Catatan Tambahan PJJ 28 April – 4 Mei 2024

 

Thema :  Ersada Ukur Ras Ersada Sura Sura

1 Korinti 1 : 10 – 17  

Bahasa Karo 

O senina-senina, kupindo man bandu i bas gelar Tuhanta Jesus Kristus: ersadalah katandu kerina, gelah ula sempat jadi perpecahen i tengah-tengahndu. Ersadalah ukurndu janah ersadalah sura-surandu.

Maksudku eme: maka sekalak-sekalak kam nggo erpihak-pihak. Lit si ngatakenca, "Aku arah Paulus, " lit ka si ngatakenca, "Aku arah Apolos, " deba nina, "Aku arah Petrus, " janah lit pe si ngatakenca, "Aku arah Kristus."

Sabap piga-piga kalak i bas jabu Klue nari ngatakenca man bangku maka i tengah-tengahndu lit turah perjengilen.

Ibagi-bagiken kin Kristus man bandu? Paulus kin si mate i kayu persilang man gunandu? I bas gelar Paulus kin kam iperidiken?

Kukataken bujur man Dibata sabap sekalak pe kam la aku mperidikenca, seakatan Krispus ras Gayus.

Dage sekalak pe kam la banci ngatakenca maka kam nai iperidiken gelah jadi ajar-ajarku.

Lupa aku! Istepanus ras isi jabuna pe nai aku nge kepe mperidikenca; tapi lain si e la lit kuinget kalak si deban si kuperidiken.

Fakta Dan Makna 

1. O senina-senina, kupindo man bandu i bas gelar Tuhanta Jesus Kristus: ersadalah katandu kerina, gelah ula sempat jadi perpecahen i tengah-tengahndu. Ersadalah ukurndu janah ersadalah sura-surandu.

Pemindon Paulus man jemaat i Korintus sada pemindon si tujunna untuk si mere.   Biasa na adi mindo kita, maka tujuanna man si mindo, tapi pemindon Paulus enda tujunna kiniulin si mere. Luar biasa.  Kain nge pemindon Paulus,  eme gelah jemaat / perpulungen i Korintus ersada kata, gelah alu bage la  terjadi perpecahan.  Pemindon ersada kata enda, sada pemindon si berhubungan ras kinata prilaku manusia.  Kata kata sumber na pusuh peraten nari, berkaitan ras kebiasaan, motif, sistem nilai, pendidikan ras pengalaman hidup, budaya bagepe karakter sekalak jelma.  Paulus pe ietehnna hal enda, sebab ia me sekalak Guru Besar budaya Jahudi se menuasai suasana batin kalak Jahudi.  Emaka itambahina, ersadalah ukurndu janah ersadalah sura surandu.   Kata kata reh ibas ukur ras sura sura (motif) sekalak jelma nari.   Emaka kata kata simehuli, kata kata simaba damain, kata kata si menghargai ras mengapresiasi  reh ibas perukuren si mehuli, perukuren si ngataken bujur, bagepe kinteken man Tuhan Jesus nari. 

2. Sabap piga-piga kalak i bas jabu Klue nari ngatakenca man bangku maka i tengah-tengahndu lit turah perjengilen.

Pemindon Paulus enda isehkenna sebab enggo lit berita, lit info kelas satu maka i tengah tengah Jahudi Perantauan rs Kaum Gentile enggo lit perjengilen.  Perjengilan adalah awal kubas perpecahen.  Menarik untuk sisimak sitik terdauhen, janah siidah maka enggo lit perjengilen i tengah tengah komunitas kristen i Korinti.  Perjingelen si turah perban  riahna kiniteken.   Deba ngataken Paulus lebih hebat, sideba .n ka Apolos lebih hebat.  Perjengilen terjadi sebaba pilihenna akapna si paling benar.  Si milih Paulus yakin ajaran Paulus lebih tepat, si milih Apolos tentu ngataken Apolos nge si lebih hebat, si milih Petrus ngataken Petrus lebih hebat,    kehebatan ajarenna. 

3. Aku isuruh Kristus labo guna mperidiken, tapi guna meritaken Berita Si Mehuli, janah e pe labo erkiteken kinibeluhen manusia ngerana, gelah ula lasam kematen Kristus i kayu persilang.

Bas bagin sipeteluken enda i kritik Paulus perjengilen jemaat Korinti soal pengakap ajaren ajaren si paling benar.  Menang ibas kata kata soal ajaren , labo lit nilaina sebab kinibeluhen manusia ngerana soal ajaren labo perlu ibanggaken .  Labo kinibeluhen manusia ngerana soal Kristus si paling penting, tapi kematen Kristus i Kayu Persilang nge.  Em sebab na Paulus ngataken “Aku isuruh Kristus labo guna mperidiken, tapi guna meritaken Berita Si Mehuli, janah e pe labo erkiteken kinibeluhen manusia ngerana. Jadi tangkas kal man banta, Keleng Ate Kristus e nge si paling utama. La pe ibelasken manusia, Kristus sendiri banci nge mpesehsa man kerina jelma.  Emaka adi kita ngerana labo perlu menonjolkan ajaren ise, tapi pembabai Kesah Si Badia nge si paling penting.  Kataken Berita SI Mehuli alu penegu negu Kesah Si Badia, gelah ula lasam kematen Kristus i Kayu Persilang.  Ula kataken Berita Si Mehuli guna ndatken kebanggaan beluh erkata kata.  Jadi kai sinibelasken kita alu penegu negu Kesah Si Badia.  

Lit kap istilah bas kalak Karo dat dat babah. Ertina ngerana tanpa persiapan.  Situhuna kal adi erkata kerna kata Dibata, harus lah lt persiapan.  Ngerana tanpa persiapan, kemungkinen besar akan debat kusir.  La lit tujunna, la lit nilaina. 

Pengkenaina

• Ersada ukur ras ersada sura sura perlu kal si terapken bas jabu ta.  Seharusna pe kerina anak jabu ersada sura surana ersada ukurna.  Janah kinersadaan ukur enda muncul adi lit saratna minimal 

1. Usur berkomunikasi secara transparan

2. Nggit mbegiken sura sura kalak (bapa, nande ras senina/turang na)

3. Berusaha ndatken alternatif si banci iterima kerina pihak. 

• Ibas tingkat sektor perpulungen , runggun, klasis tah pe moderamen, ersada ukur ras ersada sura sura enda banci ipraktekken  adi kerina perukuren ersada ibas Kesah Sibadia.    Adi la Kesah Si Badia si ngkuasai pusuh peraten, mesera kal empersada ukur ras sura sura.  Saling berkomunikasi, saling mengenal, saling percaya, ras saling mendengar dan menerima enda me harus silakoken adi ateta ersada ukur ras ersada sura sura.  Mesera ibas praktek, tapi labo mustahil sidalanken.  Amin ? 

Bujur ras mejuah juah kita kerina.  

Pt. Analgin Ginting.