Ulangan 14 : 22 – 29
Thema : Nehken Persepuluhan Tanda Kehamaten
Bahasa Karo
" Serapkenlah persepuluhen, eme sepersepuluh i bas ulih jumandu nari tep-tep tahun.
Emaka lawes lah ku ingan si sada e si nggo ipilih TUHAN Dibatandu man ingan ersembah. I bas ingan e i adep-adepen TUHAN, panlah persepuluhen gandumndu, anggurndu, minak saitunndu ras anak si pemena i bas lembundu ras biri-birindu. Lakokenlah enda gelah banci kam erlajar rusur mehamat man TUHAN Dibatandu.
Adi persepuluhen i bas ulih latih bekas pemasu-masun TUHAN man bandu e ndauhsa iakapndu mabasa i bas rumahndu nari ku ingan ersembah, bagenda lah perbahanndu:
dayaken ulihndu latih e, emaka baba tukurna ku ingan ersembah si sada e.
Tukur lah alu e kai kam merincuh: daging lembu, anak biri-biri, anggur, bir; emaka i bas ingan e, i adep-adepen TUHAN Dibatandu, panlah si e kerina dingenndu ersenang-senang ras keluargandu.
Ula lupaken kalak Lewi si ringan i kotandu, erkiteken la lit ertana jine.
Fakta Dan Makna i
1. Serapkenlah persepuluhen, eme sepersepuluh i bas ulih jumandu nari tep-tep tahun. Tuhan sendiri si mindo man bangsa Israel gelah tiap tahun nerapken sepersepuluh ibas ulih jumana. Sada pemindon ibas Dibata nari si mempunyai dampak si sangat luar biasa kal man kebudayaan Jahudi selanjutna seh asa gundari. Tuhan ikut campur tangan ibas kehidupan ekonomi Bangsa pilihenNa, terukur kal ibas kata kata sepersepuluh. Lit na angka sepersepuluh e, erbahanna ca mesunah ngangkaisa ras mberekensa. Beda kal hasilna adi la lit angkana, misalna serapkenlah ulih jumandu tep tep tahun. Labo mungkin kerina sibereken, sebab ibas kata serapken e pe enggo lit takarenna. Serapken (sisihkan) tentu sitiken nge asa jumlah totalna. Jadi banci siidah jenda bahwa, angka sepersepuluh e sada angka si seh kal pentingna ibas ersembah man Tuhan. Tapi man kade Tuhan situhuna akal sepersepuluh ulih juma e ? Ijelasken ibas ayas berikutna.
2. Emaka lawes lah ku ingan si sada e si nggo ipilih TUHAN Dibatandu man ingan ersembah.
I bas ingan e i adep-adepen TUHAN, panlah persepuluhen gandumndu, anggurndu, minak saitunndu ras anak si pemena i bas lembundu ras biri-birindu. Lakokenlah enda gelah banci kam erlajar rusur mehamat man TUHAN Dibatandu.
Kepeken Tuhan Dibata la hanya mindo persepuluhan man bangsaNa, tapi pe i teguna manjar anjar uga penggunaanna ulih jumana e. “Lawes lah ku ingan si sada e, si nggo ipilih Tuhan dibatandu man ingan ersembah,”. Kepeken lit proses selanjutna ija persepuluhan e ibaba langsung ku adep adepen Tuhan, ibas sada ingan si enggo ikhususken. Ku ingan si Badia e me ibaba bangsaNa ulih jumana. Tapi langa ngadi, sebab nina Tuhan, ibas ingan e iadep adepen Tuhan, pan lah persepuluhen gandumndu, anggurndu, minat saitunndu ras anak si pemena ibas lembundu ras biri birindu. Janah Nina Tuhan tole, Lakokenlah enda gelah banci kam erlajar rusur mehamat man Tuhan Dibatandu.
Bagenda me proses ras makna terdalam / teologis mereken perssepuluhen man Tuhan.
a. Jumlahna sepersepuluh ulih juma setiap tahun.
b. Ibaba kuadep adepen Tuhan ibas ingan si khusus.
c. Ipan iadep adepen Tuhan kerina simehulina.
d. Lakuken secara berulang (jadi kebiasaan/karakter)
e. Persepuluhen media erlajar lako mehamat man Tuhan. Kalak Jahudi mereken persepuluhen e, tanda ia mehamat man Tuhan Dibata.
Jadi persepuluhen e ipan kalak simbereken persepuluhen e kange sebagai tanda kehamatenna man Tuhan Dibata. Bereken persepuluhenndu guna nehken kehamatenndu.
Lit kap benang merah hubungenna ras surat ukat “Endi Enta”. Pernah ban kami sada tulisen kerna surat ukat, ija makna teologisna bahwa Endi e pemere Tuhan, Enta e ipindo Tuhan respon/pengataken bujur tah pe kehamatan manusia (kalak Karo) man si mereken “endi” e. Kepeken nakan pangan nge sibereken Tuhan e, emaka itulisken ibas ukat, sendok nakan ibas buluh nari (bambu) . Jadi adi ringkas, surat ukat Endi Enta ertina, endi nakanndu nina Tuhan man kalak Karo, jenari enta kehamatenndu nina Tuhan kenca ibereNa man kita kerina. Bangga banget jadi orang Karo ya.
3. Tiap ujung tahun peteluken, babalah persepuluhen kerina ulih jumandu, kebenken e i bas kotandu. Si enda man pangan kalak Lewi, erkiteken la lit ertana, bage pe kalak pertandang, anak melumang, ras diberu balu-balu si ringan i kotandu. Pelepas kalak enda reh muat kasa kai si iperlukenna. Lakokenlah enda gelah ipasu-pasu TUHAN Dibatandu kam i bas asa kai si idahindu."
Lit dengan makna sideban si sangat penting ibas mbere persepuluhen enda man Bangsa Israel, ija ipindo Tuhan maka setiap 3 tahun“ persepuluhen ibereken man Kalak Lewi, erkiteken la lit ertana, bagepe man kalak pertandang, anak melumang, ras diberu balu balu. Bahkan nina Tuhan, pelepas kalak enda reh muat kasa kai si iperlukenna. Lakokenlah enda gelah ipasu pasu TUHAN dibatandu kam ibas asa kai siidahindu. Kalak Lewi, kalak si full time erdahin i rumah pertoton Tuhan, tapi la ia perlu mbiar kerna kai sinipanna.
Teridah man banta, maka nggeluh bas doni enda labo melulu ndarami dahin ras ulih erdahin e. Tapi tergejap, maka ope lenga erdahin e pe enggo leben isikapken Tuhan kai siman panganen alu lit na hukum persepuluhen enda.
Kam terbiasa kin mbere persepuluhen ? Mbere persepuluhen emakap cara cara siniajarekn Tuhan gelah kita engkelengi Tuhan ras ngkelengi manusia sekaligus. Nyaman, damai ras malem kal ateta adi kita terbiasa mbereken persepuluhen. Si serapkenlah adi bage. Mbereken persepuluhen eme tanda kehamaten si seh kal pentingna silakoken selaku anak anak Dibata.
Pengkenaina
• Mbereken persepuluhen ibas ulih pendahinta nari, labo ate Tuhan mindo pajak man manusia. Tapi gelah manusia e nggejap maka kerina ulih juma, ulih pendahinna erkiteken pasu pasu Tuhan Dibata nge. La pe erdahin manusia e, pasti nge lit nakan panganna, tapi adi megegeh nge dirinta, ma pangen kita erdahin daripada mindo penampat kalak sideban guna nakan pangannta. Emaka erdahinlah lah kita alu payo ras ersembah persepuluhen.
• Kalak Lewi isuruh Tuhan la erdahin ercara ekonomik, tapi ia erdahin selaku pelayan i rumah pertoton. Tapi ibahan Tuhans ada ketetapan maka la pe ia erdahin, la pe lit ertana maka lit nge sinaruhken nakan panganna. Ijenda siidah, labo perlu kita mbiar kerna nakan pangan adi kita ndalanken keleng ate Tuhan. Adi kita serayan Tuhan, seharusna kita contoh man kalak sideban bahwa Tuhan pasti mbereken pasu pasuNa man nakan panganna. Emaka , adi la ateta mbereken persepuluhen erdahin lah bagi kalak Lewi. Tapi adi erdahin ateta bagi kalak sienterem sibereken lah persepuluhenta. Amin ?
Bujur ras mejuah juah kita kerina.
Pt. Analgin Ginting.
.jpg)
Komentar