Thema : Tetap erdalan i bas dalan si Pinter
Heber 12 : 12 – 15
Bahasa Karo
Emaka angkatlah tanndu si kote, janah pegegehlah tiwenndu si la ergegeh!
Tetaplah kam erdalan i bas dalan si pinter gelah nahendu si tersiher la ersuina, tapi gelah malem.
Meriahlah ras ise pe, janah usahakenlah nggeluh bagi si ngena ate Tuhan, sabap adi la bage ise pe labo banci ngidah Tuhan.
Jagalah maka sekalak pe ula surut i bas lias ate Dibata. Jagalah maka sekalak pe ula bagi sinuan-sinuan si pagit uratna, si turah nuhsahi nterem jelma alu racunna.
Fakta Dan Makna
1. Emaka angkatlah tanndu si kote, janah pegegehlah tiwenndu si la ergegeh! Tetaplah kam erdalan i bas dalan si pinter gelah nahendu si tersiher la ersuina, tapi gelah malem. Mari sihayati mbages mbages, bahwa labo selama na kita megegeh bas kegeluhen enda. Tapi lit nge masa masana kita kote. Tan kote, tiwen pe la megegeh. Enda me fakta ibas geluhta. Dalan e pe melala kang si melok melok ia. Tapi ibas situasi si bage, enda me sada pedah si mehuli kal ibas penulis kita Heber nari (lit si menafsirkensa maka penulis kitab Heber enda emekap Apolos, si pernah piga piga kali isinggung Paulus gelarna) gelah kita tetap megegeh ras berusaha ibas dalin pinter kita erdalan. Angkatlah tannda di kote, pegegehilah tiwenndu si la ergegeh. Proaktif lah memulihkan diri sendiri, angkat tan si kote e, pegegehilah tiwen si modek modek (goyang) e. Kelemahan atau situasi sulit bukan untuk ditangisi dan dikeluhkan, tapi apa masalahnya harus mencari Solusi secara proaktif dan doa. Melala masalah sierbahanca kote kita, tapi ula larut ibas kekoten e. Istirahat/ngadi sejenak bagus, asal ula ngadi seterusna. Bablas hahahha.
2. Meriahlah ras ise pe, janah usahakenlah nggeluh bagi si ngena ate Tuhan, sabap adi la bage ise pe labo banci ngidah Tuhan. Meriahlah ras ise pe nina penulis, ertina kerina manusia si seri ras kita periode geluhna berpotensi jadi temanta. Emaka kita ipindo gelah meriah lah. (ula ka si pelemas lemas banta). Meriah ukur emekap salah sada cara lepas ibas kekoten nari. Sebab hati yang gembira adalah obat mujarab nina Amsal. Jadi ermeriah ukur ras ise pe sada gaya hidup si sangat strategis. Ula musuhi kalak sideban, ula ndaram ndarami kelemahan tah kesalahan kalak sideban. La lit jelma si la ersalah, la lit jelma si meriah ukur na isalah salahken. Sada ngenca Salah e si tetap tawa ia adi ncetak gol, emekap Mohamad Salah kalak Mesir pemain Liverpool. Hahahha. Janah usahaken nggeluh bagi singena ate Tuhan. Ertina ula ka ban (ngkiut-ngikut) teman kita ngelok. Mon mon sulit ka kin adi nimbak teman, tapi babaina kita kuembang. Terutama babaina kita ndauh ras Tuhan. E pangen la erteman ras ia, adi erbahan dosa ngenca akapna meriah. Ma setuju kam ?
3. Jagalah maka sekalak pe ula surut i bas lias ate Dibata. Jagalah maka sekalak pe ula bagi sinuan-sinuan si pagit uratna, si turah nuhsahi nterem jelma alu racunna. Enda me intina pedah Dibata bas kita nggeluh sada perpulungen/sada rarasen. Ulamin sekalak pe la surut ibas lias ate Dibata ari (ula min sekalak pe kiam ibas keselamatan si enggo bereken Tuhan ). Jadi ibas rarasen e kita harus berkolaborasi, harus bersinergi. Ula erkelompok kelompok, sebab kelompok kelompok e mabai kita erbahan perpecahan (teori sosiologi in grup dan out grup) Emaka kita pe harus erlajar, terutama pemimpin harus erlajar cara / strategi ibas kepemimpinenna. Nina Jetro man Musa (kelana) lit simampu mimpin 1000 kalak, mimpin 100 kalak, mimpin 50 kalak, mimpin 10 kalak. La seri gaya kepemimpinenna. Pemimpin si la erlajar seri akapna mimpin 10 kalak ras meimpin 50 kalak. La idahna bedana mimpin runggun ras mimpin klasis, mimpin klasis ras mimpin moderamen seri saja akapna. Hahahaha. Dari dari sisi jumlah ngenca bedana, dari sisi umur ras tingkat kedewasaan pe beda, emaka harus ka nge beda cara mimpinsa. Beda lah mimpin KAKR ras Mamre, bedalah mimpin permata ras saitun. Enda me haru siperdiaten ras sicermati gelah ula timbul menyendiri bas anggota perpulungenta e. Amin ?
Pengkenaina
• Seh kal perluna sikap konsisten ibas kita erkiniteken man Tuhan. Emaka kita harus berkomitmen teguh gelah banci kita tetap ras konsisten. Kalak Dewasa ertina kalak si konsisten ras berkomitmen ia. Sekali erjabu seumur nggeluh, em contoh na konsisten. Janah bage ka me kita ngikutken Dibata. Tetap konsisten aminna pe usur nge kita kote, lemah ras latih. Sekalak sekalak kita harus terus mempertahankan komitmen ta ras konsistensi ta ngikut kata Dibata.
• Jadi lah pemimpin, pengurus, serayan si tetap mperdiateken kerina anggota na. Ula kita jadi batu antuken, sierbahanca anggota ta e lanai ka tutus ibas kata Dibata. Pemimpin seri bagi Tuhan Jesus, nggit ia nungkun ras nbegiken pendapat murid muridNa. Sekalak pemimpin bertanggung jawab erbahanca kerina anggota / jemaat na tetap erkemalangan man Dibata secara konsisten. Amin ?
Bujur ras mejuah juah kita kerina.
Pt. Analgin Ginting.
Komentar