan ras tabiat erkemalangan man Tuhan.
Remang erpagi pagi ngenca geluh e, man kai kapndu e.... nesei ia bene
dungna... Sanga la lit matawari remang e akap si jagona, epnbage reh matawari bene cinucuk remang e,
asa ndigan pe la nai idah. Pemeteh
mbabai lit pengertin kerna Tuhan.
Erkemalangan
man Tuhan buah dari pemeteh e.
Erkemalangan man Tuhan mbabai manusia ndatken pemeteh kerna Tuhan. Adi enggo lit pemeteh kerna Tuhan maka sieteh
dungna bahwa Tuhan kap simereken kepentaren e.
Inget
Kepentaren rehna bas Tuhan nari.
Adi siidah
kalak pentar yakinlah bahwa ia erkemalangan man Tuhan.
Tapi adi kalak
si pepentar pentarken bana, labo jelas e. Hahahahha.
Erkemalangan
man Tuhan lebe maka turah pemeteh, pemeteh maka muncul kesadaran Tuhan
simbereken kepentaren, Emaka bas kalak
pentar bergabung pemeteh ras ukur meteruk.
Puji Tuhan. Kalak pentar mbabai
ku kalak benar ras bujur. Pentar adalah
dasar atau filosophi benar ras bujur.
Kalak pentar la lit sombong nake.
3. Man kalak
benar ras bujur iberekenNa penampat ras ampang-ampang.
Man kalak
bujur ras benar e ibereken Na penampat ras ampang ampang. Enda enggo pasti sebab kalak pentar lit usur
datna penampat, sebab penampat e reh bas Tuhan nari si turah ras tersalur arah
kepentaren e. Emaka adi pentar kam, lit
lalap ide ndu menghadapi kai pe masalahndu.
Adi pentar kam
bagi Raja Salomo, ietehndu apai nande si asli, apai nande si palsu. Emaka kalak pentar la hanya nampati dirina,
tapi diri kalak pe baci isampatina arah kepentarenna.
Serayan Tuhan
seharusna pentar kerina. Adi lit serayan
Tuhan motu akapna bana, berarti langa ia erkemalangan man Tuhan arah kiniteken
ras perbahanen. Akapna saja ngenca ia
erkemalangan, tapi praktekna lang. Kam
ma labo kalak si bage ? Tabik aku
nungkun .
PENGKENAINA
1.
Begiken
lah ajar ndai, kita pe harus tetap ndarami pemeteh asa gegehta. adi enggo dat pemeteh maka kita erkemalangan
man DIbata. Jadi kalak sierpemeteh sadar
ia ia labo kai pe, emaka erkemalangan ia man Dibata. Tapi kalak si pentar akapna bana, la ia nggit
erkemalangan man Dibata. Emaka ermotuna ia.
Janah semakin akapna bana pentar,
situhuna ermotuna ia. Tapi adi semakin
kalak tuhu tuhu pentar semakin erkemalangan ia man Tuhan. Amin ?
2.
Ula
akapndu rugi bene emas ndu tapi datndu kepentaren. Sebab kepentaren e mbabai kam lebih nandai
Tuhan, janah ibere Tuhan kepentarenNa man bandu, janah Tuhan si ngampang
ngampangi kam. Siapkan lah danandu
lako nukur buku, erlajar internet, mempergunakan AI ras sdebanna. Tapi ujungna kerina haruslah semakin
erkemalangan man Tuhan. Amin.
Pt
Analgin Ginting.
Komentar